Balevi 4:3 - Libuka Lya Kuyela

³ “Ndi Mukulwane wa bakankombela nimwabo wakuwabishiwa aku bipisha, ukuleta mulandu ha bantu nimwabo. Nafwanini kuleta nkunzi wamushe wakubula muhendo na ku mu kombelela kuli Nyambi ya Ngula kwinga ntupu ya ha wubi.

Balevi 4:3 Iomraidhean Croise

2 Byambo 29:21

Bashimbile bankunzi mutanu na babili na bikungwe bya bambelele mutanu na bibili na bana ba bambelele mutanu na babili na bikungwe bya bampongo mutanu na babili kwinga ntupu ya ha wubi. Mwene watongwezele bakankombela, bazukulya Aloni kukombelela bimuna kwinga zinkombela ha kaala ka Nyambi ya Ngula. Zakufumisha wubi wa ba lupashi lwaku wene na bantu ba Yunda na kuyelesha Litala lya Nyambi ya Ngula.

Ezila 8:35

Niho nimwabo aba balubukile mu wutampwa baletele zintupu za kuya mu kuhokeshela kuli Nyambi wa Ishalela kwinga zinkombela. Batupwile bankunzi 12 na bikungwe bya bambelele 96 na bana ba bambelele 77 ha Baishalela nimwabo. Batupwile kami bikungwe bya bampongo 12 kwinga nkombela ya wubi. Babimuna aba nimwabo bahokeshiwile kwinga zinkombela kuli Nyambi ya Ngula.

Kututika 29:14

Ngoboni ukahokeshele nyama ya nkunzi na shitembe shendi na mila na wutoko, ha munkanda wa munkungwa. Eye niyo ntupu ya ha wubi wa bakankombela.

Kututika 29:21

Niho ukashimbeho mukeza umo uya uli ha kaala na mazi awo akuwaba na kuwamyanzila hali Aloni naha bivwalo byendi naha bana bendi naha bivwalo bya bana bendi. Pe niye na bana bendi na bivwalo byabo bikenga bya kuyela kukwami.

Kututika 29:7

Pe ukashimbe mazi akuwaba na ku wayitila ha mutwe wendi, pe ukamuwabishewo.

Kututika 30:10

Aloni ukatenda shiheka sha kwambwililisha kaala ha kuyaka mukeza wa shimuna ku ncengo zako kamo ha mwaka. Ukambwililisha kaala kamo ha mwaka na mukeza wa ntupu ya ha wubi. Eshe shikatendiwanga ku bihemunwino byenu nimwabyo. Kaala aka kakenge kakuzilikiwa, kakufunguliwila kukwami Ami Nyambi ya Ngula.”

Ezekiyele 40:39

Ku kampenci ka ku menginino a lipangati, kwekalile zitebulu zibili kuzimbalila nimwazo haya bazihililenga tuyamana twa ntupu ya kuhokesha na ntupu ya ha wubi na ntupu ya kulyambwilila.

Ezekiyele 43:19

Bakankombela ba ku mushobo wa Levi, bazukulya Zandoki nibo bakeza hambili yami mu kuntendela milimo, Ami nili Nyambi ya Ngula nalaya ebye. Ukapana bakankombela nkunzi wamushe wakutupula kwinga ntupu ya ha wubi.

Ezekiyele 44:27

Ha mutena akengina mu shipango sha Litala lya Nyambi, ngayi atende kami milimo uku fwanina kutupula ntupu ya ha wubi.” Eshe nisho nikwamba Ami Nyambi ya Ngula.

Balevi 1:10

“Ndi ntupu yendi yikafuma ku litanga lya bambelele hinge ku bampongo, wafwanina kutupula shikungwe wakubula muhendo.

Balevi 1:3

“Muntu nimwendi ukutupula nkombela ya shimuna, wafwanina kutupula nkunzi wakubula muhendo. Uku fwanina kumuleta ku menginino a Ntanda ya Kuliwanina, ngayi atambuliwe ku meho a Nyambi ya Ngula.

Balevi 16:11

“Aloni ukakombelela nkunzi kwinga ntupu ya ha wubi na wubi wendi niyemwine na nou wa ba lupashi lwendi.

Balevi 16:3

Aloni tuhu ukengina mu mwanya wa kuyela oho akaleta nkunzi wamushe wa ntupu ya ha wubi na shikungwe wa mbelele ha nkombela ya kuhokesha.

Balevi 16:5

“Pe shikungulukilo sha Ishalela shikapana Aloni babikungwe ba bampongo babili ha ntupu ya ha wubi na shikungwe wa mbelele kwinga nkombela ya kuhokesha.

Balevi 16:6

“Pe ukakombelela nkunzi kwinga ntupu ya ha wubi na wubi wendi niyemwine na nou wa ba lupashi lwendi.

Balevi 4:14

Oho ndi wubi walimukiwakale, shikungulukilo shikaleta nkunzi wamushe kwinga ntupu ya ha wubi. Bakamuleta ku Ntanda ya Shikungulukilo.

Balevi 4:23

niho ndi wubi wayuvwanikakale, pe ukaleta shikungwe wa mpongo wakubula muhendo kwinga ntupu.

Balevi 4:28

niho ndi wubi wayuvwanikakale, ukaleta ntupu yendi ya mpongo wa shitole wakubula muhendo.

Balevi 4:5

Niho Mukulwane wa bakankombela nimwabo ukashimba mukeza umo wa nkunzi na ku wu twala mu Ntanda ya Shikungulukilo.

Balevi 5:6

Kami ngonehe kubweshela kwa ha wubi wendi, ukuleta kuli Nyambi ya Ngula nkombela ya mbelele wa shitole hinge mpongo kwinga ntupu ya ha wubi. Mukankombela ukakombelela nkombela ya kufumisha wubi wendi.

Balevi 6:18

Ha shikati nimwasho sha kumbili, bazukulya Aloni bakalyangayo kwinga shitapilo shabo sha kubula kumana ku bihemunwino byabo nimwabyo sha ntupu ya byakulya ya kuhokesha kuli Nyambi ya Ngula. Muntu nimwendi washenge waku kwatako hinge shuma shimo shiya shikukwata ntupu ya byakulya nafwanini kwinga wa kuyela.”

Balevi 8:12

Niho afungwilile Aloni ha kumuyitila mazi akuwaba ha mutwe wendi.

Balevi 9:2

Wambile kuli Aloni ngayi, “Shimba nkunzi wamushe na shikungwe wa mbelele baya bakubula muhendo, kami ubakombelele kuli Nyambi ya Ngula. Uya nkunzi ukwinga ntupu ya ha wubi na uya shikungwe wa mbelele uya ukwinga nkombela ya kuhokesha.

Balevi 9:3

Pe utongweze bantu ba Ishalela ngayi, ‘Bashimbe mpongo wa ntupu ya ha wubi na namani wa mwaka umo na mwana mbelele wa mwaka umo, baya bakubula muhendo, baha nkombela ya kuhokesha.

Kulaba 16:22

Ngoboni Moshesha na Aloni balambile hanci na zimpala zabo ku limvu na kwamba ngayi, “Obe Nyambi, unengi mwine wumi nimwawo. Oho muntu umo unabipishi, kati ukupilamina likunge nimwalyo ndi?”

Kulaba 8:8

Niho bakashimba mwana nkunzi na ntupu ya mpeka yashingiwanga ya muhunga wakuvuba na mazi a olive, kami mukashimba nkunzi wawubili wa ntupu ya ha wubi.

Baloma 8:3

Nyambi watendele eze Ndayano za Moshesha zakwangile kutenda, ndaba ya kupopa kwa bantu. Nyambi unayata wubi uli mu zinyutu za bantu ha kutuma Mwanendi ou wezile mu shifwekesha sha muntu wamubi, ngayi na lutu luyo atweshe kumanisha uya wubi.

2 Kolinte 5:21

Kilishitu kaliha watendele wubi, ngoboni Nyambi wamwingile wubi ndaba yetu, ngayi etu tutendiwe bakulunga kuli Nyambi.

Bahebelu 5:3

Ndaba ya neshe uku fwanina kutupula nkombela, ndaba ya wubi wa bantu.

Bahebelu 9:12

Kaliha wenginine na mukeza wa bampongo hinge wa tunamani, ngoboni na mukeza wendi niye mwine. Wenginine kamo mu Kampenci Kakuyela Shikuma niho atuwaninine ku shoboloka mwaya myaka.