Balevi 3:5 - Libuka Lya Kuyela

⁵ Pe bakankombela bana ba Aloni bakahokesha ebye nimwabyo ha kaala hamo na zinkombela za kuhokesha ziya zili hayilu ya nkuni ha mundilo. Niyo yinengi nkombela ya kuhokesha, pe livumba lya neye nkombela ya byakulya bya kuwahililisha Nyambi ya Ngula.

Balevi 3:5 Iomraidhean Croise

1 Bamyene 8:64

Ha mutena uya watendele uya mwanya kwinga kaala ka kukombelela hakati ka shipango sha kumbili ya Litala lya Nyambi, pe wakombeleleleko zinkombela za bimuna bya kuhokesha bya nzimba na zintupu za mpeka na mazi a bimuna a nkombela ya kulilumikila. Watendele nehe, ndaba kaala ka lubemba mu shipango sha ku Litala lya Nyambi shengile shashishe ku zinkombela nimwazo eze.

2 Byambo 35:14

Oho bamanishile kutenda nehe, Balevi balitelekelele nibo bamwine nyama neyi ya bakankombela batutika kuli Aloni, ndaba bahokeshelenga babimuna kukuma na ku wushiku, baya bahokeshiwilenga banzimba na mazi a zinkombela.

Kututika 29:13

Pe kami ukashimbe mazi nimwawo akufwika bya mukati na bihaha bya mazi aku litima na mashiye abili hamo na mazi wawo, ukabihokeshele ha kaala bikenge nkombela kukwami.

Ezekiyele 44:15

Nyambi ya Ngula wambile ngayi, “Bakankombela ba ku mushobo wa levi bazukulya Zandoki, nibo bazaminine kuntendela milimo mu kupwisha mu litala oho nimwabo baka ishalela bafumine kukwami. Nohobene, haya nibo bantu aba ba kufwaninina kuntendela milimo na kwiza hambili yami mu kumpanika mazi na mukeza bya zinkombela.

Ezekiyele 44:7

Bya kwitabilisha bayeni na bakakubula kuya ku mukanda aba bakubula kunyombatala, kwingina mu litala lyami oho mazi na mukeza bya zinkombela zili na kutupuliwa kukwami, nohobene bantu bami banakiluku kulimama kwami ha kuwezelela ku byuma bya wunyengwe ba kutenda.

Balevi 1:13

Pe bya mukati na mawulu bakabiyoweshe na mema. Pe mukankombela ukatupula nimwabyo na kubiyoha ha kaala, yikenga nkombela ya kuhokesha, nkombela ya ha mundilo, likututwitisha livumba lyaliwahe kuli Nyambi ya Ngula.

Balevi 1:17

Ukakakwata ku mbando zako na kukatabula hakati kwakubula kukacancozola nimwako. Pe mukankombela ukakahokesha ha kaala, ha mundilo uli ha nkuni, yinengi ntupu ya kuhokesha ha mundilo, yikututwisha livumba lyaliwahe kuli Nyambi ya Ngula.”

Balevi 1:9

Ngoboni bayoweshe bya mu livumo na mawulu a kayamana na mema. Mukankombela ukahokesha nimwabyo ha kaala, kwinga nkombela ya kuhokesha, ntupu ya kutupula ha mundilo, livumba lya neye nkombela likuwahililisha shikuma Nyambi ya Ngula.

Balevi 3:11

pe mukankombela ukabihokesha ha kaala. Yikenga nkombela yayiwahe ya kuhokesha kuli Nyambi ya Ngula.

Balevi 3:4

na mashiye abili na mazi awo na mbalila yayiwahe ya ku litima.

Balevi 4:31

Pe ukafumisha mazi wendi nimwawo, ngonehe shiya bafumishanga mazi a bimuna bazihilanga ha zinkombela za kulilumikila, pe ukawahokeshela ha kaala ngayi livumba mwanga liwahililishe Nyambi ya Ngula. Mu ntendelo eye mukankombela ukakombelela nkombela ya kukuliza ha wubi wa uya muntu pe ukayatiwila.

Balevi 4:35

Pe mukankombela ukafumisha mazi wendi nimwawo ngonehe shatendiwanga ha kufumisha mazi a mbelele uya wazihiwile ha nkombela ya kulilumikila. Pe niye ukawahokeshela ha kaala hayilu ya zinkombela za byakulya za kuhokesha, zikupanikiwa kuli Nyambi ya Ngula. Mu ntendelo eye mukankombela ukakombelela nkombela ya kukuliza ha wubi wa uya muntu pe ukayatiliwa wubi wendi.”

Balevi 6:12

Mundilo wa kaala ukafwanina kubanga, kami hinga mwaka ukatanga kwitabilisha ngayi uzime. Lumenemene na lumenemene ukayakangaho nkuni na kuyakaho nkombela ya kuhokesha. Nakuhokesha mazi a nkombela ya kulilumikila.

Balevi 7:28

Nyambi ya Ngula wambile kuli Moshesha ngayi,

Balevi 9:17

Watwalile kami ntupu ya mpeka na kushimba muhunga wa liboko lya kwinzala na kuwu hokeshela ha kaala. Eshe shengile kufungila hamo na nkombela yakuhokesha yaha mutena ha mutena.

Kulaba 15:8

Oho nkunzi ukukombeleliwa kuli Nyambi ya Ngula kwinga nkombela yakuhokesha, hinge nkombela ya kubezulula mbeza, hinge nkombela ya kulilumikila,

Kulaba 18:17

Ngoboni bakutatika kuhemuwa ku zingombe na bambelele na bampongo kwinga ba kukuliziwa bafwako, nibo benga bamibami na mwaka, pe bakakombeleliwa kukwami. Yitila mukeza wabo ha kaala, pe hokesha mazi wabo kwinga nkombela ya byakulya, livumba lyabo likangwahililisha.

Kulaba 28:12

Nkombela ya mpeka, nkombela ya muhunga wakuvuba na mazi a olive kwinga ntupu ya mpeka. Ha nkunzi na nkunzi, kombelela muhunga wa makilongilamu ahatu a muhunga, kami hamo na shikungwe wambelele, kombelela muhunga wa makilo abili.

Kulaba 28:3

“Pe zinkombela eze za byakulya ziya zikakombeleliwa kuli Nyambi ya Ngula, ya kukombelela na mundilo yaha mutena ha mutena, zikenga bana babikungwe ba bambelele babili ba mwaka umo bakubula nyanco, kwinga nkombela yaha mutena ha mutena ya kubula kukatala.

1 Pita 2:5

Enu kami munengi ngo mamanya akuyoya, awa Nyambi akatendesha litala lyendi, tendenu milimo ngonehe mukankombela wa kuyela, mu kupana zinkombela mu moyo, ziya zikutambuliwa kuli Nyambi kupitila muli Yeshu Kilishitu