Balevi 3:16 - Libuka Lya Kuyela

¹⁶ Pe mukankombela ukabihokeshela ebye nimwabyo ha kaala kwinga nkombela ya byakulya ya kuhokesha, livumba lyaliwahe likawahililisha Nyambi ya Ngula. Mazi nimwawo akenga a Nyambi ya Ngula.

Balevi 3:16 Iomraidhean Croise

Shitatiko 4:4

Niho Abele naye kami atwalile kuli Nyambi ya Ngula ntupu ya mweli wa mwana mbelele wamu litanga lyendi. Wamuzihile pe wapanine bimamo byabiwahe hamo na mazi wendi. Nyambi ya Ngula wawahililile pe watambwile nkombela ya Abele,

2 Byambo 29:35

Ku zinkombela ziya zahokeshiwile za nzimba, bakankombela bekalile na ngovu za kuhokesha mazi aku zinkombela za kulilumikila, eze balilenga bantu nabya mwitilila wa waine aya aletiwile hamo na zinkombela za kuhokesha.

2 Byambo 7:7

Sholomoni wazilikile mbalila ya hakati ka shipango mwanya wakumbili ya Litala lya Nyambi ya Ngula, pe wakombelele kuyo zinkombela za kuhokesha za nzimba na zintupu za mpeka na mazi aku zinkombela za kulilumikila. Watendele nehe ndaba kaala ka lubemba eshe azikile shengile shashishe shikuma ha zintupu nimwazo eze.

Kututika 29:13

Pe kami ukashimbe mazi nimwawo akufwika bya mukati na bihaha bya mazi aku litima na mashiye abili hamo na mazi wawo, ukabihokeshele ha kaala bikenge nkombela kukwami.

Kututika 29:22

“Pe ukaketuleko mazi a shikungwe na mazi aku mushila na mazi akufwika bya mukati na bihaha bya mazi aku litima na mashiye abili hamo na mazi wawo. Na shilama sha shilyo, ndaba wunengi shikungwe na mazi akufungulwisha bakankombela.

Ishaya 53:10

Ngoboni shengile shifungo sha Nyambi ya Ngula ngayi, alemekiwe na kuyandishiwa, oho atendiwile kwinga ntupu yaha wubi. Nohobene ukamona bazukulyendi, ukavulisha matena wendi, pe shifungo sha Nyambi ya Ngula shikatendiwa mumwendi.

Ezekiyele 44:15

Nyambi ya Ngula wambile ngayi, “Bakankombela ba ku mushobo wa levi bazukulya Zandoki, nibo bazaminine kuntendela milimo mu kupwisha mu litala oho nimwabo baka ishalela bafumine kukwami. Nohobene, haya nibo bantu aba ba kufwaninina kuntendela milimo na kwiza hambili yami mu kumpanika mazi na mukeza bya zinkombela.

Balevi 17:6

Mukankombela ukayitila mukeza ku zimbalila za kaala ku menginino a Ntanda ya Shikungulukilo na kuhokesha mazi, pe nkombela yiya yikaleta livumba liya likuwahililisha Nyambi ya Ngula.

Balevi 4:26

Pe ukahokeshela mazi nimwawo ha kaala, kwinga ngonehe shiya ahokeshanga mazi a bimuna ba kuzihiwila ha zinkombela za kukuliza. Muntendelo eye mukankombela ukakombelela nkombela ya kwambwililisha ha wubi wa mukakutwaminina pe ukayatiwila ku wubi wendi.

Balevi 4:31

Pe ukafumisha mazi wendi nimwawo, ngonehe shiya bafumishanga mazi a bimuna bazihilanga ha zinkombela za kulilumikila, pe ukawahokeshela ha kaala ngayi livumba mwanga liwahililishe Nyambi ya Ngula. Mu ntendelo eye mukankombela ukakombelela nkombela ya kukuliza ha wubi wa uya muntu pe ukayatiwila.

Balevi 8:25

Washimbile mazi a shikungwe wa mbelele na mushila na mazi wawo na mazi nimwawo akufwika bya mukati na bihaha bya mazi aku litima na mashiye abili na mazi wawo na shilama sha shilyo.

Balevi 9:24

Babazumukile tuhu Nyambi ya Ngula wa tumakale mundilo, wahokeshele nkombela nimwayo na bimamo bya mazi ha kaala. Oho bantu babimonene, nimwabo batangalile pe bashinkamine hanci na kulamba.

Mateo 22:37

Yeshu wakumbwile ngayi, “Haka Mwene Nyambi yobe na mutima wobe nimwawo na moyo wobe nimwawo na ngana zobe nimwazo.