Balevi 3:11 - Libuka Lya Kuyela

¹¹ pe mukankombela ukabihokesha ha kaala. Yikenga nkombela yayiwahe ya kuhokesha kuli Nyambi ya Ngula.

Balevi 3:11 Iomraidhean Croise

Nyimbo 22:14

Nyala zami zinamana, ngonehe mema anayitikili hanci. Bifupa byami nimwabyo bya weyuku, mutima wami unengi ngonehe nzunzulu, yinanyangumukili mushali.

Ezekiyele 44:7

Bya kwitabilisha bayeni na bakakubula kuya ku mukanda aba bakubula kunyombatala, kwingina mu litala lyami oho mazi na mukeza bya zinkombela zili na kutupuliwa kukwami, nohobene bantu bami banakiluku kulimama kwami ha kuwezelela ku byuma bya wunyengwe ba kutenda.

Balevi 21:17

“Tongweza Aloni ngayi, kowa waku bazukulyobe wa muhendo ha lutu waku fwanina kuleta ntupu ya byakulya kukwami. Eshe shikekala naku bihemwinino byabo nimwabyo.

Balevi 21:6

Ukenga wa kuyela kami kaliha wafwanina kuhandula lizina lyami. Niye watupulanga zintupu za kuhokesha za byakulya kukwami, nohobene uku fwanina kwinga wakuzila.

Balevi 21:8

Bakankombela banengi ba kuzila ndaba nibo batupulanga zintupu za byakulya kukwami. Bakenga ba kuzila kukwenu ndaba Ami Nyambi ya Ngula wamiyeleshanga, nenga wa kuyela.

Balevi 22:25

“Hinga mukakombelela nkombela ya byakulya washimuna wakufweka ngo uyo wakutambula ku lipukwenda, ndaba babimuna banehe ba kuhanganikiwila ngo bali na muhendo, pe kukatambuliwa bafwako.”

Balevi 3:16

Pe mukankombela ukabihokeshela ebye nimwabyo ha kaala kwinga nkombela ya byakulya ya kuhokesha, livumba lyaliwahe likawahililisha Nyambi ya Ngula. Mazi nimwawo akenga a Nyambi ya Ngula.

Balevi 3:5

Pe bakankombela bana ba Aloni bakahokesha ebye nimwabyo ha kaala hamo na zinkombela za kuhokesha ziya zili hayilu ya nkuni ha mundilo. Niyo yinengi nkombela ya kuhokesha, pe livumba lya neye nkombela ya byakulya bya kuwahililisha Nyambi ya Ngula.

Malaki 1:12

Nyambi ya Ngula ukwamba ngayi, “Mukuhandula lizina lyami na biheka byenu. Ha kutupula byakulya binabipi, enu mukwamba ngayi howa wukalu Kubipisha tebulu ya Mwene.”

Malaki 1:7

Mwahandulanga ha kutupula byakulya bya kubula ku fwanina ha kaala. Niho mwikupula ngayi, ‘Kati etu twa kuhandulu nahiti?’ Munahandulu hakwamba ngayi kaala ka Nyambi ku fwanina maleema kafwako.

Kulaba 28:2

“Ambila Baishalela, pe ubatongweze ngayi, ‘Bakombelele zintupu zami za byakulya byami bya kutupula ha mundilo. Livumba lya ku zintupu eze likungwahililisha shikuma, kakeyenu ngayi mukazitupule kukwami ha bikati byabyo.”

Kulaba 28:24

Mu nzila yimo, ku matena mutanu na abili mukakombelela kuli Nyambi ya Ngula nkombela ya byakulya yakuhokesha na mundilo. Livumba lyaliwahe lya nkombela eye likawahililisha Nyambi ya Ngula. Mukakombelela eye mu kufungila ku nkombela ya kuhokesha yaha mutena ha mutena na nkombela yayo ya waine.

Baloma 8:32

Niye wabulile kukanisha Mwanendi, ngoboni wamutupwile ndaba yetu nimwetu, pe ukabula nahiti kutupanika hamo nendi byuma nimwabyo?

1 Kolinte 10:21

Kutwesha mufwako kunwa mu nkomoki ya Mwene na nkomoki ya mayimbwe. Kutwesha mufwako kulila ha tebulu ya Mwene na kulila kami ha tebulu ya mayimbwe.

Kuholoka 3:20

Mona! Ninemana ha shipana na kungongomweza, ndi muntu wamina ukuyuvwa lizu lyami, pe ha ku shinkulula shihala, pe nikengina, kami tukalya hamo.