Balevi 3:1 - Libuka Lya Kuyela

¹ “Oho muntu ukukombelela umo ha zingombe zendi kwinga nkombela ya kulilumikila kuli Nyambi ya Ngula, yiku fwanina kwinga ya nkunzi hinge ya shitole wafwanina kutupula wakubula muhendo.

Balevi 3:1 Iomraidhean Croise

1 Byambo 21:26

Wazikilile kaala Nyambi ya Ngula kuyo, na kukombelela zinkombela za kuhokesha na zinkombela za kulilumikila. Walombelele, pe Nyambi ya Ngula wamukumbwile na kutuma mundilo kuyilu na kuhokesha nkombela ha kaala.

Kututika 20:24

Ukantendele kaala ka limvu, pe ukakombeleleko mbelele yobe na ngombe yobe kwinga nkombela yobe ya kuhokesha na nkombela yobe ya kulilumikila. Ku mbalila na mbalila kuyo nika kuhatila ngayi ukandemesheleko, pe nikeza kukwenu na kumifuywela.

Kututika 24:5

Niho atumine bandumbana ba Baishalela, pe bahokeshele zinkombela kuli Nyambi ya Ngula, kami bakombelelele bimuna bimo kwinga zinkombela za kulilumikila.

Kututika 29:28

Eze zikenga ndayano za mwaya myaka, ngayi oho bantu bami bakapana nkombela yabo ya kulilumikila, kapumpo na shilama sha shimuna bikenga bya bakankombela. Kami yikenga ntupu ya bantu kukwami, Ami Nyambi ya Ngula.

Zincimpi 7:14

“Lelo ninakombelele nkombela, ya kulilumikila haya nikutenda ebye nalibezele.

Ezekiyele 43:27

Oho matena mutanu na abili anamana, bakankombela bakatatike kutupula ntupu ha kaala, ntupu ya kuhokesha na ntupu ya kulilumikila na bantu. Niho ami nikawahilila nanenu nimwenu, eshe nisho nikwamba Ami Nyambi ya Ngula.”

Ezekiyele 45:15

Mutupule mbelele umo kufumisha ha myanda yibili ku mabuyishilo amawahe a Ishalela. Enu mukalete zintupu za mpeka, batuyamana ba kuhokeshiwa na batuyamana ba zintupu za kulilumikila, kwinga shihingo kukwabo. Eshe nisho ninamba ami Nyambi ya Ngula.

Balevi 1:10

“Ndi ntupu yendi yikafuma ku litanga lya bambelele hinge ku bampongo, wafwanina kutupula shikungwe wakubula muhendo.

Balevi 1:3

“Muntu nimwendi ukutupula nkombela ya shimuna, wafwanina kutupula nkunzi wakubula muhendo. Uku fwanina kumuleta ku menginino a Ntanda ya Kuliwanina, ngayi atambuliwe ku meho a Nyambi ya Ngula.

Balevi 17:5

Kutontoloka kwa kufundiziza kuno ngayi bantu ba Ishalela bakalehe kukombelelanga bimuna mu wande. Haya bakabaletenga tuhu kuli Nyambi ya Ngula kuli mukankombela ku menginino a Ntanda ya Shikungulukilo na kubakombelela kwinga zinkombela za kulilumikila.

Balevi 3:6

“Ndi muntu ukutupula kwinga nkombela ya kulilumikila kuli Nyambi ya Ngula, hamina nkombela wa shikungwe hinge wa shitole, ngoboni uku fwanina kwinga wakubula muhendo.

Balevi 9:18

Wazihile nkunzi na shikungwe wa mbelele kwinga nkombela ya bantu ya kulilumikila. Bana bendi bamuletelele mukeza, wawumyanzilile ha zimbalila za kaala nimwazo zinaa.

Balevi 9:4

Kami nkunzi na shikungwe wa mbelele baha nkombela ya kulilumikila. Baku fwanina kubakombelela kuli Nyambi ya Ngula na ntupu ya mpeka ya ku vwela na mazi. Baku fwanina kutenda nehe ndaba Nyambi ya Ngula ukuliholola kukwabo lelo.’ ”

Amoshi 5:22

Hinge ndi mu kutupula zintupu zenu kukwami, za kuhokesha na za mpeka, kukazitambula nifwako na zintupu zenu za kulilumikila za bimuna benu ba kushuwa, kukapenzako nifwako.

Malaki 1:14

Mwanga akutiwe muntu uya ukwongeza, uya ukukombelela nkombela ya kubula ku fwanina. Oho niye hinga ekala na shimuna shashiwahe ou a kulupishile ngayi ukampana. Ami Mwene Wamunene, eshe nisho akwamba Nyambi wa Makunge, kami lizina lyami lya kulemeshiwa mukati ka matunga nimwawo.”

Malaki 1:8

Oho mu kutupula shimuna wakufwa meho hinge wakukola hinge wakupenga kwinga nkombela, kati mu kuhanganika ngayi eshe kaliha Kubipisha ndi? Katupulenu ebye kuli kalela wenu, kati ukawahilila hinge kumiyamiziza ndi? Eshe nisho anamba Nyambi wa Makunge.”

Kulaba 15:8

Oho nkunzi ukukombeleliwa kuli Nyambi ya Ngula kwinga nkombela yakuhokesha, hinge nkombela ya kubezulula mbeza, hinge nkombela ya kulilumikila,

Kulaba 6:14

na kupana kuli Nyambi ya Ngula babimuna bahatu bakubula nyanco nkunzi wa mwana mbelele wa mwaka umo wa nkombela yakuhokesha na mbelele wamukazi wa mwaka umo kwinga ntupu ya ha wubi na shikungwe wa mbelele kwinga nkombela ya kulilumikila.

Kulaba 7:17

pe bankunzi babili na bikungwe mutanu bya bambelele na bankunzi ba bampongo mutanu na bana babambelele ba mwaka umo mutanu bya nkombela ya kulilumikila, eye yengile ntupu ya Nahishoni mwana Aminandabe.

Kulaba 7:59

na bankunzi ba bantatula babili na bikungwe mutanu bya babambelele na bikungwe bya bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Ngamaliyele mwana Pendahizu.

Ndayano 12:27

Mukatupule zinkombela za kuhokesha za nyama na mukeza ku kaala ka Nyambi ya Ngula, Nyambi yenu. Mukayitile mukeza wa nkombela ku kaala ka Nyambi ya Ngula, pe mukalyeko nyama.

Koloshe 1:20

na kupitila mumwendi ngayi alyambwilile na byuma nimwabyo, hinge bili hano hanci, hinge muyilu, kuleta ku mwena na mukeza wa ha shishempakano shendi.

Bahebelu 10:22

Haya tuyenunga tuhenyene kuli Nyambi na mutima wakubomba na kukulupila kwa kupwisha na mitima yinayeleshiwi ya kubula bihanganiko byabibi na zinyutu zinayoweshiwi na mema akuyela.

1 Yowano 1:3

Eshe tunamono na kuyuvwa tukumishimikilasho, ngayi enu kami mulilumikile netu, mwa shikuma kulumikila kwetu kuli na Tate na Mwanendi Yeshu Kilishitu.

Bakakuyata 20:26

Niho bantu ba Ishalela nimwabo bayile ku Mbetele na kulila. Bekalile kuyo ku meho a Nyambi ya Ngula, pe bazilile kulya kukuma naku mazolo. Batupwile zinkombela za kulilumikila na zinkombela za kuhokesha za nzimba ku meho a Nyambi ya Ngula.

Bakakuyata 21:4

Oho kwashile lumenemene shikuma, bantu bapindukile pe bazikile kuyo kaala. Batupwile zinkombela za kuhokesha na zinkombela za kulilumikila ku meho a Nyambi ya Ngula ku Mizipa.