Balevi 26:6 - Libuka Lya Kuyela

⁶ Nikamwenesha litunga lyenu, pe mukatwesha kulala na kutwesha kubula kutina muntu. Nikatanda tunzama twatukali mu litunga lyenu, kami kukekala nzita kufwako.

Balevi 26:6 Iomraidhean Croise

2 Bamyene 2:24

Elisha wafutukile wabalushwilile meho, pe waba kutwile mu lizina lya Nyambi ya Ngula. Niho bambeya babili babakali bafumine mu lusholo pe bashanyozwele baya bandumbana makumi anaa na babili.

1 Byambo 22:9

Hinge shingi noho wetabilile na shikulupisho oho ambile ngayi, “Ukekala na mwana wa mulume ou ukalela mu ku mwena, ndaba nikumupanika ku mwena ku bamalamo bendi nimwabo. Lizina lyendi niye Sholomoni, ndaba ha shikati sha kulela kwendi nikapanika Ishalela ku mwena na kwikala shiwahe.

2 Byambo 20:30

Nohobene Yehoshafwati walelele mu ku mwena, pe Nyambi wamupanikile kukatala mu zimbalila nimwazo.

Yobo 11:19

Kukatina bamalamo bobe wufwako, bantu babengi bakashinga ngayi ubayavwe.

Yobo 5:23

Mu mafuba wobe mukabula mamanya, batuyamana bamu lishaka bafwako kuka kulwisha.

Nyimbo 144:14

Zingombe zetu mwanga zihemunune shikuma, na kubula kuyukula hinge kufwa. Mu zimbanza zetu mwanga mubule malwa akulila.

Nyimbo 147:14

Walamanga zingiza zobe shiwahe, na ku kukonkanisha na loto lwa lu wahe.

Nyimbo 29:11

Nyambi ya Ngula apane nyala ku bantu bendi, afwuywele bantu bendi na kubapana ku mwena.

Nyimbo 3:5

Nalangananga pe nayanga mutulo, natonanga kami ndaba Nyambi ya Ngula wandamanga.

Nyimbo 4:8

Oho nalangananga, pe nayanga mutulo otu alangananga mwana lusha mushilambalili. Ndaba Obe Nyambi ya Ngula ninkayobe, Obe tuhu wankowezanga shiwahe.

Nyimbo 85:8

Nikayuvwilila kunebye akamba Nyambi ya Ngula. Ndaba ukamba bya ku mwena ku bantu bendi ba kuyela mitima, ndi bafwako kuboka ku zinzila zabo zazibi.

Kututika 23:29

Kukabatanda nimwabo ha mwaka wumo nifwako, kutina litunga likafutuka lipembe pe batuyamana ba lishaka bakakuvulila shikuma.

Zincimpi 3:24

Oho ukalangana kukayuvwa bowa wufwako, kami ukalala mutulo twatuwahe.

Zincimpi 6:22

Oho ukwenda aka kutwaminina, oho ukulangana aka kulama, oho ukupinduka aka kwambila.

Ishaya 35:8

Kukekala likululu kami kuyo pe yikatumbiwa ngayi nzila ya kuyela, wa mazilo kukatwesha kupitamo wufwako, babihulahuli bafwako kukashanwisha baya bakwendamo.

Ishaya 35:9

Babimbwi bafwako kukekalako kuyo, na tunzama twatukali kukapita na nzila yiyo tufwako, ngoboni aba banakuliziwi nibo bakendamo.

Ishaya 45:7

Nalenga mwaana na mincimpwe, natangamishanga na kuleta malwa, Ami, Nyambi ya Ngula, ou watendanga byuma ebye nimwabyo.

Ishaya 9:7

Ngovu na ku mwena kwa kulela kwendi kukamana bifwako. Ukekala ha litanda lya Ndavita, kami ukalela ha wene wendi ukayata shiwahe mu kupwisha na kulunga, ku balika ku shikati shino kutwala na mwaya myaka. Lihungu lya Nyambi wa Makunge nilyo likatenda eshe.

Yelemiya 30:10

Nyambi ya Ngula ukwamba ngayi, “Obe mukamulimo wami Yakobo hinga utina hinga kutampwishiwa obe Ishalela, ndaba mona taha, nika kupulwisha na ku kufumisha ku litunga lya kwakutali, na bazukulyobe nikabafumisha ku litunga oku bekalilenga mu wuntapwa. Yakobo ukaboka kami ukekala shiwahe na kwikala mu ku mwena pe kowa muntu ukakutinisha kami.

Yelemiya 31:26

Niho nabazumukile ha tulo napenzele noku na noku tulo twatobalile.”

Ezekiyele 14:15

“Hinge ndi nikatuma batuyamana ba lishaka mu kuziha bantu na kwingisha litunga malamo shikuma shinga kowa muntu wamina wakutwesha kwendamo,

Ezekiyele 14:17

“Hinge ndi nikaleta nzita ku litunga liyo na kutumako bilwisho bya malwa bya kuketola bantu na batuyamana nimwato,

Ezekiyele 14:21

Eshe nisho anamba Nyambi ya Ngula ngayi, “Ami nikatuma tushushwilo twami tunaa ku Yelushalema, nzita na kapande na batuyamana ba lishaka na malweli, mu kulobesha bantu na batuyamana nimwabo.

Ezekiyele 34:25

“Nikalimama nabo kulimama kwa kuleta ku mwena, kami nikafumisha tunzama twa mu lishaka nimwato mu litunga, ngayi mwanga bambelele bami bakatweshe kwikala shiwahe mu mafuba hinge kulangana shiwahe mu lishaka mwakubula malamo.

Ezekiyele 34:27

Mitondo ya mumafuba yikekala na mikabo na limvu likatutwisha zimbuto, pe bantu bakekala shiwahe mu litunga. Bakalimuka ngayi Ami nili Nyambi ya Ngula oho nikaketula mawenge wabo na kubafumisha mu maboko a baya babayakile mu wulungo.

Ezekiyele 5:17

Nikatuma nzala na tuyamana ba lishaka mu kuziha banabenu, nikatuma malweli a kubula kupangiwa na mishunga na nzita mu kumiziha.” Eshe nisho ninamba Ami Nyambi ya Ngula.

Hoshiya 2:18

Ha mutena uyo, nikalimama na tuyamana twa mu lishaka na tuyoni nimwato na biya nimwabyo byalikokanga hanci, ngayi mwanga ukekale mu ku mwena. Nikafumisha shipando sha mukunzi na mukwale ngayi kukekale ku mwena.

Hoshiya 2:20

Nikakubwesha kukwami mu kukulupila, pe ukalimuka Nyambi ya Ngula.

Balevi 25:18

“Nohobene mukende mu zintambo zami namu kufundiziza kwami ngayi mwanga mukekale shiwahe mu litunga.

Balevi 25:19

Litunga likayima mbuto yalyo, kami mukawana ebye mwa shinga kulya nimwabyo, pe mukekala shiwahe.

Balevi 26:22

Nikatuma tunzama twatukali hakati kenu kami tukaziha bana benu na kulobesha bimuna byenu, pe tukashiyaho tuhu babashe ngayi zinzila zenu zikabundale.

Balevi 26:25

Nikaleta nzita hahenu ya kumishushula aha munapokolo kulimama kwetu, pe ndi mukalikungwila mu minzi yenu ngayi mupuluke, nikatuma wulweli hahenu wakubula kutwesha kupangiwa, kami mukakandikiziwa kulishisha ku bamalamo benu.

Balevi 26:7

Mukenga bakakukoma bamalamo benu. Muka baziha na mukwale.

Mika 4:4

Muntu na muntu ukekala mu ku mwena, mu nceto ya mutondo wendi wa mukuyu namu mikolobozi yendi ya shinyanca. Nisho anamba Nyambi wa Makunge.

Zefwaniya 3:13

Baishalela baya bakashala kukatenda byabibi bafwako, kami kukamba mahalo bafwako, hinge ha mivumbo yabo. Bakalya na kulangana, kowa shuma sha kubatinisha.”

Hangayi 2:9

Wuwahe wakumbili wa litala elye ukapitakana wuwahe walyo wa kunyima, nisho anamba Nyambi wa Makunge, ngayi mu mwanya omwe nimo eze nikayake ku mwena.”

Zakaliya 9:10

Nikashepesha makoloyi a Efulemu, na bambishi mu Yelushalema, na bipando bya mukunzi bikapokozoka. Pe ukabilika ku mwena ku matunga, wene wendi ukabalika ku liwate kukakuma kami ku liwate lyamina, ku balika ku mushinzi kutwala na kwakumina hanci.

Yowano 14:27

“Nikushiya ku mwena mumwenu, nikwo ku mwena kwami oku nikumipanika. Kumipanika ku mwena ngonehe bakakaye bapananga nifwako. Hinga mulikekula mu mitima yenu, kami hinga mutina.

Milimo 12:6

Wushiku uyo oho Helonda ashingile ngayi akamulete ku bantu, Pita walanganine mukati ka banzita babili. Wamangiwile na mawenge abili, kami ha shipana sha tolongo hekalile bakakulama.

Baloma 5:1

Nohobene, mu kukulupila tunawaniwi kwinga bakwoloka kuli Nyambi, tuli na ku mwena na Nyambi kupitila muli Mwene wetu Yeshu Kilishitu.