Balevi 26:4 - Libuka Lya Kuyela

⁴ nikamitumina mvula ha shikati sha kufwanina, ngayi litunga mwanga likayime mbuto na mitondo yikayime mikabo.

Balevi 26:4 Iomraidhean Croise

1 Bamyene 17:1

Haya kwekalile muluwe wa Nyambi watumbiwile Eliya, waku Tishimbe mu litunga lya Ngiliyande, wambile kuli mwene Ahambu ngayi, “Nili na kukutongweza mu lizina lya Nyambi ya Ngula, Nyambi wakuyoya wa Ishalela, Ou natendelanga milimo ngayi, kukaloka mvula kufwako hinge kuwa mume ku myaka yili kumbili, hantu kami nakamba ngayi aloke.”

Yobo 5:10

Walokeshelanga mvula hanci, kuyitilila mafuba.

Nyimbo 104:13

Ukuyitilila mapili na mvula wakufuma ku mwanya wobe wakuyilu, hanci hana konkana na mikabo ya milimo ya maboko wobe.

Nyimbo 67:6

Ndoba yinatutwishi lukahu lwalyo, Nyambi, Nyambi ou twalemeshanga unatufuywele.

Nyimbo 67:7

Nyambi unatufuywele, ngayi bantu nimwabo kuti na kuti bakamuyemeze.

Nyimbo 68:9

Nyambi walokeshele mvula wamwingi, wazabishile litunga lyendi oho lyengile lya kukwanga.

Nyimbo 85:12

Mwa shikuma, Nyambi ya Ngula ukatupana byabiwahe, kami litunga lyetu likaleta bya kuteza byabingi.

Nyimbo 85:13

Kulunga kukatwamina ku meho a Nyambi ya Ngula, na kumuwahishila nzila.

Ishaya 30:23

Oho mukashanga mbuto yenu, Nyambi ya Ngula ukaminokeshela mvula wakuyikulisha na kumipana byakulya byabingi na zingombe zenu na mabuyilo amengi.

Ishaya 5:6

Nikayilehelela na nyawe, kowa ukayiketwila mikolobozi hinge kukalimamo. Mikona na mapukumuna a mihongela akakulilamo. Nikambila makumbi ngayi hinga akalokeshelamo mvula.

Yelemiya 14:22

Tunankishi twowa twa bakamatunga, kutwesha kulokesha mvula tufwako. Liyilu ninkayalyo, kutwesha kulokesha mvula lifwako. Obe Nyambi ya Ngula, Nyambi yetu, mumwobe nimo tukulumbeza, ndaba obe watendanga ebye nimwabyo.

Ezekiyele 36:30

Nikawezelela mikabo yaku mitondo na mbuto yamu mafuba mwanga mukabule kuyuvwa lisheni ku bakamatunga ndaba ya nzala.

Yowele 2:22

Enu tuyamana twa mu lishaka, hinga mutina, ndaba mu mabuyilo amulibelelengwa, muli mwila wakubombola. Mitondo yayimakale mikabo, mitondo ya mikuyu na mikolobozi ya shinyanca, yazongamakale mikabo.

Balevi 25:19

Litunga likayima mbuto yalyo, kami mukawana ebye mwa shinga kulya nimwabyo, pe mukekala shiwahe.

Balevi 25:21

Nyambi ya Ngula ukafuywela litunga ha mwaka wa mutanu na umo ngayi mwanga litunga likalete byakulya bya ku fwanina kulya ha myaka yihatu.

Zakaliya 8:12

Mbuto yikakula shiwahe, mikolobozi ya shinyanca yikayima mikabo, hanci hakamenesha byakulya na mayilu akavwisha mume. Nikapana ebye byuma nimwabyo kwinga likona lya mashaliza anaba bantu.

Mateo 5:45

ngayi mwinge bana ba Tatiyenu wa muyilu. Ndaba ukututwishila bantu bababi na babawahe mutena wendi, kami ukulokeshela bakwoloka na bababi mvula wendi.

Milimo 14:17

Ngoboni walipakile niye mwine ngayi niko ekala ndaba ya byuma byabiwahe atendanga. Wamipananga mvula wakufuma muyilu na mbuto ha bikati byabiwahe. Wamipananga byakulya na kuwahililisha mitima yenu.”

Ndayano 11:13

“Nohobene, ndi mukwombatala mazu awa namipaniki lelo na ku haka Nyambi ya Ngula, Nyambi yenu na kumutendela milimo na mitima yenu nimwayo na myoyo yenu nimwayo,

Ndayano 11:14

pe nikatuma mvula ha litunga lyenu oho akushingiwa ha shituwizi na likuhulahoke, mwanga mukekale na mbuto na waine na mazi a olive.

Ndayano 28:12

Nyambi ya Ngula ukashinkulula liyilu ukalokesha mvula shikati sha mayinza, kami ukafuywela mulimo wenu nimwawo, ngayi matunga amengi akalambilile kukwenu, ngoboni enu kukalambilila ku matunga winge mukoka ngani mufwako.

Yakoba 5:7

Nohobene, bawushinda wami, yingenu ba lunzewe kuleta ku kwiza kwa Mwene. Monenu, ndimi ukutatila mbuto ya ndando yayinene ya litunga, ukuyitatilila na lunzewe shikuma hantu atambule mvula wa shituwizi na likuhulahoke.

Kuholoka 11:6

Bali na ngovu za ku shinka liyilu ngayi mvula abule kuloka ha matena ba ku shimikila, kami bali na ngovu za kufutula mema kwinga mukeza na kuleta malwa a mushobo nimwawo hanci ha shikati nimwasho bakushinga.