Balevi 26:12 - Libuka Lya Kuyela

¹² Nikekala hamo nanenu, nikenga Nyambi yenu, kami enu mukenga bantu bami.

Balevi 26:12 Iomraidhean Croise

Shitatiko 17:7

“Nikalama kulimama kwami kukwobe naku bazukulyobe naku bihemunwino bya kumbili ngayi kwinge kulimama kwa mwaya myaka. Nikenga Nyambi yobe na Nyambi wa bazukulyobe.

Shitatiko 17:8

Nikakupanika bana babengi na bazukulyobe litunga lino lya Kenaani omu uli na kwikala ngo lipukwenda. Litunga nimwalyo lya Kenaani likenga lyobe mwaya myaka, pe Ami nikenga Nyambi yabo.”

Shitatiko 3:8

Ku mazolo mulume na mukazendi bayuvwile Nyambi ya Ngula henda mu mfuba, pe nibo baholamine mukati ka mitondo kutina abamona.

Shitatiko 5:22

Inoki tata Metushela wayoyele na kulilumikila na Nyambi mu myaka 300, pe wabelekele bana bamina babalume na bambuyama.

Shitatiko 5:24

Mu kuyoya kwendi nimwako wengile muka kulilumikila na Nyambi, pe bantu kaliha bamumonene kami ndaba Nyambi wamushimbile.

Shitatiko 6:9

Eshe nisho shihemunwino sha Nowa. Nowa wengile muntu wakulunga, wakubula nyanco mushihemunwino shendi, wayoyele mu kulilumikila na Nyambi.

2 Shamwele 7:7

Omu twapitile na kwenda na bantu ba Ishalela nimwabo hinga natanga kunyepa hinge umo wa bakakutwaminina baya nemikile ngayi shumangani mwabula kunzikila litala na mutondo wa shinda.’

Nyimbo 50:7

“Yuvwililenu, enu bantu bami, Ami nikamba, obe Ishalela, nikapaka byobe, Ami Nyambi, Nyambi yobe.

Kututika 29:45

Nikazika mukati ka bantu bami Baishalela, pe nikenga Nyambi yabo.

Kututika 29:46

Pe bakandimuka ngayi Ami Nyambi ya Ngula, Nyambi yabo, ou wabatutwishile mu Engepita ngayi mwanga nikazike mukati kabo. Ami Nyambi ya Ngula, Nyambi yabo.

Kututika 3:6

Ami nenga Nyambi wa bankakazobe, Nyambi wa Abulahama na Ishaki na Yakobo.” Niho Moshesha afwikile lupala lwendi ndaba watinine kutilamina kuli Nyambi.

Kututika 6:7

Nikamitambula kwinga bantu bami, kami nikenga Nyambi yenu. Kami oho nikamilubula ku wulungo wamu Engepita mukalimuka ngayi, Ami Nyambi ya Ngula, Nyambi yenu.

Ishaya 12:2

Mona, Nyambi niye mupulwishi wami, nikamukulupila pe kukatina nifwako, ndaba Nyambi ya Ngula niye nyala zami na lwimbo lwami, kami niye mupulwishi wami.

Ishaya 41:10

Hinga utina, ndaba nili nobe, hinga ulikekula, ndaba ami Nyambi yobe. Nikakupana nyala na ku kuyavwa, nika kukoweza na liboko lyami lya kulunga lya shilyo.

Yelemiya 11:4

awa natongwezele batatizenu oho nabafumishile mu Engepita litunga lyengile ngonehe mundilo wa ngaanze kukwabo. Nabatongwezele ngayi banyombatale na kutenda nimwabyo biya nabatumizile. Bakanyombatala bakenga bantu bami kami Ami nikenga Nyambi yabo.

Yelemiya 30:22

Mukenga bantu bami, Nami nikenga Nyambi yenu.

Yelemiya 31:33

Oho shikati shiyo shakakumina, Nyambi ya Ngula ukwamba ngayi, nikalimama na Ishalela nehe, nikayaka mazu wami mumwabo na kuwatikita mu mitima yabo. Nikenga Nyambi yabo kami nibo bakenga bantu bami.

Yelemiya 32:38

Bakenga bantu bami, kami nami nikenga Nyambi yabo.

Yelemiya 7:23

Ngoboni nabapanikile ndayano za kunyombatala, ngayi mwanga ninge Nyambi yabo, kami ngayi nibo benge bantu bami. Kami nabatongwezele ngayi bayoye ngo ku ndayano nabapanikile, ngayi mwanga biya bakatenda bikekale shiwahe kukwabo.

Ezekiyele 11:20

ngayi bakatweshe kulama na kwombatala lukuwa lwami. Bakenga bantu bami nami kami nikenga Nyambi yabo.

Ezekiyele 36:38

Bakahanya ngonehe bambelele bankombela, ngonehe bahanyanga bambelele mu Yelushalema ha shikati sha bimbo bya kuhatiwa. Zinkena zabo zinashiwuku zikenzala na mihoko ya bantu. Pe bakalimuka ngayi Ami nili Nyambi ya Ngula.”

Yowele 2:27

Mukalimuka ngayi Ami nili mu Ishalela, Ami, Nyambi ya Ngula Nyambi yenu, kowa wamina kami, pe bantu bami kukekala na lisheni bafwako.”

Zakaliya 13:9

Nikayaka eshe shitapilo sha wuhatu mu mundilo, na ku bashamisha ngo muntu ukushamisha shiliva, nikabezeka ngonehe bezekanga ngolinde. Bakehana ha lizina lyami, pe nikaba kumbula. Nikamba ngayi, ‘Banengi bantu bami,’ pe nibo bakakumbula ngayi, ‘Nyambi ya Ngula nengi Nyambi yetu.’ ”

Kulaba 5:3

Bantu aba nimwabo banabipi bafumishenu, balume na bakazi, ngayi babule kuzilulula munkungwa oku nazika mukati ka bantu bami.”

Mateo 22:32

‘Ami Nyambi wa Abulahama na Nyambi wa Ishaki na Nyambi wa Yakobo, kaliha niye Nyambi wa bafu, ngoboni wa babomi.”

2 Kolinte 6:16

Kami Litala lya Nyambi likutwesha kuliyuvwashana nahiti na tunankishi? Ndaba etu tuli Litala lya Nyambi wakuyoya. Nehi Nyambi ambile niye mwine ngayi, “Nikekala mumwabo kami nikenda hakati kabo, nikenga Nyambi yabo, pe bakenga bantu bami.”

Ndayano 23:14

Lamenu munkungwa wenu winge wa kuyela, ndaba Nyambi ya Ngula, Nyambi yenu, uli hamo nanenu mu munkungwa mu kumilama na kupanika bamalamo benu mu maboko wenu. Hinga mutenda shuma hinge shimo shashibi shiya shikaletesha ngayi Nyambi ya Ngula akapanike mongo wendi kukwenu.”

Ndayano 23:15

“Ndi ndungo ukushila kuli hekulyendi pe hakwiza kukwobe ngayi umulame, hinga umubwesha kuli hekulyendi.

Bahebelu 11:16

Ngoboni bekalile na nyumwa ya litunga lyaliwahe shikuma, liya lili muyilu. Nohobene Nyambi kuyuvwa lisheni wufwako, ndaba unabawahishili lukena.

Kuholoka 2:1

Tikitila lingeloyi lya ku litengo lya mu Efweshe ngayi, “Awa niwo mazu anafumu kuli ou wakwatanga nyenye mutanu na zibili mu liboko lyendi lya shilyo, ou wendanga mukati ka tulonga mutanu na tubili twa ngolinde.

Kuholoka 21:7

Ou ukakona, ukatambula ebye kukwami. Ami nikenga Nyambi yendi naniye ukenga mwanami.