Balevi 26:10 - Libuka Lya Kuyela

¹⁰ Kuteza kwenu kukenga kwakwingi, pe byakulya byenu bikamanisha mwaka, kami hinge noho mukekala na kuyumba ebye mwatezele mwaka mu bishete byenu ngayi muwane mwanya wakuyaka byabipya.

Balevi 26:10 Iomraidhean Croise

2 Bamyene 19:29

“Eshe nisho shikenga shimonekesho kukwobe, obe Hezekiya. Uno mwaka mukalya byakulya bya kulimenena na mwaka wawubili, mukalya ebye bikalimenena ngoboni ku mwaka wawuhatu mukalima na kukuba mbuto na kuteza na kutampika mafuba a shinyanca na kulya mikabo yayo.

Yowele 2:24

Makotwelo akenzala na mbuto, mateke akuzongela akenzala na waine yayipya na mazi a olive.

Balevi 25:22

Oho mukakuna mafuba wenu ha mwaka wa mutanu na yihatu, mukekala na kulya ebye mwatezele ha mwaka wa mutanu na umo. Kami mukekala na kulya kwa ku fwanina hantu mbuto eye mukakuna uya mwaka yinateziwi.”

Luka 12:17

Wahanganikile mu mutima wendi ngayi, ‘Haya nikwinga nahiti? Ndaba kowa omu nikakongela mbuto yami.’

Yoshuwa 5:11

Kwashileko balile byakulya bya muhalule ha shikati sha kutatika biya byalimiwa mu Kenaani, bayohele mpeka na mankende akuyoha a kubula mumena.