Balevi 24:8 - Libuka Lya Kuyela

⁸ Matena nimwawo aku Katala, kubikati bikeza kumbili nimwabyo, mankende akafwanina kukayakiwa ku meho a Nyambi ya Ngula kwimanina bantu ba Ishalela ngayi kwinge kulimama kwakubula kumana.

Balevi 24:8 Iomraidhean Croise

1 Byambo 23:29

Bekalile na mulimo wa mankende akukombelela kuli Nyambi ya Ngula na muhunga ou batendeshelenga zintupu za kuyoha na bya muhunga waku vwela na mazi. Kami bekalilenga na mulimo wakufwanikiza na kwezeka zintupu zamu Litala lya Nyambi.

1 Byambo 9:32

Bantu bamo bamu livumo lya Kohati bekalilenga na mulimo wakuwahisha mankende ashizila aku Litala lya Nyambi ha matena nimwawo aku Katala.

2 Byambo 13:11

Batupulanga kukwendi incence na kukombelela bimuna bya kuhokesha bya nzimba ku lumenemene naku mazolo. Baletanga zintupu za mankende ha tebulu iya yenga ya kuzila shikuma, pe ku mazolo na mazolo babangizanga zimuni ha lyeyeko lya zimuni za ngolinde. Etu twatendanga ebye alayile Nyambi ya Ngula ngoboni enu munamufutamini.

2 Byambo 2:4

Mona, nili na kuzikila Nyambi ya Ngula, Nyambi yami Litala lya kumulemeshela. Nilyo likenga lya kuzila, oku bantu bami na nami tukamulemeshelanga na kuhokesha incence. Oku niko tukaletanga zintupu za mankende ashizila kukwendi ha mutena ha mutena. Kami oku niko tukakombelelanga zinkombela kulumenemene na lumenemene na kumazolo na mazolo, hamo naku mutena wakukatala nawa shimbo sha kutelama kwa ngonda wamupya na matena amina akuzila akulemeka Nyambi ya Ngula, Nyambi yetu. Eshi nisho analayelele Baishalela kutenda noho mwaya myaka.

Nehemiya 10:33

Tukapananga mankende ashizila na ntupu ya mbuto ya mpeka yaha mutena ha mutena na bimuna bya kuhokesha ha mutena ha mutena kwinga zinkombela na zintupu za shizila zaha Matena aku Katala na bimbo byaha Ngonda Wamupya naha bimbo byamina na zintupu zamina za shizila na zinkombela za kufumisha wubi wa Baishalela na byuma nimwabyo bikashingiwa mu Litala lya Nyambi.

Kututika 25:30

Ukayake mankende ashizila akutupula kukwami ha tebulu shikati nimwasho.”

Kulaba 4:7

“Bakayala likwiza lya wuhombo hayilu ya tebulu ya kuyaka mankende akutupula kuli Nyambi ya Ngula na kuyakaho zindonga na zinyungu za kuyohela mitondo ya kutwa yakuhokesha na zinyungu za nkombela na zintesho za waine za ntupu. Hakekalenga mankende ha tebulu shikati nimwasho.

1 Shamwele 21:7

Ndoyengi mulishani wa Shaulu wamukulwane ou wafumine ku Endoma, wamonekele kuyo ha mutena uyo, ndaba wekalile na kuzilulula ndayano za wunyambi.