Balevi 24:7 - Libuka Lya Kuyela

⁷ Mukayake incence yayiwahe ha muhoko na muhoko wa mipumpa ya mankende, kwinga shitapilo sha shanukisho. Eye yikenga ntupu ya kuhokesha kuli Nyambi ya Ngula kuhinga mu mwanya wa mankende.

Balevi 24:7 Iomraidhean Croise

Shitatiko 9:16

Oho nkongolo akamoneka mu makumbi, nikamumona pe nikanuka kulimama kwami kwa mwaya myaka mukati kami nanenu na byuma nimwabyo byabyumi bili hanci.”

Kututika 12:14

“Mukalame mutena wuno. Wukenga wakumyanukishanga shimbo sha kulemeeka Nyambi ya Ngula. Mukalamanga kufundiziziwa ha kupinga shimbo shino ku bihemunwino byenu nimwabyo, mu kumyanukisha eshe natendele.”

Kututika 13:9

Ha kupinga eshe shimbo shikamyanukishanga ngo shuma shinamangiwili ku maboko wenu naha zimpala zenu. Shikamyanukishanga ngayi mwanga muzamine kutonta mulao wa Nyambi ya Ngula, ndaba Nyambi ya Ngula wamifumishile mu Engepita na liboko lyendi lya ngovu zazinene.

Kututika 17:14

Niho Nyambi ya Ngula ambile kuli Moshesha ngayi, “Tikita eshe shambo sha kukoma mu libuka ngayi shikanukiwenga, kami tongweza Yoshuwa ngayi nikalobesha Baamaleki.”

Kututika 28:12

Ukatuyake ha tundombe twaha bifuzi bya kakobelo ka shizila, tukenge tumanya twakwimanina mishobo likumi na yibili ya Ishalela. Aloni akashimbe mazina wabo ha bifuzi byendi, nohobene ngayi ami Nyambi ya Ngula mwanga nikanukenga bantu bami shikati nimwasho.

Ishaya 43:23

Kaliha wandetelele zinkombela za kuhokesha za bambelele, kaliha wampanine maleema na zinkombela zobe. Kaliha nakupanine wulemezezi wakuntupwila zintupu za mpeka, hinge kuliyakata ha kushinga ntupu ya incence.

Balevi 2:1

“Muntu nimwendi ukuleta ntupu yendi ya mpeka kuli Nyambi ya Ngula, ntupu yendi yafwanina kwinga ya muhunga wakulembuka, ukayitilaho mazi a olive na incence,

Balevi 2:2

bakayitwale kuli bakankombela bana ba Aloni. Pe ukashimbaho muhunga umo liboko lya kwinzala na mazi na incence na mukankombela ukahokeshabyo kwinga mbalila ya shanukisho ha kaala, ntupu ya kuhokesha, yikatutwisha livumba lyaliwahe lya kuwahililisha Nyambi ya Ngula.

Balevi 2:9

Mukankombela ukashimbako shitapilo shayo sha kwinga ngo shanukisho ngayi ntupu eye nimwayo ya kutupula kuli Nyambi ya Ngula, pe niye ukayihokeshela ha kaala. Yinengi nkombela yakuhokesha na mundilo, livumba lya neye ntupu ya byakulya likawahililisha Nyambi ya Ngula.

Yowano 6:35

Yeshu wambile kukwabo ngayi, “Ami linkende lya wumi, nimwendi ukwiza kukwami kukekala na nzala wufwako, kami ou ukukulupila mumwami kukekala na linyontwa wufwako.

Yowano 6:51

Ami linkende lya wumi liyo lyafumine kuyilu. Ndi muntu ukulya kunelye linkende ukayoya mwaya myaka. Linkende nikapana nilwo lutu lwami, luyo nikapana ku bakakaye ngayi bakekale na wumi.”

Milimo 10:31

wambile ngayi, ‘Obe Koniliyashi Nyambi nayuvwu malombelo wobe kami unanuku milimo yobe yayiwahe.

Milimo 10:4

Koniliyashi wapenzele kukwendi na bowa, pe wambile ngayi, “Kati bishini Hekulu?” Lingeloyi lya kumbwile ngayi, “Nyambi unawahilili na malombelo wobe na milimo yobe yayiwahe, haya uli na kukukumbula.

Efweshe 1:6

Tuyemezenu Nyambi! Ndaba ya wuwahe wa nceshe zendi anatutendele muli Mwanendi wakuhakiwa!

Bahebelu 7:25

Nohobene ukutwesha kami kupulwisha bantu nimwabo bakwiza kuli Nyambi kupitila mumwendi, ndaba ukuyoya mwaya myaka na ku balombela.