Balevi 2:4 - Libuka Lya Kuyela

⁴ “Oho akaleta linkende lya kuyoha ha mundilo kwinga ntupu, liku fwanina kwinga linkende lya kubula mumena lya muhunga wakulembuka waku vwela na mazi, hinge heke za kuwabaho na mazi.

Balevi 2:4 Iomraidhean Croise

Nyimbo 22:14

Nyala zami zinamana, ngonehe mema anayitikili hanci. Bifupa byami nimwabyo bya weyuku, mutima wami unengi ngonehe nzunzulu, yinanyangumukili mushali.

Kututika 12:8

Ha wushiku uyo nyama yika yohiwe, pe bakalishe na linkende lya kubula mumena na mashiha amalulu.

Kututika 16:31

Bantu ba Ishalela batumbile byakulya ebye ngayi maana, ndaba byafwekele ngo mbuto ya kutuba yayishe, wutobe wawo ngonehe mankende a mapapi akuvuba na wushi.

Kututika 29:2

Pe ukavube mankende a muhunga wa loto, ngoboni enge a kubula mumena. Ukavube kami amo akuwaba na mazi a olive na mapapi amo a kubula mazi, pe mapapi amo akalambiwa mazi.

Ishaya 42:1

Nyambi ya Ngula ngayi, monenu mukamulimo wami, wakuhatiwa wami, niku wahilila mumwendi. Nayaka moyo wami hahendi, ukaleta kwoloka ku matunga nimwawo.

Ishaya 61:1

Moyo wa Nyambi ya Ngula uli hahami, ndaba unangwabishi mu ku shimikila ncango zaziwahe ku ba kushepwa. Ku manga mitima ya ba kupokoka. Unantumu mu kubilika ku shoboloka ku bantapwa, ku shobolola baya banalyatilili na ku shimikila, kami mu kufumisha baya banamangiwi mu tolongo.

Ezekiyele 46:20

na kwamba ngayi, “Ou niwo mwanya bakankombela bakatelekela nyama eye bakatupula kwinga ntupu ya ha wubi hinge ya kulilumikila na kuyoha zintupu za muhunga wa loto, nohobene ngayi kowa sha kuyela shikutwaliwa ha munkanda wa shinzanza sha shipango, oku shikutwesha Kubipisha.”

Balevi 1:11

Akamuzihile ku ncelele ya kaala ku meho a Nyambi ya Ngula na bakankombela bana ba Aloni bakayitila mukeza kuzingwilisha kaala.

Balevi 10:12

Moshesha watongwezele Aloni na bana bendi babili bashalileho, ba Eliza na Itama ngayi, “Shimbenu ntupu ya mpeka yiya yina shala ha ntupu ya byakulya ya kuhokesha na mundilo kuli Nyambi ya Ngula mu yilye ya kubula kuvuba na mumena, pe muyilile ku nciza ya kaala ndaba eye ntupu yinengi ya kuyela shikuma.

Balevi 6:17

Nyambi ya Ngula wabipanine ku bakankombela kwinga shitapilo shabo, sha ntupu ya byakulya ya kuhokesha ya ha mundilo niyo yinengi ya kuyela shikuma ngonehe zintupu za ha wubi na zintupu za kukuliza.

Balevi 7:12

Ndi muntu ukakombelela eye nkombela ya kukambilila kuli Nyambi, ukaleta shimuna hamo na ntupu ya mankende a kubula mumena na mipumpa yayiliti ya kuvuba na muhunga waku vwela na mazi a olive, hamo na mankende amahehu akuyoha.

Kulaba 6:15

Kami ukatupula ntumba ya mankende akuvuba a kubula mumena, mipumpa yayiliti ya kutendiwa na muhunga wakuvuba na mazi a olive na tunkende twa kulambiwa na mazi a olive na zinkombela za kushingiwa za mpeka na waine.

Mateo 26:38

Niho ambile kukwabo ngayi, “Moyo wami unayene shikuma kutwala ku kufwa. Yikalenu kuno kami tonenu hamo na nami.”

Yowano 12:27

“Wuluno mutima wami unakalikizi. Kati nikamba bishini? Kati nikambe ngayi, ‘Tate, ndamwine ku shikati shino ndi?’ Byo, ndaba yanebye nezilile shikati eshe.

Yowano 3:34

Ou anatumu Nyambi ukwamba mazu a Nyambi, ndaba Nyambi ukumupanika Moyo wendi wakwinzala.

Bahebelu 7:26

Ndaba nisho shikushingiwa kwikala ku Mukulwane wa Bakankombela Nimwabo wa noho, wa kuyela, wakubula mulandu, wakubula wubi, wakulitapulula na bakawubi, watwaliwile kuyilu ya mayilu.

1 Pita 2:1

Nohobene shiyenu byabibi nimwabyo na kwongeza na shishweka na mwili na matuka nimwawo.

1 Pita 2:22

Kilishitu kaliha watendele wubi, hinga kwongeza kaliha kwawaniwile mu kanwa kendi.