Balevi 2:2 - Libuka Lya Kuyela

² bakayitwale kuli bakankombela bana ba Aloni. Pe ukashimbaho muhunga umo liboko lya kwinzala na mazi na incence na mukankombela ukahokeshabyo kwinga mbalila ya shanukisho ha kaala, ntupu ya kuhokesha, yikatutwisha livumba lyaliwahe lya kuwahililisha Nyambi ya Ngula.

Balevi 2:2 Iomraidhean Croise

Nehemiya 13:14

Obe Nyambi yami, nyanuke ha byuma ebye nimwabyo natende hinga ushandula byuma byabiwahe natende byaha litala lyobe na kulemeshiwa kwobe.

Nehemiya 13:22

Natongwezele Balevi kuliyelesha nibo bamwine ha kuya mu kulama mapangati na ku moneshesha ngayi Mutena Wakukatala ulamiwe hinga wazila. Obe Nyambi yami, nyanuke ha shuma eshe kami, pe nkobelele ndaba ya shishemo shobe sha mwaya myaka.

Kututika 30:16

Mukakungwishe mali awa akwambwililisha ku Baishalela na kuwatendesha ku mulimo waku ntanda ya shikungulukilo. Mukungwila owe ukenge wakukuliza wumi wabo, pe nikabanukanga na kubayatila.”

Ishaya 66:3

Ngoboni kuli bantu ba kutenda bya bawahilishanga, kukwabo howa kulishiya kukukombelela nkunzi, hinge kukombelela muntu, ndi ba kukombelela mbelele, hinge ku mungula mukoshi wa kawa, hinge ndi ba kukombelela mpeka, ndi bakutupula mukeza wa ngulube. Ndi ba kuhokesha incence, hinge kulemesha tunankishi. Ba nalihatili zinzila zabo, kami mitima yabo yiku wahilila mu byuma bya wunyengwe.

Balevi 1:13

Pe bya mukati na mawulu bakabiyoweshe na mema. Pe mukankombela ukatupula nimwabyo na kubiyoha ha kaala, yikenga nkombela ya kuhokesha, nkombela ya ha mundilo, likututwitisha livumba lyaliwahe kuli Nyambi ya Ngula.

Balevi 1:17

Ukakakwata ku mbando zako na kukatabula hakati kwakubula kukacancozola nimwako. Pe mukankombela ukakahokesha ha kaala, ha mundilo uli ha nkuni, yinengi ntupu ya kuhokesha ha mundilo, yikututwisha livumba lyaliwahe kuli Nyambi ya Ngula.”

Balevi 1:9

Ngoboni bayoweshe bya mu livumo na mawulu a kayamana na mema. Mukankombela ukahokesha nimwabyo ha kaala, kwinga nkombela ya kuhokesha, ntupu ya kutupula ha mundilo, livumba lya neye nkombela likuwahililisha shikuma Nyambi ya Ngula.

Balevi 2:16

Mukankombela ukahokesha shiya shitapilo kwinga shanukisho sha mpeka za kutwa na mazi, hamo na incence nimwayo, kwinga ntupu kuli Nyambi ya Ngula.

Balevi 2:9

Mukankombela ukashimbako shitapilo shayo sha kwinga ngo shanukisho ngayi ntupu eye nimwayo ya kutupula kuli Nyambi ya Ngula, pe niye ukayihokeshela ha kaala. Yinengi nkombela yakuhokesha na mundilo, livumba lya neye ntupu ya byakulya likawahililisha Nyambi ya Ngula.

Balevi 24:7

Mukayake incence yayiwahe ha muhoko na muhoko wa mipumpa ya mankende, kwinga shitapilo sha shanukisho. Eye yikenga ntupu ya kuhokesha kuli Nyambi ya Ngula kuhinga mu mwanya wa mankende.

Balevi 4:31

Pe ukafumisha mazi wendi nimwawo, ngonehe shiya bafumishanga mazi a bimuna bazihilanga ha zinkombela za kulilumikila, pe ukawahokeshela ha kaala ngayi livumba mwanga liwahililishe Nyambi ya Ngula. Mu ntendelo eye mukankombela ukakombelela nkombela ya kukuliza ha wubi wa uya muntu pe ukayatiwila.

Balevi 5:11

“Ndi muntu kutwesha ufwako matela abili hinge bankilimba, ukatupula kilo imo ya muhunga wakulembuka kwinga ntupu ya ha wubi. Kaliha wafwanina kuyitilaho mazi a olive hinge kuyakaho incence hahayo, ndaba yinengi ntupu ya ha wubi, kaliha ntupu ya mpeka.

Balevi 5:12

Pe ukayileta kuli mukankombela, niho mukankombela ukaleta muhunga wakwinzala liboko kwinga ntupu ya shanukisho kuli Nyambi ya Ngula. Niho ukayihokesha ha kaala kwinga ntupu ya byakulya. Yikenga ntupu ya ha kuliyelesha wubi.

Balevi 6:15

Pe ukashimba liboko lya kwinzala lya muhunga hamo na mazi na incence ha ntupu ya kuhokesha ya byakulya na kubihokeshela ha kaala kwinga shanukisho ngayi nimwabyo binapanikiwi kuli Nyambi ya Ngula. Livumba lya neye ntupu linengi lya kuwahililisha Nyambi ya Ngula.

Kulaba 5:18

Niho mukankombela ukayimika uya mukazi, ku meho a Nyambi ya Ngula na kumumangulula huki, pe ayake mu maboko wendi ntupu ya muhunga washanukisho, eye yikenga nkombela ya ha lihungu. Mukankombela akakwate lulonga lunenzala na mema amalulu aya akuleta shikuto.

Kulaba 5:26

Niho mukankombela ukashimba liboko lya kwinzala kwinga ntupu ya shanukisho na kuyihokeshela ha kaala. Niho akapane uya mukazi mema ngayi anwe.

Milimo 10:4

Koniliyashi wapenzele kukwendi na bowa, pe wambile ngayi, “Kati bishini Hekulu?” Lingeloyi lya kumbwile ngayi, “Nyambi unawahilili na malombelo wobe na milimo yobe yayiwahe, haya uli na kukukumbula.