Balevi 2:12 - Libuka Lya Kuyela

¹² Mukutwesha kuleta kuli Nyambi ya Ngula ntupu yenu ya kutatika kuteza ha mwaka ha mwaka ya ku yaka mumena na wushi, ngoboni hinga yikahokeshiwa ha kaala.

Balevi 2:12 Iomraidhean Croise

Shitatiko 23:17

Eye niyo nzila ya wuheti ou wengile wa Efweloni ku Makapela, ku mushamuko wa Mamele wafutukile kwinga wa Abulahama na kufungilako mfuba na linzolongoma elye lyekalilemo na mitondo nimwayo yamu mfuba noku kwakumina zinginza zayo.

2 Byambo 31:5

Oho lizu lya mwene lyatumiwakale, wanguwangu bantu ba Ishalela baletele zintupu za mbuto yayiwahe shikuma na waine na mazi a olive na wushi na zimbuto zamina zayimanga mumafuba, pe baletele kami bya wulikumi ku byuma nimwabyo bekalile nabyo.

Kututika 22:29

“Hinga mwihala kumpana na kuntupwila zintupu za ku mbuto yenu na waine yenu naku mazi wenu a olive, oho byahokakale. “Mukampane bana benu babalume ba bamyeli.

Kututika 23:19

“Ukaleta byabiwahe bya kutatika kuteza mu mafuba wobe ku Litala lya Nyambi ya Ngula, Nyambi yobe ha mwaka na mwaka. “Hinga ukatelekesha mwana mbelele hinge mwana mpongo na mahwe a mandiyendi.

Kututika 34:22

“Ukapinge shimbo sha kuhoma, ukatatika kuteza mbuto yobe ya kutatika ya mpeka, pe ukalame shimbo sha minkungwa oho ukateza mbuto ya mamaninino mu mwaka.

Balevi 23:10

“Tongweza bantu ba Ishalela ngayi oho bakakuma mu litunga liya nili na kubapana Ami Nyambi ya Ngula, pe ha kuteza mbuto yenu, twalenu shikuta sha kutatika kuli mukankombela.

Balevi 23:17

Lupashi na lupashi lukaleta mipumpa yibili ya mankende kuli Nyambi ya Ngula kwinga ntupu ya ku yengayengesha. Mupumpa na mupumpa ukavubiwa na mumena, ha muhunga wa makilo abili na kuwa yoha, pe akapanikiwa kuli Nyambi ya Ngula kwinga ntupu ya kutatika kuteza ku mbuto.

Balevi 7:13

Mukukambika, ku ntupu yendi ya kulilumikila ukatupula mipumpa ya mankende akuyoha a mumena.

Kulaba 15:20

Oho mukavuba mankende, ha mankende a kutatika kuvuba ku byakulya byabipya akaletiwa kwinga nkombela ya kuhoma kuli Nyambi ya Ngula. Awa akenga akutupuliwa mu nzila yimo ngonehe nkombela mwatupulanga ha kubula mpeka.

Kulaba 18:12

“Nili na kupanika nimwabyo byabiwahe bya kutatika kuyima biya Baishalela ba kumpana ha mwaka ha mwaka, mazi a olive na waine na mpeka.

1 Kolinte 15:20

Ngoboni Kilishitu unashanguku ku bafu niye wakutatika ku shanguka ku baya nimwabo banalangana tulo twa lufu.

Ndayano 26:10

Monenu haya, ami nalete kuli Nyambi ya Ngula shitapilo sha kutatika sha lukahu lwa kuteza ampanine.’ “Niho tula ntumba hanci ku meho a Nyambi ya Ngula na kumulemesha.

Kuholoka 14:4

Baya banabulu kulibipisha nibo bamwine na bambuyama, hinga batanga kulangana na bambuyama. Nibo aba ba kukonka Mwana Mbelele nimwako oku akuya. Baya banakuliziwi na kufumishiwa mukati ka bantu, pe nibo mbuto ya kutatika kutupuliwa kuli Nyambi na kuli Mwana Mbelele.