Balevi 2:11 - Libuka Lya Kuyela

¹¹ “Zintupu za mpeka mukaletanga kuli Nyambi ya Ngula hinga mukazitendesha na mumena, ndaba kaliha wafwanina kuli yavwisha mumena hinge wushi mu nkombela ya byakulya bya kupana kuli Nyambi ya Ngula.

Balevi 2:11 Iomraidhean Croise

Kututika 23:18

“Hinga ukatendesha mankende a mumena oho mukakombelela shimuna kukwami. Pe mazi a bimuna owo ukatendesha bimbo byami hinga akashalaho kukuma na ku lumenemene.

Kututika 29:25

Niho ukabifumishe ku maboko wabo na kubihokeshela ha kaala hayilu ya nkombela ya kuhokesha. Livumba lya ntupu eye ya kutupula ha mundilo likungwahililisha, Ami Nyambi ya Ngula.

Kututika 34:25

“Hinga ukatupula mankende akuvuba na mumena oho mu kukombelela shimuna kukwami. Hinga ukatenteka shimamo sha shimuna nimwendi unazihiwili ku Shimbo sha Kupitilila kutwala ku lumenemene.

Zincimpi 24:13

Mwanami, lyanga wushi ndaba wenga wawuwahe, kami mwenzu wa mulikanza wenga wawutobe.

Zincimpi 25:16

Ndi unawana wushi, lyaho kwezekesha na livumo lyobe, kutina kuwu luka ndi ukuwulya shikuma.

Zincimpi 25:27

Kaliha shashiwahe kulya wushi wawingi, nehi kami muntu ukulinenehesha niyemwine.

Balevi 1:13

Pe bya mukati na mawulu bakabiyoweshe na mema. Pe mukankombela ukatupula nimwabyo na kubiyoha ha kaala, yikenga nkombela ya kuhokesha, nkombela ya ha mundilo, likututwitisha livumba lyaliwahe kuli Nyambi ya Ngula.

Balevi 6:10

Pe mukankombela, hinga avwala lyambangubo lyendi lya likwiza lya kulelema na tuputula twa likwiza lya kulelema, ukafumisha mutoko ukashala ha kaala na ku wu kombela ku nkumo ya kaala.

Mateo 16:6

Yeshu wambile kukwabo ngayi, “Keyenu, bengukenu ku mumena wa Bafwalishi na Bashanduki.”

Mako 8:15

Yeshu wabambilile ngayi, “Keyenu, bengukenu ku mumena wa Bafwalishi na wa Helonda.”

Luka 12:1

Oho makulukazi a bantu babengi bakungulukile hamo, pe balilyatalyatile umo na wamina ku mawulu, Yeshu watatikile taha kwamba ku bandongesha bendi ngayi, “Keyenu na mumena wa Bafwalishi, ni kutontolola shishweka shabo.

Luka 21:34

“Keyenu! Kutina mitima yenu yihanganika shikuma ha byakulya, kukolwa na kulifulankana bya wumi uno, ngayi mutena uyo ukamibazumune, umishiwukile ngo shiliba.

Milimo 14:22

Bashumishile bandongesha na ku bakowamina ngayi bazamine mu kukulupila, babatongwezele ngayi, “Tuku fwanina ku mona makando amengi ngayi twingine mu Wene wa Nyambi.”

Ngalatiya 5:9

Mumena wawushe watundishanga muvuba nimwawo.

1 Pita 4:2

Haya kufuma shikati shino, mushilikuyoya hano hanci, munafwanini kukonka shamutima wa Nyambi, kaliha kukonka mahungu a zinyutu zenu.