Balevi 2:10 - Libuka Lya Kuyela

¹⁰ Shitapilo sha ku shalaho shikenga sha bakankombela Aloni na bana bendi. Shinengi sha shizila shikuma ndaba shashimbiwa ku byakulya biya batupula kuli Nyambi ya Ngula.

Balevi 2:10 Iomraidhean Croise

2 Byambo 31:14

Kole mwana Imina wa mulume wa Kalevi ou wengile shilolo mukakulama ku lipangati lya ku mushamuko waku Litala lya Nyambi ya Ngula, wengile mukulwane wakutambulanga zintupu zapanikiwilenga kuli Nyambi ya Ngula nakuzitapishila.

Ezila 2:63

Kalela wa Bayunda wabatongwezele ngayi nibo kutwesha kulya byakulya biya binakombeleliwi kuli Nyambi bafwako hantu noho kukekala mukankombela umo ou ukatwesha kutendesha Ulimu na Tumimi.

Ezekiyele 44:29

“Zintupu za mpeka na zintupu za ha wubi na zintupu za kulyambwilila bikenga byakulya bya bakankombela, bakatambula byuma nimwabyo mu Ishalela banapaniki kukwami.

Ezekiyele 46:20

na kwamba ngayi, “Ou niwo mwanya bakankombela bakatelekela nyama eye bakatupula kwinga ntupu ya ha wubi hinge ya kulilumikila na kuyoha zintupu za muhunga wa loto, nohobene ngayi kowa sha kuyela shikutwaliwa ha munkanda wa shinzanza sha shipango, oku shikutwesha Kubipisha.”

Balevi 10:12

Moshesha watongwezele Aloni na bana bendi babili bashalileho, ba Eliza na Itama ngayi, “Shimbenu ntupu ya mpeka yiya yina shala ha ntupu ya byakulya ya kuhokesha na mundilo kuli Nyambi ya Ngula mu yilye ya kubula kuvuba na mumena, pe muyilile ku nciza ya kaala ndaba eye ntupu yinengi ya kuyela shikuma.

Balevi 14:13

Pe ukaziha mwana mbelele mu mwanya wa shizila omu bazihilanga babimuna ba zintupu zaha kuliyelesha na zintupu za kuhokesha. Uku fwanina kutenda eshe ndaba ntupu ya kukuliza ya fweka ngo ntupu yaha wubi, yikwinga ya mukankombela kami yinengi ya kuyela shikuma.

Balevi 2:3

Pe ntupu ya mpeka yikushalaho yikenga ya Aloni na bana bendi, ndaba yinengi ntupu ya kuyela ya kuhokesha kuli Nyambi ya Ngula.

Balevi 21:22

Muntu wanehe ukutwesha kulya byakulya binakombeleliwi kukwami bya kuyela nebye bya kuzila.

Balevi 5:13

Mu ntendelo eye mukankombela ukatupula zinkombela za kukuliza ha wubi nimwawo atendele, pe ukayatiliwa. Muhunga nimwawo ukushalaho ukenga wa mukankombela. Ngonehe shatendiwanga ha ntupu ya ha mpeka.”

Balevi 6:16

Bakankombela bakalya bya ku shalaho, ngoboni bakalya bya kubula mumena, ku mwanya umo wa kuyela ku shipango sha Ntanda ya Shikungulukilo.

Balevi 6:23

Kowa shitapilo sha nkombela ya ntupu ya mukankombela yikafwanina kuliwa nimwayo yikafwanina kuhokeshiwa.”

Balevi 6:9

“Tongweza Aloni na bana bendi ha ndayano eze za zinkombela za kuhokesha. Nkombela ya kuhokesha yikalala ha kaala wushiku nimwawo, yikonzelaho na mundilo kami ukonzela kubanga kukuma na kulumenemene.

Balevi 7:7

“Kuli lundayano lumo luya lukukundama nimwako ku ntupu yaha wubi na ntupu yaha kukuliza, nyama yikenga ya mukankombela ou ukatupula ntupu ya ku lyambwililisha ha wubi.

Kulaba 18:9

Bya zintupu za kuyela za kubula kuhokeshela ha kaala, eze nizo zikenga zenu kukwazo, zintupu za mpeka na zintupu zaha wubi, kami zintupu za kulikuliza. Byuma nimwabyo biya binapanikiwi kukwami kwinga zintupu za shizila zikwinga zobe na bana bobe.

1 Shamwele 2:28

Ku mishobo nimwayo yamu Ishalela nahatile ba lupashi lwendi kwinga bakankombela bami, mu kutendanga mulimo waku kaala, wakuhokesha incence na kuvwala shikobelo sha kuzila mu kuyipwiziza kukwami. Pe nabapanikile ngovu mu kulama shitapilo sha nkombela nimwayo yaku bantu bami Ishalela ya kukombelela na mundilo.