Balevi 19:3 - Libuka Lya Kuyela

³ Muntu na muntu uku fwanina kulemeeka tatiyendi na mandiyendi na kulama Mutena wakukatala ngonehe namitongwezele. Ami Nyambi ya Ngula, Nyambi yenu.

Balevi 19:3 Iomraidhean Croise

Shitatiko 48:12

Pe Yoshefwa wabafumishile ha bilama bya Yakobo, wafunkamine ku manungo na ku nyongamina lupala hanci kumbili yendi.

Nehemiya 9:14

Wabalongeshele kulama Mutena wobe Wakukatala. Wabapanikile Ndayano zobe na mazu obe, na kufundiziza kwobe, kupitila muli mukamulimo wobe Moshesha.

Kututika 16:29

Anukenu ngayi Ami Nyambi ya Ngula, Ou wunamipana mutena wakukatala, nisho shuma shiya ha mutena wa mutanu na wumo nikamipana byakulya bya matena abili. Bantu nimwabo bekale oku bekalanga ha mutena wa mutanu na abili, kowa muntu wa kushiya ntanda yendi.”

Kututika 20:12

“Lemeeka tatiyobe na mandiyobe, ngayi mwanga ukayoye shikati shashitali mu litunga liya nika kupana.

Kututika 20:8

“Ukalamenga mutena wakukatala na kuwu zilikila.

Kututika 21:15

“Ou nimwendi ukukama tatiyendi hinge ndi mandiyendi ukazihiwa.

Kututika 21:17

Ou nimwendi ukutukana tatiyendi hinge ndi mandiyendi ukazihiwa.

Zincimpi 1:8

Mwanami, yuvwilila bilongesha bya tatiyobe, pe hinga ukana ebye akukulongesha mandiyobe,

Zincimpi 23:22

Yuvwilila tatiyobe wakubelekele, kami hinga ukenda mandiyobe oho wakulumpalakale.

Zincimpi 30:11

Kubali bantu bamo ba kutanga batatizabo, na kubula kutandalisha bamandizabo.

Zincimpi 30:17

Muntu uya ukushilawiza tatiyendi, na kukendula mandiyendi, ukaliwa ku makwangala amu mukulo, kami ukaliwa ku makubi.

Ishaya 58:13

Nyambi ya Ngula ukwamba ngayi, ndi mu kulama mawulu wenu kubula kukiluka Mutena Wakukatala, na kubula kutenda ebi bikumiwahilisha ha mutena wami wa kuyela, ndi mu kutoya Mutena Wakukatala kwinga mutena waku wahilila, na mutena wa kuyela wa Nyambi ya Ngula, ndi mu kuwulemeeka na kubula kuya mu zinzila zenu, hinge kushinga myelembo yenu, hinge kwonzela kubwaya byowa ha mutena uyo.

Ezekiyele 20:12

Nabatongwezele ngayi balame matena aku Katala kwinga shimonekesho sha kuliyuvwashana mukatiketu na kubanukisha ngayi Ami Nyambi ya Ngula nikabayelesha.

Balevi 11:44

Ami Nyambi ya Ngula, Nyambi yenu, pe mu ku fwanina kulilama kwinga ba kuyela, ndaba Ami nengi wa kuyela hinga muli bipisha enu bamwine.

Balevi 19:25

Ngoboni mu mwaka wa mutanu mu ku fwanina kulya mikabo. Ndi mukatenda nehe, mitondo yenu yikayima mikabo shikuma. Ami Nyambi ya Ngula, Nyambi yenu.

Balevi 19:30

Mukalame matena ami aku katala, kami lemeekenu mwanya ou bandemeshelanga. Ami Nyambi ya Ngula.

Balevi 19:31

“Hinga mukaya kubakakukwata bapashi naku bya wulozi. Ndi mukatenda noho pe mukabipa. Ami Nyambi ya Ngula, Nyambi yenu.

Balevi 19:34

Mukabekalike ngonehe mukwikalika minenu wa Kaishalela, kami muka bahake nehe mu kulihaka enu bamwine. Anukenu ngayi enu ku shikati shimo mwengile mapukwenda mu litunga lya Engepita. Ami Nyambi ya Ngula.

Balevi 23:3

“Mukekala matena mutanu na umo eye mukatendanga milimo yenu, ngoboni anukenu ngayi mutena wa mutanu na abili unengi wakukatala nimwako oku mukekala.”

Balevi 26:2

Mukalame matena ami aku katala na ku lemeeka mwanya ou bandemeshelenga. Ami Nyambi ya Ngula.

Malaki 1:6

Nyambi wa Makunge ukunyanca bakankombela ngayi, “Mwana walemeekanga tatiyendi na mukamulimo walemeekanga hekulyendi, ndi Ami nili tatiyenu, maleema wami haya ali kuti? Ndi Ami nili hekulyenu, haya bowa muli nawo uli kuti? Mukuhandulu, ngoboni mukwipula ngayi, ‘Kati tunakuhandulu nahiti?’

Ndayano 27:16

“‘Shikuto shikekala ha muntu nimwendi wakuhandula tatiyendi hinge mandiyendi.’ Kami bantu nimwabo bakamba ngayi, ‘Ameni.’

Ndayano 5:16

“‘Lemeeka tatiyobe na mandiyobe, ngonehe namilayile ami Nyambi ya Ngula, Nyambi yenu, ngayi nimwabyo byende shiwahe kukwenu kami enu mwanga muyoye matena amengi mu litunga liya nikumipanalyo.

Bahebelu 12:9

Nohobene nanetu kami twekalilenga na batatizetu mu wuntu, batushuzilenga, ngoboni twabapaninenga maleema, kati kaliha tunafwanini kwombatala Tate mu moyo mwanga tuyoye ndi?