Balevi 17:7 - Libuka Lya Kuyela

⁷ Bantu ba Ishalela bafwako kuka kombelelanga kuli Nyambi ya Ngula tuhu bimuna byabo, kwinga nkombela ku mayimbwe akufweka bampongo. Bantu ba Ishalela ba ku fwanina kulama kufundiziza oku ku bihemwinino byabo nimwabyo.

Balevi 17:7 Iomraidhean Croise

1 Kolinte 10:20

Byo, ngoboni nikwamba ngayi, byuma ebye Bakalitunga ba kukombelela, ba kubitupula ku mayimbwe, kaliha kuli Nyambi. Kushinga nifwako ngayi mulilumikile na mayimbwe.

Kututika 34:15

Hinga ukenga shikonzi na bantu ba muya mu litunga, ndaba oho bakalemesha banyambi babo ba litunga na kukombelela kwabo, bakakwihananga ngayi mwanga ulifungile nabo, pe ukezekiwa ngayi mulye ku zinkombela zabo za byakulya.

2 Byambo 11:15

Yelombowami wemikile bakankombela bendi niyemwine kutendela mu myanya yaha binkanda yakulemeshela banyambi bowa na kulemesha mayimbwe na tunankishi otu babumbile mu shifwekesha sha kwinga ngo bankunzi.

Ndayano 32:17

Bakombelelele ku mayimbwe, kaliha kuli Nyambi, ku banyambi baya babulile kulimuka, banyambi bashenge bawuluno, banyambi baya babulile kutina batatizenu.

Nyimbo 106:37

Batupwile bana babo babalume na ba bambuyama kwinga zinkombela ku tunankishi.

Kuholoka 9:20

Bantu bamina aba babulile kufwa ku nawa malwa, kaliha batengulukile ku milimo ya maboko abo, kami kaliha bashiyile kulemesha mayimbwe na tunankishi twa ngolinde na shiliva na lubemba na mamanya na bitondo, ebye bikubula kutwesha ku mona, hinge kuyuvwa, hinge kwenda.

Ezekiyele 23:8

Kami wazaminine lwiholwiho ngonehe atendelenga mu Engepita omu avulaminine bya nkaanga yendi kufuma ha shikati oho engilenga kankanga, balume balanganinenga nendi na kumutenda ngonehe walwiholwiho.

Ndayano 31:16

Nyambi ya Ngula wambile kuli Moshesha ngayi, “Shikati shobe shilihahepi sha kuya mu kuliwana na bankakazobe, pe oho wafwakale bantu bakenga bakubula kwoloka kukwami na kubula kulama kulimama kuya nalimamine nabo. Bakamfutamina na kulemesha banyambi bowa ba bakalitunga elye bakwingina.

Balevi 20:5

Amimwine nikamufutulukila na ba lupashi lwendi nimwalwo na kufutulukila aba nimwabo ba kuliwana nendi mu kubula kwoloka kwendi kukwami ha kulemesha Moleki. Pe nikamufumisha hakati ka baminendi.

Kututika 32:8

Baishalela bashanukakale mu nzila iya nabatongwezele kwendamo, banalitendele nkunzi wa ngolinde ya kuyungulula, banamulemeshe na kukombelela nkombela kukwendi. Pe bali na kwamba ngayi ou nengi nyambi yabo, ou wabatutwishile mu Engepita.”

Kututika 22:20

“Muntu nimwendi wakukombelela ku nyambi washenge, kupitakana Nyambi ya Ngula pe akalobeshiwe.

Efweshe 2:2

Ha shikati shiyo mwendelenga mu byabibi kukonka ngana za kano kaye, kami mwombatalile Shatana, mwene wa ngovu za mu mbimbayilu. Ou niye ukutenda milimo ha shikati shino ku bantu bakulwisha Nyambi.

2 Kolinte 4:4

Nibo kukulupila bafwako, ndaba ngayi Shatana ou nengi nyambi wa litunga lino, unashipishi mitima yabo, kutina bamona mwaana wa ncango zaziwahe, lumuni luyo luku monesha wuwahe wa Kilishitu, kami mumwendi muli shifwekesha sha Nyambi.

Yowano 14:30

Kukamba kukwenu shikati shashitali nifwako, ndaba mwene wa kano kaye ulinakwiza. Kaliha uli na ngovu hahami,

Yowano 12:31

Wuluno nisho shikati sha kuyata kano kaye, wuluno mwene wa kano kaye ukayumbiwila ha munkanda.

Yelemiya 3:1

Nyambi ya Ngula ukwamba ngayi, “Ndi mulume ukulubula mukazendi, pe uya mbuyama ha kuya na kuyekiwa ku mulume wamina, kati ukutwesha kumubwesha kami ndi? Byo, ndaba litunga likenzala na biheka byabibi? Ngoboni obe Ishalela unakwata banjenge babengi haya niho kami uli na kushinga kuboka kukwami ndi?

Balevi 3:17

Kaishalela kaliha wafwanina kulya mazi hinge mukeza, awa anengi mazu a kulamiwa mwaya myaka ku bihemunwino bya Baishalela nimwabyo, oku nimwako bakekala.”

Balevi 17:8

“Kaishalela nimwendi hinge lipukwenda nimwendi, wekala mu shikungulukilo ou ukakombelela nkombela ya kuhokesha hinge nkombela nimwayo

Nyimbo 106:39

Balibipishile na ntendelo yabo, kami bengile bakubula kukulupiliwa kuli Nyambi mu ntendelo yabo yengile ngonehe wumambe.

Ezekiyele 23:3

Oho nibo bashili wanuke batendelenga lwiholwiho, kami oho bekalilenga mu Engepita batendelenga lwiholwiho, nibo bavulamine bya nkaanga yabo na kuyibipisha mu wunjenge.

Kututika 22:19

“Muntu nimwendi wakulangana na shimuna akazihiwe.

Kututika 27:21

Aloni na bana bendi bakayakenga lyeyeko lya mimuni mu Ntanda ya shikungulukilo, ha munkanda wa shibaamba eshe shikekala kumbili ya Likwati lya Kulimama. Mimuni yikabangenga ku meho wami kubalika mazolo kutwala naku lumenemene. Eze ndayano zikalamiwenga ku Baishalela ku bihemunwino byabo nimwabyo.”