Balevi 16:2 - Libuka Lya Kuyela

² Pe wambile ngayi, “Tongweza yayiyobe Aloni ngayi hinga ezanga ku nciza ya shibaamba mu Mwanya wa kuyela ha shikati shimo, ndaba ngayi nimo nikamonekelanga mu likumbi hayilu ya muhuko wa nceshe, ou uli hayilu ya Likwati lya Kulimama, kutina akafwa.

Balevi 16:2 Iomraidhean Croise

1 Bamyene 6:16

Kampenci ka mukati ka litala, kakutumbiwa ngayi, “Mwanya wa Kuyela Shikuma, kazikiwile kunyima mukati ka Litala lya Nyambi ya Ngula. Kengile mamita 9 mu wutali.” Pe lyatapuliwile na maleenge a mitondo ya shinda kufuma hanci kukuma ku kuyilu yalyo.

1 Bamyene 8:6

Niho bakankombela bashimbile Likwati lya Kulimama na kuliyaka mukati ka Mwanya wa Kuyela Shikuma wamu Litala lya Nyambi ya Ngula, mu nceto ya makelumbi a mbando.

2 Byambo 5:14

Nohobene bakankombela kaliha batweshele kami kutenda milimo ya kulemesha ndaba wuwahe wa Nyambi ya Ngula wenzalishile Litala lya Nyambi.

Kututika 30:10

Aloni ukatenda shiheka sha kwambwililisha kaala ha kuyaka mukeza wa shimuna ku ncengo zako kamo ha mwaka. Ukambwililisha kaala kamo ha mwaka na mukeza wa ntupu ya ha wubi. Eshe shikatendiwanga ku bihemunwino byenu nimwabyo. Kaala aka kakenge kakuzilikiwa, kakufunguliwila kukwami Ami Nyambi ya Ngula.”

Balevi 16:13

Kuyo ku meho a Nyambi ya Ngula, ukayaka incence ha mundilo ngayi wishe uyo ukaholeke muhuko wa nceshe ou unafwiki Likwati lya Kulimama lili na wupaki wa Nyambi ya Ngula, kutina akafwa.

Balevi 16:34

Oku kufundiziza ku kalamiwenga kubikati bikeza kumbili nimwabyo. Eshe shiheka shiku fwanina kutendiwa kamo ha mwaka mu kukuliza bantu ba ishalela ku wubi wabo nimwawo.” Pe Moshesha watendele ngonehe amutongwezele Nyambi ya Ngula.

Balevi 23:27

“Tongweza ba Ishalela ngayi, mutena wa likumi wa ngonda wa mutanu na zibili, unengi mutena wa kukuliza waha mwaka ha mwaka watendiwanga ha kuliyelesha. Ha mutena uyo mukazile kulya. Mukekale na shikungulukilo sha kuzila na kulemesha, pe mukakombelele nkombela ya byakulya kuli Nyambi ya Ngula.

Balevi 8:35

Munafwanini kwikala ku menginino a Ntanda ya shikungulukilo mwaana na wushiku matena mutanu na abili. Ngayi mukatendenga ebye Nyambi ya Ngula anamba mwanga mukabule kufwa. Ebye nibyo Nyambi ya Ngula antongwezele.”

Kulaba 17:10

Nyambi ya Ngula wambile kuli Moshesha ngayi, “Bwesha muwana wa Aloni hambili ya Likwati lya Kulimama. Niwo unengi shilimukisho kuwutentekela ku shiwulula Baishalela bamafutufutu ngayi mwanga balehe manyengo wabo ndelewa bakafwa.”

Kulaba 18:7

Ngoboni obe tuhu na bana bobe, enu mukatenda mulimo nimwawo uya wakukombelela waku kaala na nebye bili mu mwanya wa kuyela. Byuma ebye nimwabyo yinengi milimo yenu, ndaba namipaniki bishemo bya wunkombela. Muntu enge yani hinge yani wakubula kutwesha kutenda ou mulimo wakwiza kwakwipi na byuma bya kuzila ukafwa.”

Kulaba 4:19

ndi bakwiza kwakwipi na byuma ebye byazilikiwa. Aloni na bana bendi bakengina mukati mu kutontolola mulimo wa muntu na muntu na kumutongweza eshe akashimbanga.

Kulaba 4:5

Nyambi ya Ngula wafundizizile Moshesha kami nehe ngayi, “Oho shikenga shikati sha kutuntuka ha munkungwa, Aloni na bana bendi bakengina mu ntanda mu kushimba shibaamba hambili ya Likwati lya Kulimama kwa Nyambi ya Ngula na kufwikishako Likwati lya wupaki.

Mateo 27:51

Niho likwiza lya mu wumbo lyekalilenga mu Litala lya Nyambi lyatabukile hakati bitabu bibili kufuma kuyilu kutwala ku nceto. Hanci hakankile na mamanya apabukile,

Bahebelu 6:19

Kulumbeza oku tuli nakwo kwenga ngo kakundikisho mu wumi wetu, sha kulaluka na kubula kunyenkanishiwa, kami shikwingina mukati kupitakana likwiza lya mu wumbo lya mu Litala lya Nyambi, kukakuma ku mwanya wa shizila.

Bahebelu 9:25

Kaliha ngayi wayile muyilu ngayi mwanga akalitupule niye mwine bikati byabingi ngonehe Mukulwane wa Bakankombela Nimwabo engininenga mu Kampenci Kakuyela Shikuma ha mwaka nimwawo na mukeza wa kayamana.

Bahebelu 9:3

Kunyima ya mu wumbo wa wubili, kwekalile kampenci katumbiwile ngayi Kampenci Kakuyela Shikuma.

Bahebelu 9:5

Hayilu ya likwati hekalile makelumbi a wuwahe aya afwikile shipona sha shikeketima na mbando zawo. Haya shino kaliha nisho shikati sha kutontolola ebye byuma nimwabyo.

Kuholoka 15:8

Litala lya Nyambi lyenzalile na wishe wafumine ku wuwahe wa Nyambi na ku ngovu zendi. Kowa muntu watweshele kwingina mu Litala lya Nyambi, hantu malwa mutanu na abili a mangeloyi mutanu na abili amanine.