Balevi 12:7 - Libuka Lya Kuyela

⁷ Mukankombela ukaleta nkombela yendi kuli Nyambi ya Ngula yaku kuliza ku walakazi wendi, pe ukayela. Eshe boni, nisho aku fwanina kutenda mbuyama ha ku shalaho.

Balevi 12:7 Iomraidhean Croise

Yobo 1:5

Oho shikati sha mayambwayambwa shamaninenga kulumenemene na lumenemene, Yobo walimenekelenga kuya mu kukombelela nkombela ya kuyelesha bana bendi. Niye watendelenga eshe ha shikati nimwasho ndaba wahanganikile ngayi kampe umo ha bana bendi una bipishili Nyambi mu mutima wendi.

Yobo 14:4

Yani ukutwesha kufumisha shuma sha kuyela ku shuma sha kubula kuyela? Kowa hinge umo.

Balevi 1:4

Pe akayake liboko lyendi hayilu ya mutwe wa nou nkunzi, yikenga nkombela ya ku mu kuliza.

Balevi 12:6

“Oho shikati shendi sha kuliyelesha shinamana, hinge ku mwana wa mulume hinge ku mwana wa mbuyama ukaleta mwana mbelele wa mwaka umo wa nkombela ya kuhokesha na nkilimba hinge katela ka ntupu ya ha wubi ku bakankombela ku menginino a Ntanda ya Shikungulukilo.

Balevi 12:8

“Ndi mbuyama kukatwesha kuleta mwana mbelele ufwako, pe ukaleta matela abili hinge bana ba bankilimba babili, umo wa nkombela ya kuhokesha pe wamina wa ntupu ya ha wubi. Pe mukankombela uka mu kuliza kuwalakazi wendi, pe ukayela.”

Balevi 15:15

Mukankombela ukakombelelaho kayoni kamo kwinga ntupu ya ha wubi, kami kamina kakwinga nkombela yaha kuhokesha. Mu ntendelo eye uka mu kuliza ku meho a Nyambi ya Ngula ku wulweli wendi wakuvwa.

Balevi 4:20

Ukatenda shuma shimo ha nkunzi owe ngonehe atenda na nkunzi wa ntupu ya ha wubi, pe mu nzila eye mukankombela ukatenda nkombela ya kukuliza ha wubi wa bantu pe bakayatiwila wubi wabo.

Balevi 4:26

Pe ukahokeshela mazi nimwawo ha kaala, kwinga ngonehe shiya ahokeshanga mazi a bimuna ba kuzihiwila ha zinkombela za kukuliza. Muntendelo eye mukankombela ukakombelela nkombela ya kwambwililisha ha wubi wa mukakutwaminina pe ukayatiwila ku wubi wendi.

Balevi 4:31

Pe ukafumisha mazi wendi nimwawo, ngonehe shiya bafumishanga mazi a bimuna bazihilanga ha zinkombela za kulilumikila, pe ukawahokeshela ha kaala ngayi livumba mwanga liwahililishe Nyambi ya Ngula. Mu ntendelo eye mukankombela ukakombelela nkombela ya kukuliza ha wubi wa uya muntu pe ukayatiwila.

Balevi 4:35

Pe mukankombela ukafumisha mazi wendi nimwawo ngonehe shatendiwanga ha kufumisha mazi a mbelele uya wazihiwile ha nkombela ya kulilumikila. Pe niye ukawahokeshela ha kaala hayilu ya zinkombela za byakulya za kuhokesha, zikupanikiwa kuli Nyambi ya Ngula. Mu ntendelo eye mukankombela ukakombelela nkombela ya kukuliza ha wubi wa uya muntu pe ukayatiliwa wubi wendi.”

Baloma 3:23

Ndaba nimwabo banatende wubi, pe banashalili ku wuwahe wa Nyambi.

Baloma 3:26

Watendele ebye ngayi amoneshe kwoloka kwendi ha shikati shino ngayi niye wa kupwisha kami niye ukwolokesha ou nimwendi ukukulupila muli Yeshu.

1 Kolinte 7:14

Ndaba mulume wakubula kukulupila ukuyeleshiwa ndaba ya mukazendi, kami mukazi wakubula kukulupila ukuyeleshiwa ndaba ya mukokwendi. Ndi shinga kaliha noho, shinga bana babo bakwinga bakubula kuyela, ngoboni haya balinehe, banayele.

Ngalatiya 3:28

Kowa Kayunda hinge Mukamatunga, kowa ndungo hinge mukakushoboloka, kowa mulume hinge mbuyama, ndaba nimwenu munengi umo muli Kilishitu Yeshu.