Balevi 12:6 - Libuka Lya Kuyela

⁶ “Oho shikati shendi sha kuliyelesha shinamana, hinge ku mwana wa mulume hinge ku mwana wa mbuyama ukaleta mwana mbelele wa mwaka umo wa nkombela ya kuhokesha na nkilimba hinge katela ka ntupu ya ha wubi ku bakankombela ku menginino a Ntanda ya Shikungulukilo.

Balevi 12:6 Iomraidhean Croise

Shitatiko 15:9

Nyambi ya Ngula wambile ngayi, “Ndetele namani wa shitole wa myaka yihatu na mpongo wa myaka yihatu na shikungwe wa mbelele wa myaka yihatu na litela na mwana nkilimba.”

Balevi 12:2

“Tongweza bantu ba ishalela ngayi, oho mbuyama washalahokale mwana wa mulume, ukekala wa kubula kuyela ku matena mutanu na abili, ngonehe shiya ekalanga oho unatini mundilo.

Balevi 12:5

Ngoboni ndi ukabeleka mwana wa mbuyama, niho ukenga wa kubula kuyela matena likumi na anaa, ngonehe shiya ekalanga oho unatini mundilo, pe ukafwanina kwikala matena 66 akuliyelesha.

Balevi 12:7

Mukankombela ukaleta nkombela yendi kuli Nyambi ya Ngula yaku kuliza ku walakazi wendi, pe ukayela. Eshe boni, nisho aku fwanina kutenda mbuyama ha ku shalaho.

Balevi 14:22

kami ukaleta matela abili hinge bankilimba babili, umo waha ntupu ya ha wubi na wamina waha nkombela ya kuhokesha.

Balevi 15:14

Ha mutena wa mutanu na ahatu ukatwala matela abili hinge bankilimba babili ku menginino a Ntanda ya Shikungulukilo na kubipana kuli mukankombela.

Balevi 15:29

Ha mutena wa mutanu na ahatu ukatwala matela abili hinge bankilimba babili kuli mukankombela ku menginino aku Ntanda ya Shikungulukilo.

Kulaba 6:10

Ha mutena wa mutanu na ahatu ukaleta matela abili hinge bankilimba babili kuli mukankombela ku menginino aku ntanda ya shikungulukilo.

Luka 2:22

Oho shikati sha kuyeleshiwa kwabo sha kumine ngonehe mwayila Ndayano za Moshesha, Yoshefwa na Maliya na mwana bayile ku Yelushalema ngayi bakamutwale kuli Mwene,

Yowano 1:29

Mutena wakulundamina, Yowano wamonene Yeshu heza kukwendi, pe wambile ngayi, “Monenu, Mwana Mbelele wa Nyambi ou ukufumisha wubi wa bakakaye!

2 Kolinte 5:21

Kilishitu kaliha watendele wubi, ngoboni Nyambi wamwingile wubi ndaba yetu, ngayi etu tutendiwe bakulunga kuli Nyambi.

Bahebelu 7:26

Ndaba nisho shikushingiwa kwikala ku Mukulwane wa Bakankombela Nimwabo wa noho, wa kuyela, wakubula mulandu, wakubula wubi, wakulitapulula na bakawubi, watwaliwile kuyilu ya mayilu.