Balevi 11:10 - Libuka Lya Kuyela

¹⁰ Ngoboni byuma nimwabyo hinge biya byekala mu mema, hinge mu mushinzi bya kubula manzangulu hinge mayazi hinga bikaliwa ndaba binengi bya wunyengwe kukwenu.

Balevi 11:10 Iomraidhean Croise

Shitatiko 1:20

Niho Nyambi ambile ngayi, “Haya mema atutwishe matanga a mishobo ya bibumbwabumbwa bya kuyoya, haya mbimbayilu kami mwanga mutukenga matanga a tuyoni.”

Zincimpi 13:20

Ou ukutenda wuhoni na bantu bangana ukafutuka wangana, ngoboni muka kulilama na bileya ukayanda.

Zincimpi 29:27

Muntu wakubula kupwisha wenga wa wunyengwe ku muntu wakulunga, ngoboni muntu wa nzila ya kuluwa wenga wawunyengwe ku muntu wakulunga.

Balevi 11:11

Biku fwanina kuhanganikiwila kwinga bya wunyengwe. Kaliha mu ku fwanina kubilya hinge kukwata mituntu yabyo ya kufwa.

Balevi 11:9

“Mukutwesha kulya zinci nimwazo, eze zili na manzangulu na mayazi.

Balevi 7:18

Ndi yimo yikaliwa ha mutena wawuhatu, Nyambi kukatambula oyo nkombela ya nowo muntu ufwako. Nkombela kuka labiwa ku mikuli yendi yifwako ngoboni yikahanganikiwila kwinga yayibi, kami nimwendi ukalyako ukalileyekamo niyemwine.

Ndayano 14:10

ngoboni nimwabyo byekala mu mema biya bya kubula manzangulu hinge mayazi, hinga mukabilya, ndaba binengi bya kubula kuyela.

Ndayano 14:3

“Hinga mulya shuma shiya shakanishiwa ngayi sha wunyengwe.

Kuholoka 21:8

Ngoboni bakabowa na bakakubula kukulupila na bakakumengenyesha na bakakuziha na bakawunjenge na bakamalele na bakakulemesha tunankishi na bakamahalo nimwabo, bakekala na shitapilo shabo mu liziba likubanga na mundilo na shalufwa. Olwe nilwo lufu lwa wubili.”