Balevi 10:6 - Libuka Lya Kuyela

⁶ Niho Moshesha atongwezele Aloni na bana bendi ba Eliza na Itama ngayi, “Shakulenu huki zenu kami hinga mutabula bivwalo byenu kulimonekesha ngayi muli ha malila. Ndi mukutenda noho pe mu kufwa, kami Nyambi ya Ngula ukapilamina shikungulukilo nimwasho. Ngoboni bawushindawenu na bantu nimwabo Baishalela banetabilishiwi kulila lufu luno lu nalete mundilo wakuli Nyambi ya Ngula.

Balevi 10:6 Iomraidhean Croise

2 Shamwele 24:1

Nyambi ya Ngula wapilaminine Ishalela kami, pe wengishile Ndavita kuleta makalikiza hahabo. Nyambi ya Ngula wambile kukwendi ngayi, “Yanga ukalabe bantu ba Ishalela na Yunda.”

Ezila 7:5

Mbuki wengile mwana Ambishuwa na Ambishuwa wengile mwana Fwinihashi na Fwinihashi wengile mwana Eliza na Eliza wengile mwana Aloni Mukulwane wabakankombela Nimwabo.

Kututika 33:5

ndaba Nyambi ya Ngula wambile kuli Moshesha ku tongweza Baishalela ngayi, “Munengi bantu ba mitima yayikalu. Ndi nikaya hamo nanenu hinge tuhu kashikati kakashe, pe nikamilobesha nimwenu. Haya vulenu bya kuliyenga byenu, niho nikahanganike mwa kumitendela.”

Kututika 6:23

Aloni washimbile Elisheba mwana Aminandabe mpanza Nahishoni. Wamubelekelele ba Nandabi na Ambihu na Eliza na Itama.

Yelemiya 7:29

Lilenu enu bantu bamu Yelushalema, shehenu huki zenu na kuziyumba. Yimbilenu lwimbo lwa malila hayilu ya mapili, ndaba Ami Nyambi ya Ngula ninapilama, kami nakendakale bantu bami.

Balevi 13:45

“Muntu uli na wulweli wakuliyambwisha uku fwanina kuvwala bivwalo bya ku taboka na kuleha huki zendi za kubula ku shakula na kufwika ku nceto ya muzulu wendi na kubilika ngayi, ‘Nazilikiwi, Nazilikiwi!’

Mika 1:16

Enu bantu ba Yunda, lishehenu huki ku monesha ngayi mu kulila banabenu mwa haka. Tewulenu mitwe yenu mwinge ngonehe mitwe ya makubi, ndaba bana benu bakamiyangulabo, bakaya mu wuntapwa.

Kulaba 1:53

Ngoboni Balevi bakatula na kuzinguluka ntanda ya wupaki na kuyilama ngayi mwanga kukabule muntu wakwiza kwakwipi na ku shonkomona wukali wami wakukama likunge lya Baishalela.”

Kulaba 14:6

Kami Yoshuwa mwana Nune na Kalembu mwana Yefuna, bakakuhokela babili, batabwele bivwalo byabo mu wunginga,

Kulaba 16:22

Ngoboni Moshesha na Aloni balambile hanci na zimpala zabo ku limvu na kwamba ngayi, “Obe Nyambi, unengi mwine wumi nimwawo. Oho muntu umo unabipishi, kati ukupilamina likunge nimwalyo ndi?”

Kulaba 18:5

Ngoboni obe tuhu na bana bobe ninkayenu, enu mu ku fwanina kutenda mulimo mu mwanya wa kuyela na kaala, ngayi wukali wami wubule kukatuka na kulwisha bantu ba Ishalela.

Kulaba 20:25

Shimba Aloni na mwanendi Eliza, pe mukandame ku Lipili lya Hola,

Kulaba 5:18

Niho mukankombela ukayimika uya mukazi, ku meho a Nyambi ya Ngula na kumumangulula huki, pe ayake mu maboko wendi ntupu ya muhunga washanukisho, eye yikenga nkombela ya ha lihungu. Mukankombela akakwate lulonga lunenzala na mema amalulu aya akuleta shikuto.

Ndayano 33:9

Wambile ha bya tatiyendi na mandiyendi, nifwako kubalumikila na kubula kwanuka bawushinda wendi, hinge bana bendi. Bombatalile mazu obe, kami bengile bakulunga ku kulimama kwobe.

Yoshuwa 22:18

Kati haya munakukana kukonka Nyambi ya Ngula ndi? Ndi mu kufutulukila na kulwisha Nyambi ya Ngula lelo, niye ukapilamina bantu nimwabo Baishalela nzona.

Yoshuwa 22:20

Anukenu Akani mwana Zela eshe akanine kwombatala ha byuma byafunguliwile kwinga nkombela kuli Nyambi ya Ngula, likunge nimwalyo lya Baishalela lyashushuliwile ha kutenda bya noho. Akani kaliha wafwile ninkayendi ndaba ya wubi wendi.”

Yoshuwa 7:1

Ngoboni Baishalela babulile kwinga bakwoloka kuli Nyambi ya Ngula, za kubakanisha kushimba shinge shumangani hinge shumangani mu Yeliko, shiya shafunguliwile kwinga nkombela kukwami. Nohobene wukali wa Nyambi ya Ngula wabambile ha bantu ba Ishalela, ndaba mulume watumbiwile ngayi Akani washimbile byuma bimo bya kufunguliwa. Akani wengile mwana Kalimi, muzukulya Zambindi wa ku livumo lya Zela, waku mushobo wa Yunda.

Yoshuwa 7:11

Ishalela unabipishi! Banakiluku kulimama kwabo na nami kuya nabakulupishile ngayi kushume. Banashimbi ku byuma bimo biya byafunguliwile kwinga nkombela. Babiyiba na kwamba mahalo, pe banabitenteke hamo na byuma byabo.