Balevi 1:4 - Libuka Lya Kuyela

⁴ Pe akayake liboko lyendi hayilu ya mutwe wa nou nkunzi, yikenga nkombela ya ku mu kuliza.

Balevi 1:4 Iomraidhean Croise

Kututika 28:38

Aloni ukakavwalanga ha lupala lwendi, ngayi mwanga Ami Nyambi ya Ngula nikatambule zintupu ziya nimwazo bakafungwila kukwami Baishalela, hinge ndi bantu banatende shibi ha kutupula eze zintupu.

Kututika 29:10

“Niho ukaleta nkunzi kumbili ya Ntanda ya shikungulukilo. Ukatongweze Aloni na bana bendi kukambika maboko wabo ha mutwe wa uya nkunzi.

Kututika 29:15

“Ukashimbeho umo ha bikungwe bya bambelele, ukatongweze Aloni na bana bendi kukambika maboko wabo ha mutwe wa shikungwe.

Kututika 29:19

“Ukashimbeho shikungwe wamina, pe ukatongweze Aloni na bana bendi kukambika maboko wabo ha mutwe wa shikungwe.

Kututika 29:33

Pe bakalye ebye byengile bya kulyambwililisha kwabo na kubazilika na kubafungula. Ndele tuhu bakankombela nibo bakatwesha kulya byakulya ebye, ndaba binengi bya kuyela.

Ishaya 56:7

Nikabaleta ku lipili lyami lya kuyela, nikabengisha ba ku wahilila mu Litala lyami omu muli bantu ba kulombela kukwami. Zintupu na zinkombela zabo za kuhokesha bikatambuliwa ha kaala kami, Ndaba litala lyami likatumbiwa ngayi litala lya malombelo, lya bantu nimwabo.

Ezekiyele 45:15

Mutupule mbelele umo kufumisha ha myanda yibili ku mabuyishilo amawahe a Ishalela. Enu mukalete zintupu za mpeka, batuyamana ba kuhokeshiwa na batuyamana ba zintupu za kulilumikila, kwinga shihingo kukwabo. Eshe nisho ninamba ami Nyambi ya Ngula.

Ndanyele 9:24

“Nyambi unayaka myaka 70 na kuvulishayo mutanu na kabili, ha bantu bobe na lukena lwobe lwa kuyela, kumanisha milandu yenu na kumanisha wubi na kufumisha kuluwa na kuleta kulunga kwa mwaya myaka, mwanga bitweshe kwinzalishilila bimono na kulubulula na kuwabisha mwanya wa kuyela shikuma.

Balevi 16:21

Ukayaka maboko wendi wubili wawo ha mutwe wa mpongo uya wa shihingo na kulitabililaho kuluwa kwabo nimwako na wubi nimwawo na mafutufutu a bantu ba ishalela, pe Aloni ukabinungulwila ku mutwe wa nou mpongo, pe ukamutandila mu ngawungawu.

Balevi 16:24

Uku fwanina kuyowelela mu mwanya umo washizila na kuvwala bivwalo byamina. Ha kumanisha, ukaya ku kaala oku akatenda nkombela ya kuhokesha ya kukuliza na kuliyelesha niyemwine nanobo bantu.

Balevi 22:21

Ndi muntu nimwendi ukakombelela nkombela ya kulilumikila kuli Nyambi ya Ngula, hinge kuhahulula luhaho hinge ntupu ya kupana na kufunga, shimuna uku fwanina kwinga wakubula muhendo ngayi mwanga atambuliwe.

Balevi 22:27

“Oho kana ka ngombe hinge kana ka mbelele hinge kana ka mpongo kaya ka nahemuwu kaliha mwafwanina kukashimba kukafumisha kuli mandiyako oho shilolo kupite matena mutanu na abili. Pe niko kakatambuliwa kwinga ntupu ya kukombelela ha mundilo wa byakulya.

Balevi 3:13

ukambike maboko ha mutwe wa mpongo na kumuzihila kumbili ku menginino a Ntanda ya Shikungulukilo. Niho bakankombela bana ba Aloni bakayitila mukeza kuzingwilisha kaala.

Balevi 3:2

Ou muntu ukakambika liboko lyendi ha mutwe wa shimuna na kumuzihila ku menginino a Ntanda ya Shikungulukilo. Niho bakankombela bana ba Aloni, bakayitila mukeza ha zimbalila za kaala nimwazo zinaa.

Balevi 3:8

Pe ukakambika liboko lyendi ha mutwe wa mbelele na kumuzihila kumbili ya Ntanda ya Shikungulukilo. Bakankombela bakayitila mukeza wendi kuzimbalila nimwazo za kaala zinaa.

Balevi 4:15

Pe bakakutwaminina shikungulukilo bakakambika maboko wabo ha mutwe wendi, pe bakamuzihilako.

Balevi 4:20

Ukatenda shuma shimo ha nkunzi owe ngonehe atenda na nkunzi wa ntupu ya ha wubi, pe mu nzila eye mukankombela ukatenda nkombela ya kukuliza ha wubi wa bantu pe bakayatiwila wubi wabo.

Balevi 4:24

Ukakambika liboko lyendi ha mutwe wa nkunzi wa mpongo na kumuzihila kumbalila ya ku ncelele ya kaala, oku bazihilanga bimuna ba zinkombela za kuhokesha kuli Nyambi ya Ngula. Eye yikwinga ntupu ya ha wubi.

Balevi 4:26

Pe ukahokeshela mazi nimwawo ha kaala, kwinga ngonehe shiya ahokeshanga mazi a bimuna ba kuzihiwila ha zinkombela za kukuliza. Muntendelo eye mukankombela ukakombelela nkombela ya kwambwililisha ha wubi wa mukakutwaminina pe ukayatiwila ku wubi wendi.

Balevi 4:29

Ukakambika liboko lyendi ha mutwe wa shimuna wa ntupu ya ha wubi na kumuzihila ku mbalila ya ku ncelele ya kaala oku bazihilanga babimuna ba zinkombela za kuhokesha.

Balevi 4:31

Pe ukafumisha mazi wendi nimwawo, ngonehe shiya bafumishanga mazi a bimuna bazihilanga ha zinkombela za kulilumikila, pe ukawahokeshela ha kaala ngayi livumba mwanga liwahililishe Nyambi ya Ngula. Mu ntendelo eye mukankombela ukakombelela nkombela ya kukuliza ha wubi wa uya muntu pe ukayatiwila.

Balevi 4:33

Ukakambika liboko lyendi ha mutwe wa mbelele wa ntupu ya ha wubi na kumuzihila ku mbalila yaku ncelele ya kaala, oku bazihilanga bimuna ba zinkombela za kuhokesha.

Balevi 4:35

Pe mukankombela ukafumisha mazi wendi nimwawo ngonehe shatendiwanga ha kufumisha mazi a mbelele uya wazihiwile ha nkombela ya kulilumikila. Pe niye ukawahokeshela ha kaala hayilu ya zinkombela za byakulya za kuhokesha, zikupanikiwa kuli Nyambi ya Ngula. Mu ntendelo eye mukankombela ukakombelela nkombela ya kukuliza ha wubi wa uya muntu pe ukayatiliwa wubi wendi.”

Balevi 4:4

Ukaleta nkunzi ku menginino a Ntanda ya Shikungulukilo na kukambika liboko lyendi ha mutwe wa nkunzi na kumuzihila kuyo ku meho a Nyambi ya Ngula.

Balevi 5:6

Kami ngonehe kubweshela kwa ha wubi wendi, ukuleta kuli Nyambi ya Ngula nkombela ya mbelele wa shitole hinge mpongo kwinga ntupu ya ha wubi. Mukankombela ukakombelela nkombela ya kufumisha wubi wendi.

Balevi 6:7

Mukankombela uka kombelela nkombela ya kukuliza kuli Nyambi ya Ngula, ha wubi wa muntu, pe ukayatiliwa ha byuma biya atendele ngayi bimuletele mulandu.”

Balevi 8:14

Niho Moshesha aletele nkunzi wa ntupu ya ha wubi, pe Aloni na bana bendi bakambikile maboko wabo ha mutwe wa uya nkunzi.

Balevi 8:18

Niho kami Moshesha aletele shikungwe wa mbelele wa nkombela ya kuhokesha, pe Aloni na bana bendi bakambikile maboko wabo ha mutwe wa shikungwe.

Balevi 8:22

Niho Moshesha aletele shikungwe wa mbelele wakufungwila, ou wengile shikungwe watendishiwile ha kubawabisha, kami Aloni na bana bendi bakambikile maboko wabo ha mutwe wa shikungwe.

Balevi 9:7

Niho Moshesha kami ambile kuli Aloni ngayi, “Henyena ku kaala ukombelele ntupu ya ha wubi wobe na nkombela yobe ya kuhokesha pe ukakuliza wubi wobe obe mwine na wubi wa bantu. Leta nkombela ya bantu, pe ukaba kulize, ngonehe eshe ambile Nyambi ya Ngula.”

Kulaba 15:25

Mukankombela ukatenda shiheka sha kwambwililisha likunge lya bantu ba Ishalela, pe bakayatila, ndaba mulandu wengile wa mapuza, pe bakombelelele ntupu ya ha wubi wabo kwinga nkombela ya byakulya kuli Nyambi ya Ngula.

Kulaba 15:28

Mukankombela ukatenda shiheka sha kulyambwilila ku kaala, mu kuyelesha uya muntu ku wubi wendi wa mapuza, pe ukayatiwila.

Kulaba 25:13

Niye na bazukulyendi bakayakiwa kwinga bakankombela ba kulimama mwaya myaka, ndaba wanyuvwilileko lihungu pe waletele bya kuyatila kwa wubi wa bantu.”

Kulaba 8:10

Bantu ba Ishalela bakakambika maboko wabo ha mitwe ya Balevi,

Kulaba 8:12

Balevi bakakambika maboko wabo ha mitwe ya bankunzi babili, umo ukwinga wakupanikiwa kwinga ntupu ya ha wubi na wamina ukwinga nkombela yakuhokesha, ngayi mwanga kutendiwe shimbo sha kwambwililisha Balevi.

Baloma 12:1

Nohobene bawushinda nikumilomba na nceshe za Nyambi, ngayi mutupule zinyutu zenu, zinge nkombela ya kuyoya na ya kuyela iya yikuwahililisha Nyambi. Eshe nisho munafwanini kulemesha Nyambi mu moyo.

Baloma 3:25

Nyambi wamutupwile, ngayi na mukeza wendi, mwanga enge shihingo sha wubi wa bantu bakukulupila mumwendi. Nyambi watendele ebye ngayi amoneshe kwoloka kwendi, ndaba ku mwaka watatililile, pe wayatililile wubi wa bantu.

Baloma 5:11

Kaliha noho tuhu, ngoboni tuku wahilila kuli Nyambi kupitila muli Mwene wetu Yeshu Kilishitu, ou tunatambulu kulyambwilila nendi.

Fwilipu 4:18

Haya ninatambulu byabingi, kami binahanya. Ninekutu na bishemo ninatambulu kuli Epafulonditashi ebye munantumini. Ebye bishemo binengi ngonehe ntupu ya livumba lyalitobe, nkombela iya akutambula Nyambi na ku wahilila.

Bahebelu 10:4

Ndaba mukeza wa bankunzi na bampongo kaliha ukutwesha kufumisha wubi.

1 Yowano 2:2

Naniye wenga shihingo sha wubi wetu, kaliha wetu pele, ngoboni sha wubi wa kaye nimwako.