Balevi 1:3 - Libuka Lya Kuyela

³ “Muntu nimwendi ukutupula nkombela ya shimuna, wafwanina kutupula nkunzi wakubula muhendo. Uku fwanina kumuleta ku menginino a Ntanda ya Kuliwanina, ngayi atambuliwe ku meho a Nyambi ya Ngula.

Balevi 1:3 Iomraidhean Croise

Shitatiko 22:13

Abulahama niho ashengezelele noku noku pe wamonene shikungwe wa mbelele hinga akakatila mashengo wendi mu mapukumuna, wayileko na ku mushimba na kumukombelela kwinga nkombela ya kuhokesha mu kuhingisha muli mwanendi.

Shitatiko 22:2

Nyambi wambile kukwendi ngayi, “Shimba mwanobe umo pele, Ishaki, ou wahaka, pe yanga ku litunga lya Moliya, ku lipili liya nikakutongweza, ukamutupule kwinga nkombela ya kuhokesha kukwami.”

Shitatiko 22:8

Abulahama wambile ngayi, “Mwanami, Nyambi niyemwine ukaliwanina mbelele wa kutenda nkombela.” Nohobene wubili wabo bapitakanishile kuya mukala wabo.

Shitatiko 8:20

Nowa wazikilile kaala Nyambi ya Ngula, niho ashimbile ku tuyamana na tuyoni twa kuliwa na kubikombelela kwinga nkombela ya kuhokesha ha kaala ka mamanya.

2 Byambo 29:32

Baletele bankunzi makumi mutanu na abili na mwanda umo wa bikungwe bya bambelele na myanda yibili ya bana ba bambelele kwinga zinkombela za kuhokesha kuli Nyambi ya Ngula.

2 Byambo 35:12

Niho batapishilile babimuna ba zinkombela za kuhokesha ku bantu kuya ngo ku mapashi abo nohobene ngayi batweshe kukombelela ngonehe kufundiziza kwa mazu a Moshesha.

Nyimbo 110:3

Bantu bobe bakalitupula nibo bamwine mu kushoboloka, ha mutena uyo ukamonesha ngovu zobe ha lipili lya kuyela. Bandumbana bobe bakeza kukwobe mu wingi wabo, ngonehe mume wa lumenemene.

Nyimbo 40:8

Nikushinga kutenda shifungo shobe! Obe Nyambi yami, mulao wobe uli mu mutima wami.”

Kututika 12:5

Uku fwanina kwinga shimuna wuya wakubula muhendo, shikungwe wa mwaka umo, ukahate mbelele hinge mpongo.

Kututika 24:5

Niho atumine bandumbana ba Baishalela, pe bahokeshele zinkombela kuli Nyambi ya Ngula, kami bakombelelele bimuna bimo kwinga zinkombela za kulilumikila.

Kututika 29:18

Niho ukahokeshe shikungwe wanzimba ha kaala kwinga nkombela ya kuhokesha kuli Nyambi ya Ngula. Livumba lya nkombela eye likuwahilisha Nyambi ya Ngula, nkombela ya kuhokesha kuli Nyambi ya Ngula.

Kututika 29:4

“Ukalete Aloni na bana bendi ku menginino a Ntanda ya shikungulukilo, pe ukabayoweshe na mema.

Kututika 29:42

“Eye nkombela yakuhokesha mukayikombelelanga ku meho wami ku menginino aku Ntanda ya shikungulukilo, ku bihemunwino byenu nimwabyo. Oku niko nikaliwana nikambe na nobe.

Kututika 32:6

Oho kwashile lumenemene baletele bimuna bimo mu kubihokesha kwinga nkombela na byamina byakulya kwinga ntupu ya kulilumikila. Bantu bekalile hanci na kulya na kunwa, niho bakatukile, pe bashindile.

Kututika 35:21

pe nimwabo baya balukukile mitima na baya bekalile na mitima ya kupana baletele zintupu kuli Nyambi ya Ngula za kutendesha Ntanda ya Shikungulukilo. Baletele byuma nimwabyo biya byashingiwilenga ha kulemesha na bya kutendesha bivwalo bya mukankombela.

Kututika 35:29

Nohobene Baishalela nimwabo, aba balukukile mitima, baletele zintupu zabo kuli Nyambi ya Ngula, za kutendesha milimo yiya abatongwezele Moshesha kuyitenda.

Kututika 35:5

ngayi mutupule ntupu kukwendi. Muntu nimwendi uli na mutima wakupana alete ntupu ya ngolinde naya shiliva naya lubemba,

Kututika 36:3

Niho batambwile kukwendi ntupu nimwayo eye baletele Baishalela mu kutendesha ku Ntanda ya Shizila. Ngoboni Baishalela bazaminine kuletela Moshesha zintupu zabo lumenemene na lumenemene.

Kututika 38:1

Wabazile kaala kakuhokeshela zinkombela ha mutondo wa mumbambangoma. Niko kengile shakwezekela hamo, mu wutali wako mashentimita 229 na mashentimita 229 muwipi wako na mashentimita 137 mu mwimo.

Ishaya 1:11

Nyambi ya Ngula ukwamba ngayi, “Kati wingi wazinkombela zenu mu kukombelela kukwami nitendeshezo bishini? Nanyikwakale na nkombela ya bikungwe bya bambelele ba kuhokesha na mazi a bimuna bobe ba kushuwa. Mukeza wa bankunzi na bana babambelele na bikungwe bya bampongo, kungwahilisha bifwako

Ezekiyele 20:40

Nyambi ya Ngula unakwamba ngayi, “Ha lipili lyami lya kuyela lya Ziyoni, lipili lyalitali mu Ishalela, nimwenu Baishalela mukandemeshelaho muyo mu litunga. Ami nikamiwahilila na zinkombela mu kundetela na zintupu zenu zaziwahe na bishemo byenu bya kuyela.

Ezekiyele 40:39

Ku kampenci ka ku menginino a lipangati, kwekalile zitebulu zibili kuzimbalila nimwazo haya bazihililenga tuyamana twa ntupu ya kuhokesha na ntupu ya ha wubi na ntupu ya kulyambwilila.

Balevi 1:10

“Ndi ntupu yendi yikafuma ku litanga lya bambelele hinge ku bampongo, wafwanina kutupula shikungwe wakubula muhendo.

Balevi 14:10

“Ha mutena wa wu mutanu na ahatu ukaleta babikungwe babili ba bana ba bambelele na mwana mbelele wa mwaka umo wa shitole, baya bakubula muhendo, hamo na muhunga ukupimiwa makilo ahatu, waku vwela na mazi a olive na shitika sha lita sha mazi a olive.

Balevi 16:7

Niho akashimba bampongo babili kutwala ku menginino aku Ntanda ya Shikungulukilo.

Balevi 17:4

na kubula kuyileta ku menginino a Ntanda ya Shikungulukilo kwinga ntupu kuli Nyambi ya Ngula, uli na mulandu wakuyita mukeza, kami kukahanganikiwa kwinga umo wa bantu ba Nyambi ufwako.

Balevi 17:8

“Kaishalela nimwendi hinge lipukwenda nimwendi, wekala mu shikungulukilo ou ukakombelela nkombela ya kuhokesha hinge nkombela nimwayo

Balevi 17:9

kwashenge na kubula kuyitila ku menginino a Ntanda ya Shikungulukilo kwinga nkombela kuli Nyambi ya Ngula, pe kukahanganikiwa kwinga umo wa bantu bendi ufwako.

Balevi 23:12

Ha mutena owo mukayengeyengesha ntupu ya shikuta sha mbuto, kami kakombelelenu shikungwe wa mbelele wa mwaka umo uya wakubula muhendo kwinga nkombela ya kuhokesha kuli Nyambi ya Ngula,

Balevi 23:18

Shikungulukilo shikaleta mankende hamo na bikungwe bya bana bambelele ba mwaka umo, mutanu na babili, nkunzi umo na bikungwe bya bampongo babili, bakubula muhendo. Bakakombeleliwa kwinga nkombela kuli Nyambi ya Ngula. Bakakombelela nkombela eye hamo na ntupu ya mpeka na ntupu ya waine ha mundilo. Livumba lya neye nkombela likuwahililisha Nyambi ya Ngula.

Balevi 3:1

“Oho muntu ukukombelela umo ha zingombe zendi kwinga nkombela ya kulilumikila kuli Nyambi ya Ngula, yiku fwanina kwinga ya nkunzi hinge ya shitole wafwanina kutupula wakubula muhendo.

Balevi 4:15

Pe bakakutwaminina shikungulukilo bakakambika maboko wabo ha mutwe wendi, pe bakamuzihilako.

Balevi 4:23

niho ndi wubi wayuvwanikakale, pe ukaleta shikungwe wa mpongo wakubula muhendo kwinga ntupu.

Balevi 4:3

“Ndi Mukulwane wa bakankombela nimwabo wakuwabishiwa aku bipisha, ukuleta mulandu ha bantu nimwabo. Nafwanini kuleta nkunzi wamushe wakubula muhendo na ku mu kombelela kuli Nyambi ya Ngula kwinga ntupu ya ha wubi.

Balevi 4:32

“Ndi muntu ukuleta mbelele kwinga ntupu ya ha wubi, uku fwanina kwinga wa shitole wakubula muhendo.

Balevi 5:15

“Ndi muntu ukatenda wubi na mapuza na kukwanga kuyumba bya ku fwanina kuli Nyambi ya Ngula, ukafwanina kuleta shikungwe wa mbelele hinge mpongo wakubula muhendo kwinga ntupu yaha mulandu. Ndando ya uya kayamana yikezekiwa na ndando ya kayamana ukashingiwa ku Shikungulukilo sha Kuliwanina.

Balevi 5:18

Uku fwanina kuleta kuli mukankombela shikungwe wa mbelele hinge wa mpongo wakubula muhendo kwinga ntupu ya kukuliza. Ndando yendi yiku fwanina kukuma ha ndando ya toyiwa ha kulanda. Mukankombela ukakombelela nkombela ya kulyambwililisha ha mulandu wa muntu, pe ukayatiwila wubi wendi.

Balevi 6:2

“Nkombela yikakombeleliwa ku muntu nimwendi ukubipishila Nyambi ya Ngula ha kukana kubwesha kuli minendi wa Kaishalela shuma shiya ashiyile ku ndando kwinga ya sha kumwimaninaho, hinge kumuyibila shuma shimo hinge ku mukeyela

Balevi 6:8

Nyambi ya Ngula wambile kuli Moshesha ngayi,

Balevi 7:16

“Ndi muntu ukaleta nkombela ya kulilumikila ya kuhahulula luhaho, hinge ndi kwinga ntupu ya shifungo shendi niyemwine, yikaliwa ha mutena uya bakayikombelela ngoboni ndi yimo yikashalaho yikafwanina kuliwa ha mutena uya ukalundamina.

Balevi 8:18

Niho kami Moshesha aletele shikungwe wa mbelele wa nkombela ya kuhokesha, pe Aloni na bana bendi bakambikile maboko wabo ha mutwe wa shikungwe.

Balevi 8:21

Pe oho bya mukati na bilama byayoweshiwile na mema, Moshesha wahokeshele shikungwe wa mbelele wa nzimba ha kaala, kwinga nkombela ya kuhokesha ya byakulya kuli Nyambi ya Ngula. Pe livumba lya nkombela eye likuwahilisha ku mutima, nkombela ya kukombelela na mundilo kuli Nyambi ya Ngula, ngonehe amutongwezele Nyambi ya Ngula.

Balevi 9:2

Wambile kuli Aloni ngayi, “Shimba nkunzi wamushe na shikungwe wa mbelele baya bakubula muhendo, kami ubakombelele kuli Nyambi ya Ngula. Uya nkunzi ukwinga ntupu ya ha wubi na uya shikungwe wa mbelele uya ukwinga nkombela ya kuhokesha.

Zakaliya 13:7

“Obe mpoko ya mukwale, pinduka ulwishe mulishani wami, lwisha muntu ou nemana hahepi na nami! Eshe nisho akwamba Nyambi wa Makunge. Kama mulishani pe bambelele bakapanzana, ngoboni nikayaka liboko lyami na kulwisha babashe.

Malaki 1:14

Mwanga akutiwe muntu uya ukwongeza, uya ukukombelela nkombela ya kubula ku fwanina. Oho niye hinga ekala na shimuna shashiwahe ou a kulupishile ngayi ukampana. Ami Mwene Wamunene, eshe nisho akwamba Nyambi wa Makunge, kami lizina lyami lya kulemeshiwa mukati ka matunga nimwawo.”

Kulaba 15:3

mukatupule kuli Nyambi ya Ngula nkunzi hinge shikungwe wa mbelele, hinge mbelele, hinge mpongo akaletiwe kuli Nyambi ya Ngula kwinga nkombela yakuhokesha hinge nkombela ya kubezulula lubeza, hinge ntupu ya kupana na kufunga, hinge nkombela yimo yaku bimbo byenu bya wunyambi bya kukuliziza, livumba lya neze zinkombela za byakulya lili na kuwahililisha Nyambi ya Ngula ku mutima.

Kulaba 15:8

Oho nkunzi ukukombeleliwa kuli Nyambi ya Ngula kwinga nkombela yakuhokesha, hinge nkombela ya kubezulula mbeza, hinge nkombela ya kulilumikila,

Kulaba 19:2

“Mutongweze Baishalela ndayano eze ngayi, mulete shitole wa ngombe wakufubila uya wakubula nyanco kami uya wakwinga hinga atanga kutendaho mulimo,

Kulaba 23:19

Nyambi kaliha wenga ngonehe muntu, ngayi niye ongeze, Kaliha ngonehe muntu ou wafutulanga bihanganiko byendi. Nimwabyo akulupishanga, wabitendanga, ebye ambanga, ndele bitendiwe.

Kulaba 23:27

Mbalaki wambile kuli Mbalaamu ngayi, “Tuyenga nimwetu hamo, pe nika kutwala ku mwanya wamina. Kampe ndi Nyambi uketabila ngayi ukabankutwileko.”

Kulaba 23:3

Niho Mbalaamu ambile kuli Mbalaki ngayi, “Yimana kuno ku nkombela yobe yakuhokesha, aha nishili kuya mu ku mona ndi Nyambi ya Ngula ukangwana. Nikakutongweza nimwabyo ebye akaholola kukwami.” Nohobene wayile ninkayendi ha mutwe wa lipili ha kayelele,

Kulaba 23:30

Mbalaki watendele ngonehe amutongwezele Mbalaamu, pe wakombelele nkunzi na shikungwe wa mpongo ha kaala na kaala.

Kulaba 28:11

Leta nkombela ya kuhokesha kuli Nyambi ya Ngula ha kutatika kwa ngonda na ngonda. Nkombela eye yikwinga bana ba bankunzi babili na shikungwe umo wambelele na babikungwe ba bambelele mutanu na babili ba mwaka umo, nimwabo bakubula nyanco.

Kulaba 28:19

Mukakombelela nkombela ya kuhokesha na mundilo kwinga nkombela ya byakulya kuli Nyambi ya Ngula. Nkombela eye yikwinga bana ba bankunzi babili na shikungwe umo wa mbelele na bana babikungwe ba bambelele mutanu na babili ba mwaka umo, benge bakubula nyanco.

Kulaba 28:31

Kombelelenu ebye na nkombela ya waine mu kufungila ku ntupu ya mpeka yaha mutena ha mutena.

Kulaba 29:13

Ha mutena ou wakutatika, mukakombelela kuli Nyambi ya Ngula nkombela ya kuhokesha ya byakulya, pe livumba lyayo likawahililisha Nyambi ya Ngula. Nkombela eye yikwinga ya bana ba bankunzi likumi na bahatu na bikungwe babili ba bambelele na bana ba bambelele babikungwe likumi na banaa ba mwaka umo, bakenga bakubula nyanco.

Kulaba 29:2

Kombelelenu nkombela ya kuhokesha ya livumba lyaliwahe lya ku wahililisha Nyambi ya Ngula. Nkombela eye yikwinga mwana nkunzi umo na shikungwe umo wambelele na bana babikungwe bambelele mutanu na babili ba mwaka umo, nimwabo bakubula nyanco.

Luka 1:35

Lingeloyi lyamutongwezele ngayi, “Moyo wa Kuyela ukashulumukila hahobe na ngovu za Wakukangana zikakufwika. Nohobene mwana wa kuyela ukahemuwa kukwobe, ukatumbiwa ngayi Mwana Nyambi.

Yowano 1:36

Oho amonene Yeshu henda, wambile ngayi, “Monenu, Mwana Mbelele wa Nyambi!”

Yowano 10:7

Niho Yeshu ambile kukwabo kami ngayi, “Mwa shikuma nikwamba kukwenu ngayi, ami shipana sha bambelele.

Yowano 10:9

Ami nili shipana. Muntu nimwendi ukwinginina mumwami ukapuluka. Ukengina na kututika, ukawana kwakubuyila.

2 Kolinte 8:12

Ndi muntu uli na lunzewe lwa kupanika, Nyambi watambulanga na ku wahilila byuma biya muntu alinabyo, kami kukandamika muntu wufwako ngayi apanike byuma a kubula.

2 Kolinte 9:7

Muntu nimwendi apane ngonehe anahanganiki mu mutima wendi, kaliha na ntongawushi hinge na kukandamikiwa, ndaba Nyambi uku haka mukakupana hinga awahilila.

Efweshe 2:18

Kupitila muli Kilishitu etu nimwetu, Bayunda na Bakamatunga, tuli na kuhenyena na Moyo umo kuli Tate.

Efweshe 5:27

Washingile ngayi aliletelelyo hambili yendi litengo lyaliwahe, lya kubula libala hinga munkonya, hinga shuma shamina sha kulibipisha, ngoboni ngayi linge lya kuyela na kubula shihepwa.

Ndayano 12:27

Mukatupule zinkombela za kuhokesha za nyama na mukeza ku kaala ka Nyambi ya Ngula, Nyambi yenu. Mukayitile mukeza wa nkombela ku kaala ka Nyambi ya Ngula, pe mukalyeko nyama.

Ndayano 15:21

Ngoboni ndi kuli shuma shimo shinabipi ha bimuna, ndi waku shunkuta, hinge wakashishitwa, hinge kwikala na muhendo, kaliha munafwanini kumukombelela kuli Nyambi ya Ngula, Nyambi yenu.

Ndayano 17:1

“Hinga mukombelela kuli Nyambi ya Ngula, Nyambi yenu, nkunzi hinge mbelele uya uli na muhendo, ndaba shinengi sha wunyengwe kuli Nyambi ya Ngula.

Bahebelu 7:26

Ndaba nisho shikushingiwa kwikala ku Mukulwane wa Bakankombela Nimwabo wa noho, wa kuyela, wakubula mulandu, wakubula wubi, wakulitapulula na bakawubi, watwaliwile kuyilu ya mayilu.

Bahebelu 9:14

Nohobene, mukeza wa Kilishitu, ou wakubula shihepwa, uya atupwile niye mwine kuli Nyambi kupitila mu Moyo wa mwaya myaka, ukayelesha bihanganiko byetu kubifumisha ku milimo yikutwala ku lufu ngayi mwanga tutende milimo ya Nyambi wakuyoya.