1 Bamyene 3:3 - Libuka Lya Kuyela

³ Sholomoni wahakile Nyambi ya Ngula, kami wakonkele ndayano za tatiyendi Ndavita, ngoboni kami Sholomoni wazihilenga bimuna na kubakombelela ku myanya ya kuzila ya kulemeshela.

1 Bamyene 3:3 Iomraidhean Croise

1 Bamyene 11:34

Ngoboni kukayangula Sholomoni wene nimwawo nifwako, kami nikamwitabilisha kulela litunga aha ashili kuyoya. Eshe nikashitenda ndaba ya mukamulimo wami Ndavita, ou nahatile, kami ou wombatalile mazu wami na ndayano zami.

1 Bamyene 11:38

Ndi ukanyombatala shikuma na kwenda mu zinzila zami na kutenda byakwoloka ha kulama kufundiziza kwami na ndayano zami, ngonehe atendele mukamulimo wami Ndavita, nikekala nobe shikati nimwasho. Nikakwingisha mwene wa Ishalela, kami nikamona ngayi bazukulyobe bakalela litunga lya Ishalela munyima yobe, ngonehe bene natendele kuli Ndavita.

1 Bamyene 11:4

Oho Sholomoni engile kakulukazi, bakazendi bamushanwishile na kulemesha banyambi bashenge. Kaliha wengile wakulunga kuli Nyambi ya Ngula, Nyambi yendi, ngonehe ekalilenga tatiyendi Ndavita.

1 Bamyene 11:6

Mwene Sholomoni wabipishile kuli Nyambi ya Ngula, kami kaliha wengile wakulunga kukwendi ngonehe ekalilenga tatiyendi Ndavita.

1 Bamyene 14:23

Balizikilile myanya yakulemeshela banyambi bowa na kwimika zimpangwa za mamanya na mishubwa ya bifwekesha bya nyambi wa mbuyama Ashela bya kulemeshela hayilu ya binkanda na mu nceto ya mibombola ya mitondo.

1 Bamyene 14:8

Nayangwile wene ku bazukulya Ndavita, pe nawupanine kukwobe. Ngoboni obe kutenda ngonehe mukamulimo wami Ndavita wufwako, ou wengile wakulunga shikuma kukwami, wombatalile ku ndayano zami, kami watendelenga tuhu ebye namutongwezelenga.

1 Bamyene 15:11

Asha watendele ebye byawahilishile Nyambi ya Ngula ngonehe atendelenga nkakayendi Ndavita

1 Bamyene 15:14

Hinge ndi Asha wabulile kulobesha myanya ya kulemeshela banyambi bowa, niye washumine kwinga wakwoloka kuli Nyambi ya Ngula mu kuyoya kwendi nimwako.

1 Bamyene 15:3

Watendele wowo wubi umo atendele tatiyendi pe kaliha wengilenga wakulunga kuli Nyambi ya Ngula, Nyambi yendi, ngonehe eshe ekalilenga tatiyendi Ndavita.

1 Bamyene 15:5

Ndaba Ndavita watendele ebye byawahilishile Nyambi ya Ngula, kami walamine ndayano zendi mu matena nimwawo akuyoya kwendi, ndele tuhu mu shambo sha Uliya wa Kahita.

1 Bamyene 22:43

Wengile ngo tatiyendi Asha ou ashwanine. Watendele byabiwahe ku meho a Nyambi ya Ngula, ngoboni myanya ya kuzila ya kulemeshela banyambi bowa yabulile ku shiwuliwa. Niho bantu bazaminine kukombelela zinkombela na kuhokeshelaho mitondo ya kutwa ya livumba lyaliwahe.

1 Bamyene 22:44

Yehoshafwati kami waliyuvwashaninenga na mwene wamu Ishalela.

1 Bamyene 3:14

Kami ndi ukunyombatala na kulama mazu wami na ndayano zami ngonehe atendele tatiyobe Ndavita, nika kupana wumi wakwihala.”

1 Bamyene 3:6

Sholomoni wakumbwile ngayi, “Wamoneshelenga shishemo shobe hali mukamulimo wobe tate Ndavita, ndaba wengile wamuwahe na kulunga, kami wa kupwisha mu kulilumikila kwendi na nobe. Kami unazamini kumu monesha shishemo shobe sha mwaya myaka ha kumupana mwana wa mulume ou uli na kulela mu mwanya wobe lelo.

1 Bamyene 8:25

Haya Obe Nyambi ya Ngula, Nyambi wa Ishalela, lama bikulupisho biya wakulupishile mukamulimo wobe, Tate Ndavita oho wamutongwezele ngayi, ‘Nikayaka shikati nimwasho ku umo ha bazukulyendi ukashwananga kwinga mwene wakulela Ishalela, ndi bakwombatala shiwahewahe mazu obe ngonehe atendele tate.’

1 Bamyene 8:61

Mwanga enu bantu bendi, mwinge bakulunga kuli Nyambi ya Ngula Nyambi yetu, mwombatale mazu wendi nimwawo na ndayano zendi nimwazo, ngonehe munombatala lelo.”

1 Bamyene 9:4

Pe haya, ndi wukantendelanga milimo na kupwisha na mutima wumo ngonehe eshe atendelenga milimo tatiyobe Ndavita, pe kami ndi ukwombatala mazu wami na kutenda byuma nimwabyo biya na kulaya,

2 Bamyene 12:3

Hinga noho, kaliha balobeshele tuula twa bakakulemesha banyambi bowa, pe bantu bazaminine kukombelela zinkombela na kuhokesha incence.

2 Bamyene 12:4

Yehowashi wehanine bakankombela pe wabatongwezele ngayi twalenu mali awa ba kuyumbanga ku zinkombela mu Litala lya Nyambi ya Ngula na mali awa akuyumba muntu na muntu ha kumulaba na mali akupana muntu kwinga ntupu na kufunga na mitima yabo.

2 Bamyene 14:3

Amaziya watendele ebye byawahilishile Nyambi ya Ngula, kaliha watendele ngonehe nkakayendi Ndavita, ngoboni niye wendele mu zintambo za tatiyendi Yowashi.

2 Bamyene 14:4

Amaziya wabulile kunyemuna tuula twaha binkanda twa kulemeshela banyambi bowa kami bantu bazaminine kukombelela zinkombela na kuyoha incence.

2 Bamyene 15:35

Ngoboni kaliha banyemwine myanya yaha binkanda ya kulemeshela banyambi bowa, pe bantu bazaminine kukombelela zinkombela na kuhokesha incence. Yotamu wazikile Lipangati lya ku ncelele ya Litala lya Nyambi.

2 Bamyene 15:4

Ngoboni kaliha walobeshele myanya yaha binkanda yakulemeshela banyambi bowa, pe bantu bazaminine kukombelela zinkombela na kuhokesha incence.

2 Bamyene 18:22

Ngoboni ndi mukwamba kukwami ngayi, twakinka mutima hali Nyambi ya Ngula Nyambi yetu, Kaliha niye Nyambi, ou mwene yenu. Hezekiya wahandwile na ku shandola myanya yendi ya hayilu na tuula twendi oho atongwezele zinkena za Yunda na Yelushalema kulemesha kunaka kaala ka mamanya.

2 Bamyene 18:4

Washandwele myanya yaha binkanda ya bakakulemesha banyambi bowa, wabunkwele zimpangwa za mamanya na kuketola mishubwa ya bifwekesha bya nyambi wa mbuyama Ashela. Kami wapokwezele liyoka uya abumbile Moshesha wa lubemba, ou atumbile ngayi Nehushitani, ndaba kukuma naku shikati shiyo bantu ba Ishalela bahokeshelenga incence ya kupana lileema kukwalyo.

2 Byambo 15:17

Hinge ndi Asha kaliha wanongeshele myanya yaha tuula twa kulemeshela banyambi bowa ngoboni wekalile kami hinga enga wakulunga kuli Nyambi ya Ngula, mu kuyoya kwendi nimwako.

Nyimbo 145:20

Nyambi ya Ngula ukukinga bantu nimwabo bamuhaka, ngoboni ukalobesha bakuluwa nimwabo.

Nyimbo 31:23

Enu bantu bendi nimwenu ba kuyela, hakenu Nyambi ya Ngula. Nyambi ya Ngula ukulama bantu bakwoloka, ngoboni ukushushula bakuliyemeza kuya ngo ku ntendelo yabo.

Balevi 17:5

Kutontoloka kwa kufundiziza kuno ngayi bantu ba Ishalela bakalehe kukombelelanga bimuna mu wande. Haya bakabaletenga tuhu kuli Nyambi ya Ngula kuli mukankombela ku menginino a Ntanda ya Shikungulukilo na kubakombelela kwinga zinkombela za kulilumikila.

Mateo 22:37

Yeshu wakumbwile ngayi, “Haka Mwene Nyambi yobe na mutima wobe nimwawo na moyo wobe nimwawo na ngana zobe nimwazo.

Yowano 14:15

“Ndi mu ku haka, mukwombatala ndayano zami.

Yowano 14:21

Nimwendi ukutambula ndayano zami nakuzombatala, niye wahaka ami. Tate ukamuhaka na nami nikamuhaka, kami nikaliholola kukwendi.”

Baloma 8:28

Kami tukulimuka ngayi Nyambi, mu byuma nimwabyo ukutendabyo shiwahe kukwabo ba kumuhaka, kukwabo banehaniwi ngo shifungo shendi.

1 Kolinte 8:3

Ngoboni muntu uku haka Nyambi, niye ukulimukiwa na Nyambi.

Ndayano 10:12

“Haya enu Baishalela, Nyambi ya Ngula, Nyambi yenu ukushinga Byumangani kukwenu. Ukushinga ngayi mwanga mwikale na maleema kuli Nyambi ya Ngula na kutenda nimwabyo biya akumilaya. Mu hakenu na kumutendela milimo na mitima yenu nimwayo na myoyo yenu nimwayo.

Ndayano 10:13

Ombatalenu ndayano na kufundiziza kwendi nimwako, eze nili na kumipana lelo ngayi zimiyavwe.

Ndayano 11:13

“Nohobene, ndi mukwombatala mazu awa namipaniki lelo na ku haka Nyambi ya Ngula, Nyambi yenu na kumutendela milimo na mitima yenu nimwayo na myoyo yenu nimwayo,

Ndayano 30:16

Ndi enu mukwombatala mazu a Nyambi ya Ngula, Nyambi yenu, awa nikumipana lelo, ndi mu kumuhaka, ombatalenu na kulama ndayano zendi nimwazo na kukonka mazu wendi nimwawo, niho mukatumpuka na kuvula kwinga litunga lya bantu babengi. Nyambi ya Ngula, Nyambi yenu, ukamifuywela mu litunga liya munakuya mukushinga kutambula.

Ndayano 30:20

Hakenu Nyambi ya Ngula, Nyambi yenu, mwombatalenu kami mwinge bakulunga kukwendi, ngayi enu na bazukulyenu mwikale shikati shashitali mu litunga liya alibezele kupanika bankakazenu, ba Abulahama na Ishaki na Yakobo.”

Ndayano 30:6

Nyambi ya Ngula, Nyambi yenu ukatwala mitima yenu naya bazukulyenu ku mukanda na kumyombatalisha, ngayi mutweshe kumuhaka na mitima yenu nimwayo na myoyo yenu nimwayo, pe mukekala mu litunga liyo, ngayi mwanga mukayoye.

Ndayano 6:5

Haka Nyambi ya Ngula, Nyambi yobe na mutima wobe nimwawo na moyo wobe nimwawo, kami na ngovu zobe nimwazo.

Yakoba 1:12

Wa kutandala muntu ou ukuzumanana mu byezeko, ndaba oho unezekiwi, ukatambula munana wa wumi, ou Nyambi anakulupishi kukwabo ba kumuhaka.

Yakoba 2:5

Yuvwililenu, bawushinda wami ba kuhakiwa! Nka Nyambi unahata bakakushepwa ba litunga lino benge bakakuheta mu kukulupila na bakakukona wene ou a kulupishile kukwabo ba kumuhaka?

1 Shamwele 9:12

Batunkanga bakumbwile ngayi, “Ingoi, nimwali, Mwa shikuma bene, kwali kumbili oku mu kuya. Ndi mu ku nyankupisha mukamuwana, ndaba unakumu lelo mu munzi. Bantu banakuya na kutupula nkombela ha kaala ku mwanya wakulemeshela ha shinkanda.