1 Bamyene 2:3 - Libuka Lya Kuyela

³ Tenda eshe Nyambi ya Ngula, Nyambi yobe anakulaya kutenda. Ombatala mazu wendi na ndayano zendi na kufundiziza kwendi, ngonehe shatikitiwile mu ndayano za Moshesha, pe ngayi byuma nimwabyo ukutenda mwanga bitumpuke nimwako oku ukuya.

1 Bamyene 2:3 Iomraidhean Croise

2 Shamwele 8:14

Wazikile minkungwa ya bakanzita mu litunga nimwalyo lya Endoma, pe bantu ba kuyo bafutukile kwinga bantu bendi. Nyambi ya Ngula wakomeshele Ndavita nimwako kuya ayilenga.

2 Shamwele 8:6

Niho Ndavita azikile minkungwa ya bakanzita mu litunga lyabo, bengile bantu bendi kami batelelenga mutelo kukwendi. Nyambi ya Ngula wakomeshele Ndavita nimwako.

1 Bamyene 3:3

Sholomoni wahakile Nyambi ya Ngula, kami wakonkele ndayano za tatiyendi Ndavita, ngoboni kami Sholomoni wazihilenga bimuna na kubakombelela ku myanya ya kuzila ya kulemeshela.

2 Bamyene 18:7

Nohobene Nyambi ya Ngula wekalile nendi hamo, pe wengile wakutangama mu byuma nimwabyo biya atendelenga. Wafutulukilile mwene wamunene waku Ashiliya, wakanine kulishepesha kukwendi.

1 Byambo 29:19

Panika mwanami Sholomoni mutima nimwawo wakushinga kwombatala ndayano zobe na kufundiziza kwobe na mazu obe na byuma nimwabyo biya walayile na kutenda Litala lyobe, elye nawahishili byuma ebye.”

Nyimbo 119:111

Mazu wobe unengi wuheti wami mwaya myaka. Ee, wunengi wakuwahilisha mutima wami.

Nyimbo 119:138

Kubela kwobe unampana, kwenga kwa kulunga na kwoloka.

Nyimbo 119:2

Bali na mfuywezi bantu ba kulama kubela kwendi, aba ba kumushinga na mitima yabo nimwayo.

Nyimbo 19:7

Mulao wa Nyambi ya Ngula wakulubuluka shiwahe, wapwezululanga moyo wami. Kubela kwa Nyambi ya Ngula kwa kupwisha, kwakeyeshanga bakubula ngana.

Mukakushimikila 12:13

Ebye nimwabyo binayuvwaniki, haya ha kumaninina nikwamba nehe, Yuvwila Nyambi bowa, kami lama ndayano zendi, ndaba ebye nibyo binafwanini ngayi muntu abitende.

Balevi 8:35

Munafwanini kwikala ku menginino a Ntanda ya shikungulukilo mwaana na wushiku matena mutanu na abili. Ngayi mukatendenga ebye Nyambi ya Ngula anamba mwanga mukabule kufwa. Ebye nibyo Nyambi ya Ngula antongwezele.”

Malaki 4:4

“Anukenu ndayano za mukamulimo wami Moshesha, ziya namupanine ku Lipili lya Shinayi ngayi mwanga atongweze Baishalela nimwabo.

Ndayano 29:8

niho twashimbile litunga lyabo na kulitapishila mukati ka mishobo ya Lubena na Ngandi naku shitika sha mushobo wa Manashe.

Ndayano 29:9

Ombatalenu na kulama mazu nimwawo a kulimama okwe ngayi mwanga mutangame mu byuma nimwabyo mu kutenda.

Ndayano 4:1

Niho Moshesha ambile ku bantu ngayi, “Ombatalenu mazu a Nyambi nimwawo awa nili na kumi longesha pe mukayoya, kami mukatambula litunga elye ali na kumipana Nyambi ya Ngula, Nyambi wa bankakazenu Baishalela.

Ndayano 4:45

Owe niwo wupaki na ndayano na kufundiziza kuya Moshesha ambile ku bana ba Ishalela, oho bafuminenga ku Engepita,

Ndayano 4:5

“Monenu namilongeshele ndayano na kufundiziza kwa Nyambi nimwako, ngonehe Nyambi ya Ngula, Nyambi yami antongwezele ngayi nitende. Ombatalenuzo mu litunga liya mukuya na kutambula.

Ndayano 4:8

Litunga ngani lilikolyalinene lili na ndayano na kufundiziza kwa kupwisha ngonehe mulao ou namilongeshe lelo?

Ndayano 5:1

Moshesha wehanine bantu ba Ishalela nimwabo hamo, niho ambile kukwabo ngayi, “Enu bantu ba Ishalela, yuvwililenu ndayano na kufundiziza nimwako oku nili na kumitongweza lelo. Lilongeshenuko mu kuzombatala shiwahe.

Yoshuwa 22:5

Monenu ngayi mukalama ndayano ziya amipanikile Moshesha mukamulimo wa Nyambi ya Ngula. Kami hakenu Nyambi ya Ngula, Nyambi yenu, pe tendenu shifungo shendi na kwombatala kufundiziza kwendi, pe yingenu bakulunga kukwendi na kumutendela milimo na mitima nimwayo na myoyo yenu nimwayo.”

Yoshuwa 23:6

Nohobene shumenu na kwombatala na kutenda byuma nimwabyo biya byatikitiwa mu libuka lya Ndayano za Moshesha. Hinga mu zishiya na kupenzesha ku liboko lya shilyo hinge lya shimoho.

1 Shamwele 18:14

Ndavita kami watweshelenga mu byuma nimwabyo atendelenga, ndaba Nyambi ya Ngula wekalile nendi.

1 Shamwele 18:30

Bakanzita ba Bafwilishitina bezilenga na kulwa, ngoboni mu nzita nimwayo Ndavita wabatweshele shikuma kupitakana babilolo bamina ba Shaulu. Pe Ndavita wayile mpupo shikuma.

1 Shamwele 18:5

Ndavita wengile muntu wakutwesha kwenda mu zinyendo nimwazo eze amutuminenga Shaulu, pe Shaulu wamwingile shilolo wa bakanzita yendi. Eshe shawahilishile bantu ba Shaulu na babilolo bendi nimwabo.