Likarkar rabte Bulus yǝ nyorsǝ Timotawus wa 4:1 - Lala NT

¹ Nǝn nkee ngǝ mbu ɓa a wiiyo a Kaa ni ma Krisiti Yeso, yaa kiya kan kiita ɓaa ma huurtu ɓa, ma ɓaa ɓǝ woɗsǝ ɓa, ɗǝm kiya wo yǝ tom kuɓsutu usu, nǝn nkee ngǝ me,

Likarkar rabte Bulus yǝ nyorsǝ Timotawus wa 4:1 Iomraidhean Croise

Matta 16:27

Me Au Ete ya, kiya wo a kwangto Pap ɓisi wa, ma ɓantimira ɓisa, pa kiya pu hanan yamni ma nsaa a mbu yǝ tomsǝ ɓa.

Luka 19:12

Yaa nkee me, “Eɗ ke ndǝ nkaama kuɓsa ma, yǝ faɗ a urko mǝbmǝb me ɓaa ko a ti a kuɓsutu, pa yǝ kanga.

Luka 19:15

“Nɗiira ɓaa tisǝ yǝ tom kuɓu wa paya kang ɗuuru. Pa ya timi a yar hota ɓǝsa ɓa yǝ na ɓǝsǝ koɓa sǝɓa, me yǝ maa mbu ɓǝ tasǝ ɓoti a mbu yǝ naɓǝsǝ ɓa.

Luka 23:42

Pa yaa nkee me, “Yeso a ɗimma niina me ngǝ woon a kuɓsutu nwaangon.”

Ayyukan 10:42

Kaa yǝ nkee tǝ me tǝ nkee ɓeta me ɓongtǝra ǝn sase u yǝ tausǝ wa me yǝn an kankiita ɓaa ɓǝsǝ ma huurtu ɓa ma ɓaa ɓǝ wodsǝ ɓa.

Ayyukan 17:31

Yǝ tii kaa kiya kankiita u ɓongtǝra wa a put ntaandi wan, ma lau Yeso u yǝ tausǝ wa. Kaa yǝ weɗa mbu sǝsa ɓeta ma lau nik eɗ sǝsǝ a wodɗa wa.”

Likarkar ntiiri Bulus yǝ nyorsǝ Timotawus wa 5:21

Nǝn nkee ngǝ a wiiyo a Kaa ni, ma Krisiti Yeso, ma ɓantimira Kaa u yǝ taausǝ ya, a ma mara ra, semma waando ɗuura wara, ɗǝm ngǝ tom mbuka u kaa weɗa waando ɗuura atike wara.

Likarkar rabte Bulus yǝ nyorsǝ Timotawus wa 1:10

pa waso ɓaa weɗan a talte ma lau wo an kon nkweera yaande, Krisiti Yeso, yaa yǝ muɗkǝsǝ woɗɗa yaa wo ma huurtu ya. Ɗǝm ma lau Mara Kwalari ra yǝ weɗa ndǝ kaɗo u feɗ ɗa ra wa, a talte.

Likarkar rabte Bulus yǝ nyorsǝ Timotawus wa 2:14

Əɓǝ tomma ɗimo a mbu ɓa. Əɓǝ wiin ngwee a wii Kaa wa. Ɓǝ lee kidsa a mara a sem kwalari ra ɓa. Me yǝn tǝblǝ ɓaa ɓǝn kurasǝ mbusǝsa ɓa.

Likarkar rabte Bulus yǝ nyorsǝ Timotawus wa 4:18

Ankundi yaande ki yǝ nǝ hik a mbu tentena ɓa nsaad, ɗǝm kiyǝ nǝ wo a kuɓsutu usu a liura kwakwa. Ɗǝnda Kaa ra a too pakarese. A kaɗ maaso.

Likarkar rabte Bulus yǝ nyorsǝ Timotawus wa 4:8

Waso, nwaano ɓan war nǝn wara ma kukǝra kaɗo keke a wiiyo a Kaa ni wa. U Ankundi yaande, an kan kiita ya ya, kiyǝ nǝ na a kaa feɗefeɗe ɓa, sem niina fin mana ra, pa ma nsaad ɓaa ɓǝn warsǝ wo usu ɓa.