Mark 10:2 - Lakota Portions

² Pharisees eya Jesus el hipi na gnaye waċiƞpi, “Wooṗe uƞkiṫawapi ki hel wiċaṡa waƞji wiiḣpeya okihi ki unkokiyakapo.”

Mark 10:2 Iomraidhean Croise

Mark 10:1

Hehaƞl Jesus Judea makoce etkiya iyaye, na Jordan wakpa el k̇owakataƞhaƞ wicoṫa ki ake atayapi ċa waunspewiċakiye.

Mark 10:3

Jesus wowiyuƞġe waƞ wiċakʹu, “Moses wiiḣpeyapi eciyataƞhaƞ tokel wooṗe ki eya hwo?”

Mark 8:11

Pharisees ki hunḣ Jesus el ipi na ahoiyeyapi na oyuspapi ċinpi, ċa wiċoḣ'aƞ ṫaƞka waƞji waƞyaƞkapi ċinpi, heċel Wakaƞtaƞka yuonihanpi kte.

Mark 8:15

"Taƞyan uƞpi na iwaktaya uƞpi le Pharisees ena Herod yuḣeyab aniyaƞpi ktelo. Takuwaƞ aguyapi iyuṡiċe ki he iyeċec̄api," Jesus leye.

Luke 11:39

Ċa leċel Jesus hekiye, “Pharisee hena taku iyuha waktaya waeċanupi, taku uƞ woyute kiċaƞyakiyapi hena taƞyelaḣc̄i glujaja yeċuwapi, eyaṡ ċaƞte mahel niṡapapelo,

Luke 16:14

Pharisees hena lila mazaska ec̄ela waṡtelakapi. Ċa ake Jesus waeye ki he naḣʹuƞpi na iḣaḣa waekiyapi.

Luke 5:30

Pharisees ki e na Moses-ṫawooṗe-awaƞyaƞkapi waƞ hena Jesus ihakab-uƞpi ki iwiċayuƞġapi, “Takuwe lena ob wayatapi hwo? Waḣpa-wokaiju-pahipi na waḣtanipi sʹa heċapelo,” eyapi.

Luke 6:7

Pharisee eya e na Moses-ṫawooṗe-awaƞyaƞkapi eya Jesus k̇aƞyela awaƞyaƞgkuwapi. Wiċaṡa ki le asniyiƞ kta waktapi. Leċuƞ ki taku uƞ ogluṡilkiyiƞ kte atuƞwaƞpi.

Luke 7:30

Eyaṡ Pharisees na wooṗe awaƞyaƞkapi waƞ hena e Wak̇aƞṫaƞka ṫogya waċiƞkiyuzapi na John mniawiċakaṡtaƞ kte ki he ċiƞpi ṡni.