Mark 1:25 - Lakota Portions

²⁵ Ho ċa, Jesus wak̇aƞ-ṡic̄a ki leċel eċuƞṡi, “Inila yaƞka yo, na wiċaṡa ki le etaƞhaƞ glinaṗa yo,” ekiye.

Mark 1:25 Iomraidhean Croise

Mark 1:24

na Jesus hekiye, “Takuwe paġeuƞyayapi hwo? Lel yau na ihaƞguƞyayapi kta yaċiƞ hwo? Nituwe ki slolwayelo, Wak̇aƞṫaƞka ṫawaayaṫaƞiƞ wak̇aƞ kʹuƞ he le niye yelo.”

Mark 1:26

Ċa wak̇aƞ ṡic̄a ki ehake wiċaṡa ki ic̄atʹa yuċaƞċaƞ, na hehaƞl glinaṗe.

Mark 1:34

Ho, hel Jesus tona kujapi ki hena asniwiċaye, huƞḣ ṫaƞmahel wak̇aƞ ṡic̄a uƞpi ċa hena k̇o asniwiċaye. Jesus le tuwe ki slolyapi ċa wak̇aƞ ṡic̄a ki lena taku eyapi kte ki Jesus iyowiƞwiċakiye ṡni.

Mark 9:25

Oyate ki lila el au ċa Jesus slolye, ċa waƞċak wak̇aƞ-ṡica ki wokiyake. “Wak̇aƞ-ṡica nuniḣcaƞ hwo?, takuni slolyaye ṡni, ċa hokṡila ki le etaƞ glinaṗa yo. Na icinupani hektakiya ake mahel iyaye ṡni yo,” ekiye.

Luke 4:35

Jesus wak̇aƞ-ṡic̄a ki lekiyiƞ na yainila, “Inila yaƞkiƞ na wiċaṡa ki le ayuṡtaƞ yo!” ekiye. Yuƞk̇aƞ wak̇aƞ-ṡic̄a ki wiċaṡa ki le makikc̄eya iḣpeyiƞ na uƞṫuƞye ṡni wiċaṡa ki le etaƞhaƞ kinaṗe.

Luke 4:41

Oyate ota wak̇aƞ-ṡic̄a ki kaṡkawiċayuze waƞ hena nakuƞ asniwiċaye. “Wak̇aƞṫaƞka-Ċiƞhiƞtku niye yelo!” eya wak̇aƞ-ṡic̄a ki hoṫaƞgya wiċaṡa etaƞhaƞ ahinaṗe. Messiah e ki slolyapi ċa yainila-iḣpewiċaye.