Luke 8:39 - Lakota Portions

³⁹ “Yati ekta gla yo. Na taku Wak̇aƞṫaƞka eċanic̄iċuƞ ki he tuwe ki iyuha owiċakiyaka yo,” eye. Wiċaṡa ki le oṫuƞwahe ohaƞ taku Jesus ekic̄iċuƞ he oglag omani.

Luke 8:39 Iomraidhean Croise

Mark 1:45

Eyaṡ wiċaṡa ki le ataya yaoṫaƞiƞ omani. Ċa Jesus paokiyuṫapi sʹa heuƞ oṫuƞwahe hel ṫaƞiƞicʹiya okihi ṡni na ehaṡ manilopiicʹiye. Okṡaƞtaƞhaƞ oyate ki el ahi yelo.

Mark 5:18

Ċaƞke Jesus wata ki ekta mahel k̇iyotake. Hehaƞl wiċaṡa waƞ wak̇aƞ ṡic̄a yuha tk̇a kʹuƞ he Jesus okiyakiƞ na iƞṡ-eya ya ċiƞ keye.

Mark 5:19

Eyaṡ Jesus wic̄ala ṡni. Eye hekiye, “Tiyata gni na tiwahe niṫawa ki owiċakiyaka yo. Iṫaċaƞ ki tokel eċaniċiuƞ na tokel niċiyuwaṡte ki owiċakiyaka yo.”

Luke 8:38

Yuƞk̇aƞ wiċaṡa waƞ apiye ki he kiċi gla okihi ki iyuƞġe. Eyaṡ Jesus hektakiya gle ṡi na hekiye,

Luke 8:40

Jesus ble opta uƞma eċiyataƞhaƞ glihuƞni yuƞk̇aƞ oyate ki iyokipiya atayapi.

1 Timothy 5:8

Tuwe titakuye ewiċakiktuƞjapi iyeċel el ewiċatuƞwaƞpi ṡni ki hena, wowiċala ki agluṡtaƞpi. Na etaƞ wowiċala yuhapi ṡni kʹuƞ hena isamya Wak̇anṫaƞka wicalapi ṡni.