Luke 7:7 - Lakota Portions

⁷ Na el ċiu kte ki he nakuƞ imakipi ṡni yelo. Woiye uƞ apiyaye oyakihi ki he slolwaye ċa wowaṡi miṫawa ki le woyazaƞ etaƞhaƞ apiyayo.

Luke 7:7 Iomraidhean Croise

Mark 1:27

Oyate ki lila inihaƞpi, na lila iwoglakapi, na heyapi, “Le taku hwo? Le wouƞspe ṫokc̄a ki heċa hwo? Wiċaṡa ki le wowaṡʹake yuha ċa wak̇aƞ ṡic̄a ki taku eċuƞṡi yuƞk̇aƞ eċel eċuƞ.”

Luke 4:36

Oyate ki owasʹiƞ inihaƞpi na hekiċiyapi, “Le taku wowak̇aƞ ċa uƞ hwo? Waṡʹagya waeye ki le wak̇aƞ-ṡic̄a ki okaḣniġapi na wiċaṡa etaƞhaƞ naṗapelo!” eyapi.

Luke 5:13

Yuƞk̇aƞ Jesus leċel ayupte, “Ohaƞ. Leċetu ktelo,” eye. Na ṫaċaƞ ki epaṫaƞ yuƞk̇aƞ waƞc̄agnaya akisni.

Luke 7:6

Ċa Jesus ob iyaye. Ti kiyela ihuƞnipi yuƞk̇aƞ akiċita oiṫaċaƞ waƞ he ṫak̇olaku eya wahoṡi iyayewiċaye. Na leċeḣc̄i Jesus okiyake wiċaṡi, “Ohoċila yelo. Wati el yau kte ki he imakipi ṡni yelo.

Luke 7:8

Miṡ-eya akiċita oiṫaċaƞ misamya eya iyoḣlateya wowaṡi eċamu welo. Na miyoḣlateya nakuƞ etaƞ wowaṡi eċuƞpelo. ‘Iyayapo!’ eṗa haƞtaƞṡ eċel eċuƞpelo. Na ake ‘Upo!’ eṗa haƞtaƞṡ eċel eċuƞpelo. Taku wowaṡi miṫawa ki he eċuƞ waṡi haƞtaƞṡ eċuƞ welo.”