Luke 7:39 - Lakota Portions

³⁹ Pharisee ki le waƞyaƞke na iṡnaiyukc̄aƞ, “Le wiċaṡa ki wokc̄aƞ wiċaṡa heċaḣc̄a haƞtaƞṡ, le taku wiƞyaƞ ċa epaṫaƞ ki slolyiƞ kta tk̇a yelo,” eċiƞ.

Luke 7:39 Iomraidhean Croise

Mark 7:21

Ṫaċaƞ ki mahel, ċantepi ki etaƞhaƞ ċa wowiyuk̇caƞ ṡikṡic̄e ki hinaṗe, na heuƞ tiwiċaktepi, naiƞṡ wamanupi,

Luke 12:17

Owoju taƞyaƞ waiċaġe ki he waƞglakiƞ na iṡnala eyaṡ heye, ‘Tokeṡke eċamu kta hwo? Lila waota waiċaḣwaye na tuktel amni kta ṫaƞiƞ ṡni,’ eye.

Luke 15:2

Ċaƞke Moses-ṫawooṗe-awaƞyaƞkapi ki e na Pharisees waƞ hena iyokipipi ṡni na heyapi, “Wiċaṡa ki le waḣtanipi sʹa ob wotelo.”

Luke 16:3

Wowaṡi oiṫaċaƞ ki aicʹibleziƞ na leċiƞ, ‘Wana iṫaċaƞḣc̄a ki wowaṡi etaƞhaƞ amayuṡtaƞ kta ċa taku eċamu kta hwo? Mak̇a owakʹa owakihi ṡni na taku wala kte ki he imaṡtec̄e.

Luke 18:4

Owatohaƞ, wayasu-wiċaṡa ki wic̄ala ṡni eyaṡ haƞkeya leċel aicʹibleze, ‘Wak̇aƞṫaƞka wic̄awala ṡni naiƞṡ oyate ki uƞṡiwiċawala ṡni,

Luke 3:8

Wowaḣtani hetaƞhaƞ nigluḣlayapi ki aiyeċel igluhapo uƞpo. Abraham ṫuƞkaṡilauƞyapi, keyapi ṡni yo. Oċic̄iyakapi ktelo, Wak̇aƞṫaƞka ċiƞ haƞtaƞṡ iḣʹe ki lena e kʹeyaṡ Abraham ṫawiċoiċaġe wiċakaġa okihi yelo!

Luke 7:16

Tuwe ki iyuha iyuṡʹiƞyayapi na Wak̇aƞṫaƞka yataƞpi na heyapi, “Wiċaṡa-wak̇aƞ-waayaṫaƞiƞ eya oteḣikapi kʹuƞ waƞji uƞkʹuƞpi oṗaya uƞ welo! Wak̇aƞṫaƞka ṫaoyate el wiċahi yelo,” eyapi.

Luke 7:37

Oṫuƞwahe ki he el nakuƞ witkowiƞ waƞ uƞ, Jesus oṫuƞwahe el hi ki onaḣʹuƞ na mniwaṡtemna oteḣika waƞ gluha hi.

Luke 7:38

Jesus yaƞke ki el ilazataƞhaƞ ċeya najiƞ. Ċeyiƞ na iṡtamniyaƞpi ki uƞ Jesus si kic̄iyujaja na ṗehiƞ ṫawa ki uƞ kic̄ipakiƞte. Wiƞyaƞ ki le Jesus si ki ipuṫake na mniwaṡtemna uƞ si akic̄aṡtaƞ.

Luke 7:40

Jesus Pharisee ki hekiye, “Simon, takuƞl oċic̄iyaka waċiƞ yelo,” eye. “Haƞ, Wauƞspekiya, taku hwo?” Simon eye.