Luke 7:34 - Lakota Portions

³⁴ Wiċaṡa-Ċiƞkṡitku ki hi. Wotiƞ na wayatke, yuƞk̇aƞ hehapi, ‘Wiċaṡa ki le waƞyaƞkapo! Wota ċaƞ ipi isamicʹiyiƞ na wayatkaƞ isamicʹiye. Waḣpa wokaiju awaƞyaƞkapi na waḣtanipi sʹa hena ob ok̇olakiċiyelo.’

Luke 7:34 Iomraidhean Croise

Luke 11:37

Yuƞk̇aƞ Jesus woglake igluṡtaƞ hehaƞl Pharisee waƞ wotiƞ kta kiċo. Ti ekta Jesus kiċi wotiƞ kte iyotake.

Luke 14:1

Aƞpetu wak̇aƞ waƞ el, Jesus wiċaṡa iṫaċaƞ waƞ Pharisee heċa, he ti el wotiƞ kta iyotake, yuƞk̇aƞ tuwe iyuha lila taƞyaƞ awaƞyaƞgkuwapi.

Luke 15:2

Ċaƞke Moses-ṫawooṗe-awaƞyaƞkapi ki e na Pharisees waƞ hena iyokipipi ṡni na heyapi, “Wiċaṡa ki le waḣtanipi sʹa ob wotelo.”

Luke 19:7

Tuwe ki iyuha le waeċuƞ ki waƞyaƞkapi na iyokipipi ṡni, “Wiċaṡa waƞ Jesus kiċi wotiƞ kte ki le waḣtani sʹa heċa yelo,” eyapi.

Luke 5:29

Levi Jesus yuonihaƞya oyate ki wowiċakʹu. Ti el oyate wiċakiċo hena ohaƞ waḣpa-wokaiju-pahipi na waḣtanipi sʹa k̇o oṗapi.

Luke 7:33

John Mniawiċakaṡtaƞ hi, wak̇aƞya akiḣʹaƞicʹiye na mniṡa yatke ṡni, yuƞk̇aƞ heyakiyapi, ‘John wak̇aƞ-ṡic̄a waƞ kaṡkayuzelo!’ ehapi.

Luke 7:35

Wak̇aƞṫaƞka taku eya ksabya waeye ki hena oyate ki eċel eċuƞpi haƞtaƞṡ taƞyaƞ uƞpi ktelo,” eye.

Luke 7:36

Pharisee wiċaṡa waƞ Jesus kiċi wotiƞ kta ċiƞ ċa Jesus Pharisee ti ekta i na wotiƞ kta iyotake.