Luke 6:8 - Lakota Portions

⁸ Jesus, wiċaṡa ki lena tokel wiyukc̄aƞpi ki awiċableze ċa wiċaṡa ki le wiċiṫokab inajiƞ ṡi heċel tuwe ki iyuha waƞyaƞkab okihipi kte.

Luke 6:8 Iomraidhean Croise

Mark 3:3

Jesus leye, “Wiċaṡa, leċi wiċiṫokab inajiƞ yo.”

Luke 13:12

Jesus wiƞyaƞ ki le kiċo na hekiye, “Waniyazaƞke ki etaƞhaƞ wana anic̄isni yelo!” eye.

Luke 5:22

Jesus lena ipayeḣya wiyukc̄aƞpi ki awiċableze na heye, “Takuwe heċel wilukc̄aƞpi hwo?

Luke 6:9

Hehaƞl Jesus iwiċayuƞġe, “Aƞpetu Wak̇aƞ eċuƞhaƞ takuƞl waṡte ċa eċuƞkʹuƞpi kta hwo? Naiƞṡ taku ṡic̄a ċa eċuƞkʹuƞpi kta hwo? Tuwa wiċoni ṫawa ki niwiċauƞkiyapi naiƞṡ wiċauƞkipi kta hwo?” eye.

Philippians 1:28

Tohaƞl ṫoka niyawapi ki hena itohewiċayayapi ċaƞna ċaƞte tʹiƞzapo. Wobliheċa niṫawa ki he waƞyaƞkapi na wiċayutakunipi kte ṡni ki he akiblezapi kte, na tokel naniċ'iṡpe ki he waƞlakiƞ kte.Wak̇aƞṫaƞka taku ki lena iyuha iċuƞ kte,

1 Peter 4:1

Christ mak̇a akaƞl kakiṡyauƞ. Heuƞ niṡʹeya iyeċel nikakijiƞ kta wayakta kte, iċiƞ taku heċetu ṡni etaƞhaƞ nigluḣlaye na heuƞ teḣi waƞ lake ki he aṫaƞiƞ kte.