Luke 4:18 - Lakota Portions

¹⁸ Woniya-Wak̇aƞ ki el mahi, Ċiƞ uƞṡike ki woṫaƞiƞ-waṡte ki he wiċawakau kta ċa Iṫaċaƞ ki maglaḣniġe. Nakuƞ kaṡka uƞpi waƞ hena okablaya uƞpi kta ċa he wahoṡiya hiyumaye. Na iṡtaġuƞġapi waƞ hena waƞyaƞgwiċawakiyiƞ kte. Na kakijapi waƞ hena asniwiċawakiyiƞ ktelo.

Luke 4:18 Iomraidhean Croise

Luke 4:17

hehaƞl Isaiah, wiċaṡa-wak̇aƞ-waayaṫaƞiƞ ki, ṫawowapi waƞ kʹupi. He iwaƞyaƞkiƞ na etaƞhaƞ leċel yawa:

Luke 6:20

Jesus ihakab-uƞpi waƞ hena awiċagluta na hewiċakiye, “Uƞniṡikapi ki hena ċaƞteniwaṡtepi kte. “Wak̇aƞṫaƞka ṫawokiċuƞze ki he niṫawapi kte.

Luke 7:22

John ṫawahoṡipi waƞ hena owiċakiyake, “Glapi na taku waƞlakapi na nayaḣʹuƞpi hena John okiyakapo. Iṡtaġuƞġapi ki hena wana waƞyaƞkapi okihipi na mani okihipi ṡni waƞ hena mani okihipi, etaƞhaƞ ḣaƞḣaƞpi-woyazaƞ-ṡic̄a waƞ hetaƞhaƞ woasni ic̄upelo. Nuḣċaƞpi ki naḣʹuƞ okihipi na wiċuƞtʹe etaƞhaƞ k̇o wiċayukinipelo, uƞṡikapi ki woṫaƞiƞ-waṡte naḣʹuƞpelo.

James 2:5

Mitakuyepi, nuƞġe yuwaƞkal ikikc̄upi na anaġoptaƞpo. Wak̇aƞṫaƞka oyate eya uƞṡikapi ki hena wiċakḣniġe, eċiƞ hena ṫawowiċalapi ki waṡʹake ki heuƞ. [Uƞṡikapi ki ṫawowiċalapi ki waṡʹakapi uƞ Wak̇aƞṫaƞka wiċakaḣniġe.]

1 Peter 2:9

Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,