Luke 3:11 - Lakota Portions

¹¹ Leċel awiċayupte, “Tuwa ogle num yuha haƞtaƞṡ wiċaṡa waƞji ogle nic̄e he ogle uƞma ki yuhakiyiƞ kte, na tuwa woyute yuha haƞtaƞṡ oyate ki wiċakikpamni ktelo,” eye.

Luke 3:11 Iomraidhean Croise

Luke 11:41

Niṫawaċiƞpi ki eċa yagluwaṡtepi haƞtaƞṡ niṫoḣʹaƞpi ki nakuƞ waṡte ktelo.

Luke 18:22

Jesus le naḣʹuƞ hehaƞ heye, “Taku waƞ ehake eċanu ktelo. Waluha ki hena iyuha wiyoṗekiya yo. Na iyayiƞ na mazaska ki uƞṡike ki wiċakʹu wo. Hel ogna Wak̇aƞṫaƞka ṫawokiċuƞze ekta wijic̄a yauƞ ktelo. Na hehaƞl hiyu na mihakab uƞ wo,” eye.

Luke 19:8

Iyohakab Zacchaeus inajiƞ na heye, “Iṫaċaƞ, taku bluha ki okise uƞṡike ki wiċawakʹu kte na taku ḣmiya oyate ki wiċawaki hena topakigleya hektakiya wiċaweċu ktelo,” eye.

Ephesians 4:28

Wamayanuƞ sʹa tk̇'a eyaṡ hehaƞyaƞ wamanu ṡni yo. Owoṫaƞla uƞ na temniya wowaṡi eċanuƞ kte, heċel oyate eya taku iyuċaƞpi kʹuƞ hena takuƞl wiċayakʹu oyakihi kte.

1 Timothy 6:17

Mak̇a wowijiċa ki oyate eya el uƞpi ki hena iwaktawiċayayo, mak̇a akaƞl wijiliċ'iyapi na itaƞpi ki hena taku iyuha tok̇aṡniyaƞ gnuƞnipi okihipi. Wak̇aƞṫaƞka wiċalawiċaṡiyo, wowijiċe ki hena ṫawa na taku uƞkikaġipi ki hena uƞkʹupi kte heċel wiċoni le el iyuṡkiƞya uƞkʹuƞpi kte.

1 Timothy 6:18

Taku waṡte eċuƞpiċa ki hena ecuƞ wiċayaṡi kte, na uƞṡikapi ki hena owiċakiyapi kte. Wijiċapi ki hena ċaƞtewaṡteya ṫawoyuhapi ki hena yunayekiyapi kte.

James 1:27

Tuwa Ate Wak̇aƞṫaƞka iyokipiya ċiƞ haƞtaƞnaṡ wak̇aƞyaƞ igluha kte. Na wableniċa na wiwaziċa ki hena owiċakiyiƞ kte na mak̇a wiċoni el wowiyutaƞ ki hetaƞhaƞ ḣayab igluziƞ kte.]

James 2:14

Mitakuyepi, wowiċala luhapi ehapi kʹeyaṡ tokel wowiċala ki he taku waṡte eya aik̇oyake ki he, aiyeċel nigluhapi ṡni haƞtaƞnaṡ takuƞni iniwaṡtepi kte ṡni. Na leċel wiċalapi ki he niwiċaya okihi hwo?