26 Mak̇a akaƞ takuku ṡikṡic̄a u ċa hena Oyate ki iṫaƞsagtʹapi heuƞ huƞḣ sniyela-tʹapi ktelo. Wak̇aƞṫaƞka maḣpiya ki e kʹeyaṡ nahuƞhuƞskiyiƞ ktelo.
Wiċaḣpi ki hena hiƞḣpayiƞ kte, na maḣpiya ki etaƞhaƞ taku okawiƞġe ki hena ipaweḣ iyayiƞ kte.
Jesus ake heye, “Taku lila oteḣika ċa wi na haƞwi na wiċaḣpi ekta oṫaƞiƞ ktelo. Mak̇asitomniya, oyate ki k̇oṗeglapi na ikaġipi kte na oicʹuƞnic̄api kte. Mniowaƞc̄a ki takuni naḣʹuƞ pic̄aṡniya ḣmuya hiƞ ktelo.
Na hehaƞl, Wiċaṡa-Ċiƞkṡitku ki miyeċa maḣpiya ohaƞ iyojaƞjaƞya wau ktelo. Na wowaṡʹake miṫawa ki waƞlakapi ktelo.