Luke 21:25 - Lakota Portions

²⁵ Jesus ake heye, “Taku lila oteḣika ċa wi na haƞwi na wiċaḣpi ekta oṫaƞiƞ ktelo. Mak̇asitomniya, oyate ki k̇oṗeglapi na ikaġipi kte na oicʹuƞnic̄api kte. Mniowaƞc̄a ki takuni naḣʹuƞ pic̄aṡniya ḣmuya hiƞ ktelo.

Luke 21:25 Iomraidhean Croise

Mark 13:24

“Oteḣike ki lena ohakab aƞpetu tona ki ataeyaṡ wi ki aṫaƞiƞ kte ṡni, na haƞhepi wi ki hehaƞyaƞ iyoyaƞpa kte ṡni.

Mark 13:26

Ho na hehaƞl Ċiƞhiƞtku ki aṫaƞiƞicʹiyiƞ kte, maḣpiyataƞhaƞ ṫawowaṡʹake ki, na wowitaƞ gluha u kte.

Mark 15:33

Wiċokaƞhiyaye ki walehaƞya mak̇a ki ataya oiyokpaze, na he owaṗe yamni waheċelya heċeċa.

Luke 21:24

Ṫoka oyate ki hena Jew oyate ota wiċaktepi na ota iƞṡ mak̇a ṫehaƞ wayaka awiċakiyaglapi ktelo. Oyate eya Jerusalem oṫuƞwahe na Israel Mak̇oċe el uƞpi ki, lila ṫehaƞ teḣiya uƞwiċakiyapi ktelo, tohaƞyaƞ Wak̇aƞṫaƞka Jew oyatepi ṡni ki iyowiƞwiċakiya haƞtaƞṡ.

Luke 21:26

Mak̇a akaƞ takuku ṡikṡic̄a u ċa hena Oyate ki iṫaƞsagtʹapi heuƞ huƞḣ sniyela-tʹapi ktelo. Wak̇aƞṫaƞka maḣpiya ki e kʹeyaṡ nahuƞhuƞskiyiƞ ktelo.