Luke 20:14 - Lakota Portions

¹⁴ Waƞyaƞkapi hehaƞ, tokeṡke hehaƞl eċuƞpi kte ki iwoglakapi, ‘Le ċaƞwiyapehe owoju ki ṫokata owaja kta ċa waƞċeyaṡ uƞktepi haƞtaƞṡ uƞkiṫawapi ktelo,’ eyapi.

Luke 20:14 Iomraidhean Croise

Luke 19:47

Aƞpetu iyohila Jesus Tipi-Wak̇aƞ lel wauƞspewiċakiye. Yuƞk̇aƞ, waċekiye-wiċaṡa-oiṫaċaƞpi ki na Moses-ṫawooṗe-awaƞyaƞkapi ki hena Jesus ktepi kte ċiƞpi.

Luke 20:13

Tokeṡke eċuƞ kte ki taƞyaƞ iglukc̄aƞ, ‘Miċiƞkṡi yewakiyiƞ kte. Teweḣila ċa ogna anaġoptaƞpi kte sec̄e,’ eċiƞ.

Luke 20:15

Ċa owoju etaƞhaƞ iṡiƞkċiƞ eyayapi na ktepi.” Jesus leċel oyate ki owiċakiyake. Na hehaƞl iwiċayuƞġe, “Owoju ṫawa ki wiċaṡa lena tokeṡke owiċakuwa kta hwo?” eye.

Luke 20:19

Waċekiye-wiċaṡa-oiṫaċaƞpi na Moses-ṫawooṗe-awaƞyaƞkapi waƞ lena waƞc̄agna Jesus oyuspewiċakiya ċiƞpi, ċiƞ woyake ki le iye ċa iwowiċaglake ki akiblezapi. Ho eyaṡ oyate ki k̇owiċakiṗapi heuƞ waƞc̄agna oyuspe waċiƞpi ṡni.

Luke 20:5

Le okiċijijipi na heyapi, “Wak̇aƞṫaƞka eċa wowaṡʹake kʹu uƞkeyapi haƞtaƞṡ hehaƞl leċel uƞkiyuƞġapi ktelo. Ċa takuwe John waeye ki wic̄ayalapi ṡni hwo?” eyapi.

Luke 22:2

Waċekiye-wiċaṡa-oiṫaċaƞpi na wooṗe-awaƞyaƞkapi ki hena tuktognayaƞ anaḣmala Jesus ktewiċakiyapi kta awaċiƞpi. Owiċota ohaƞ oyuspapi haƞtaƞṡ oyate ki waƞwiċayaƞkapi kta ik̇okiṗapi.