Luke 2:10 - Lakota Portions

¹⁰ eyaṡ ogligle ki hewiċakiye, “Wak̇okiṗapi ṡni yo, taku waṡte oċic̄iyakapi kta wahi ki le oyate ki lila iyuṡkiƞpi kte.

Luke 2:10 Iomraidhean Croise

Mark 1:15

Jesus hewiċakiye, “Le hehaƞtu kta ṡke kʹuƞ he wana iyehaƞtu welo,” eye, “na Wak̇aƞṫaƞka ṫawokiċuƞze ki wana kiyela yelo. Wowaḣtani etaƞhaƞ igluḣlayapo, na woṫaƞiƞ waṡte ki wic̄alapo!” ewiċakiye.

Mark 16:15

Hewiċakiye, “Mak̇a ki le ataya iyayapi na tuktel wiċaṡa uƞpi ki hena Wak̇aƞṫaƞka ṫawoksape wak̇aƞ ki lena uƞspewiċakiyapo.

Luke 1:13

Eyaṡ ogligle ki hekiye, “Zechariah, k̇omakiṗe ṡni yo! Wak̇aƞṫaƞka woċekiye nanic̄iḣʹuƞ welo. Na niṫawic̄u ki hokṡila waƞ yuha kta ċa John eya ċajeyatapo.

Luke 1:19

Ogligle ki ayupte, “Le Gabriel miye yelo. Wak̇aƞṫaƞka wahoṡi hiyumaye, woṫaƞiƞ waṡte ki le oyag maṡi.

Luke 1:30

Ogligle ki hekiye, “Mary, wak̇okiṗe ṡni yo, Wak̇aƞṫaƞka uƞṡinila yelo,” eye.

Luke 2:11

Le aƞpetu ki David ṫaoṫuƞwahe ekta Wanikiya ki, Christ Iṫaċaƞ, ṫuƞpelo.

Luke 24:47

Mak̇asitomniya oyate ki Messiah ṫawokiċuƞze ogna leċel woyakapi kte: Oyate ki ṫoḣʹaƞ akiblezapi na Wak̇aƞṫaƞka kiksuyapi haƞtaƞṡ wagluṡnapi ki hena awiċakic̄iktuƞjiƞ kte. Makakijiƞ na teḣiya matʹiƞ na ake wakini ki lena waƞlakapi ċa Jerusalem etaƞhaƞ iyayapi na kaabyekiya oyakapo.

Luke 8:1

Yuƞk̇aƞ he iyohakab, Jesus e na ak̄e nupapi ki hena ob oṫuƞwahe na ohomni wiċoti iyaza woṫaƞiƞ-waṡte na Wak̇aƞṫaƞka ṫawokiċuƞze ki yaoṫaƞiƞpi.

Ephesians 3:8

Oyate eya yuwaƞkal wiċayuzapi ohaƞ wauƞ na matuweni ṡni eṡʹa Wak̇aƞṫaƞka uƞṡimala na miye ċa oyate ṫokṫokċapi ki hena owiċawakiyakiƞ kta makaḣniġe, heċel iƞṡʹeya Christ el taku ihaƞkeya waṡteṡte ċa yuhapiċa yaƞke ki hena iƞṡʹeya yuhapi okihipi kte.