Luke 17:7 - Lakota Portions

⁷ Wayaka niṫawa ki mak̇a-yublu naiƞṡ ṫaḣc̄a-ṡuƞkala awaƞwiċayaƞke he wowaṡi igluṡtaƞ na ḣtayetu eċiyataƞhaƞ glihuƞni ki leċel ehiƞ kta hwo, “Waƞ taƞyaƞ yagli yelo, lel timahel iyotakiƞ na takuƞlḣc̄i yatkiƞ na yuta yo,” ehiƞ kta hwo?

Luke 17:7 Iomraidhean Croise

Luke 13:15

Iṫaċaƞ ki leċel ayupte, “Tuwe ċa yagnayiƞ kteḣc̄iƞ hwo? Aƞpetu wak̇aƞ eċuƞhaƞ waniyapi wiċaluhapi hena mni el awiċalapelo.

Luke 14:5

Ohakabya, Jesus oyate ki iwiċayuƞġe, “Aƞpetu wak̇aƞ waƞ el niċiƞc̄api waƞji, naiƞṡ ptegleṡka niṫawa waƞji, mak̇oḣloka waƞ el ohiƞḣpaya haƞtaƞṡ, waƞc̄agna owiċayakiyapi kta hwo?” eye.

Luke 17:26

Tohaƞl Wiċaṡa-Ċiƞkṡitku ki gli kihaƞ, wiċoiċaġe waƞ iyewiċaye ki he Noah niuƞ hehaƞ tokel uƞpi waƞ he ake iyeċel iyewiċayiƞ kte.

Luke 17:6

Jesus leċel awiċayupte: “Wak̇aƞṫaƞka etkiya wowic̄ala luhapi ki he tohaƞyaƞḣc̄i c̄ikʹala eṡa wowic̄ala niṫawa ki he waṡʹaka haƞtaƞṡ, ċaƞ waƞ hute mahetuya he ki le, ‘Kakiya ḣeyab inajiƞ yo,’ ehapi haƞtaƞṡ iyeċetu ktelo,” eye.

Luke 17:8

Hiya, heċel ehapi kte ṡni. Uƞma etkiya ċa ehapi kte, wayaka niṫawa ki yuġo glihuƞni eyaṡ wayaṡi kte, “Hayapi ṫokc̄a etaƞ kicʹuƞ na loliḣʹaƞ yo, heċel taƞyaƞ wawatiƞ na ipimicʹiyiƞ ktelo, tohaƞl migluṡtaƞ ki hehaƞl niṡ-eya wayata oyakihi ktelo,” ehiƞ ktelo.