Luke 14:1 - Lakota Portions

¹ Aƞpetu wak̇aƞ waƞ el, Jesus wiċaṡa iṫaċaƞ waƞ Pharisee heċa, he ti el wotiƞ kta iyotake, yuƞk̇aƞ tuwe iyuha lila taƞyaƞ awaƞyaƞgkuwapi.

Luke 14:1 Iomraidhean Croise

Mark 3:2

Oyate ki hel awaƞyaƞg kuwapi, wiċaṡa waƞ apiye kte waktapi.

Luke 11:37

Yuƞk̇aƞ Jesus woglake igluṡtaƞ hehaƞl Pharisee waƞ wotiƞ kta kiċo. Ti ekta Jesus kiċi wotiƞ kte iyotake.

Luke 14:2

Wiċaṡa waƞ hu na aḣc̄o popo woyazaƞ eċec̄a ċa iṫokab inajiƞ.

Luke 17:20

Pharisees eya tohaƞl Wak̇aƞṫaƞka ṫawokiċuƞze he u kte ki slolya ċiƞpi na Jesus iyuƞġapi. Yuƞk̇aƞ leċel awiċayupte, “Wak̇aƞṫaƞka ṫawokiċuƞze he tokel u kte ki waƞlakapi oyakihipi kte ṡni.

Luke 20:20

Kiyela awaƞyaƞkapi na huƞḣ oiye ic̄u kuƞzapi kta ċa kaisakib opiicʹiyewiċakiyapi. Na Jesus waeye ki ogluṡic̄iƞ kta waktapi. Oyuspapi na Rome oiṫaċaƞḣc̄a ki ekta ayapi kta awaċiƞpi.

Luke 6:7

Pharisee eya e na Moses-ṫawooṗe-awaƞyaƞkapi eya Jesus k̇aƞyela awaƞyaƞgkuwapi. Wiċaṡa ki le asniyiƞ kta waktapi. Leċuƞ ki taku uƞ ogluṡilkiyiƞ kte atuƞwaƞpi.