1 Peter 1:5 - Lakota Portions

⁵ Wak̇aƞṫaƞka wiċayala ki heuƞ ṫawowaṡʹake uƞ niyuha kte, aƞpetu ihaƞke ekta wiċayasupi kte ki hehaƞyaƞ. Na hehaƞl woohiye waƞ ċiƞniċiye kʹuƞ he yuha niċiƞyiƞ kte.

1 Peter 1:5 Iomraidhean Croise

Ephesians 2:8

Wak̇aƞṫaƞka ṫawowaṡte ki ogna wiċoni luhapi. Wicayala heuƞ heċetu. Niṡnala wiċoni iyac̄u oyakihipi ṡni. Wak̇aƞṫaƞka eċa niuƞyaƞpi. Ċa takuni uƞ niglataƞ oyakihipi ṡni yelo.

Ephesians 3:17

Na wowiċala luhapi ki uƞ Christ niohaƞ uƞ kte. Waṡʹagya nayajiƞpi na wowiċala hute ki he niċaƞtepi ki el mahetuya yagluhapi kte.

Philippians 1:6

Wak̇aƞṫaƞka taku waƞ waṡte ċa uƞ ilag niċ'iyapi ki he heċel kaġe, na Christ Jesus gli ṡni hehaƞyaƞ wowaṡi ki he gluhalapi kte.

Philippians 4:7

Wak̇aƞṫaƞk̄a ṫawolak̇ot̄a ki he lila ook̄aḣniġe ṡic̄e eyaṡ wolak̇ot̄a ki he ogna niċaƞt̄ep̄i na niṫawaċiƞp̄i ki Jesus Christ kiċi nayajiƞp̄i ktelo.

2 Timothy 3:15

Wanik̇aƞyeja henitaƞhaƞ hehaƞyaƞ Wowapi-Wak̇aƞ ki he oyakaḣniġe ki uƞ niksape, na he Jesus Christ ṫawowiċala ki heuƞ yani.

Titus 2:13

Wak̇aƞṫaƞka Niuƞyaƞpi ki woiṫuƞṗeya Jesus Christ ogna iyojaƞjaƞicʹiye, ake ku kta waċiƞyekiya aṗe uƞkʹuƞpi.

1 Peter 1:13

Iwaktaya na taƞyaƞ wiyukc̄aƞpo. Tohaƞl Jesus Christ ake gli kihaƞ Wak̇aƞṫaƞka Tawowaṡte ki uƞ oiyokipiya niyawaṡtepi ktelo.

1 Peter 4:13

Christ ṫaƞtaƞhaƞ uƞ leċel teḣi waƞlakiƞ kte, eyaṡ ṗe yuwaƞkal ikikc̄upi na bliheliċ'iyapo. Leuƞ saƞmṗaya wowiyuṡkiƞ waƞ ihaƞkeya ṫaƞka ċa waƞlakiƞ kte, tohaƞl Christ ake gli kihaƞ.

1 Peter 5:1

Ok̇olakiċiye Wak̇aƞ ki blihelċiyapi waċiƞ uƞ wowapi ki le wakaġe. Miṡʹeya he el oiṫaƞċaƞpi ki he mawaƞji, na Christ tokel kakije kʹuƞ he waƞblake, na he tohaƞl ṫawowaṡʹake ki yutaƞyaƞkel yuaṫaƞiƞpi ki miṡʹeya el oṗamakiyapi kte.

2 Peter 1:3

Wak̇aƞṫaƞka ṫawowaṡʹake ki he uƞ taƞyaƞ uƞkigluhapi uƞkokihipi. Na ṫawowaṡte ki he tokel yunayeuƞyapi uƞkokihipi kte ki he okaḣniḣ uƞkiyapi kte.

Jude 1:1

Le Jude miye lo, Jesus Christ ṫawowaṡi ki waƞji, na James he mihunkake le miye. Wak̇aƞṫaƞka tuwe wiċakaḣniġiƞ na tewiċaḣila kʹuƞ hena Jesus Christ iyoḣlogya taƞyaƞ awaƞwiċayaƞke.

Jude 1:24

Wak̇aƞṫaƞka Wanikiya uƞkiṫawapi ki, Iṫaƞċaƞ Jesus Christ iyoḣlogya yataƞ po! Wak̇aƞṫaƞka iṡnala wookiye niċ'u okihi, heċel taku waƞ el waniċ'iċuƞze ki he ognaya waṡʹagya nayajiƞ kte, na ċaƞte etaƞhaƞ Wak̇aƞṫaƞka iluṡkiƞ kte. Oṫokahe hetaƞhaƞ na wana na oihaƞke wanilya, Wak̇aƞṫaƞka, wowitaƞ, woyuonihaƞ, wowaṡʹake, na wokiċuƞze ki hena ikipi. Ho, heċetuwelo.