1 Peter 1:2 - Lakota Portions

² Ate Wak̇aƞṫaƞka ṫaoyatepi kta niċaḣniġapi, na Woniya Wak̇aƞ ki uƞ niyuwak̇aƞpi. Ehaƞni Ṫaṫaƞka ki we kpapsuƞpi heċel oyate ki nipi kta he iyeċel, Jesus Christ we kpapsuƞ na wiċoni ekignake ki he ohoyalapi haƞtaƞnaṡ yani pi kte. Wak̇aƞṫaƞka uƞṡinilapi na wookiye niċ'upi kta uƞ ċewakiye.

1 Peter 1:2 Iomraidhean Croise

Mark 13:20

Eyaṡ Wak̇aƞṫaƞka aƞpetu ki hena yupteċela, heċuƞ ṡni ki tuweni ni kte ṡni. Ho heuƞ oyate eya wiċakaḣniġe ki hena uƞ iyowalya aƞpetu ki hena yupteċela.

Mark 13:22

Wiċaṡa-wak̇aƞ-waayaṫaƞiƞ na Wanikiya heċapi keya aṫaƞicʹiyapi kte. Hena nakuƞ waasniyaƞpi kte ki heuƞ wiċagnayaƞpi kte, okihi pic̄a ki, Wak̇anṫaƞka oyate waṡte ki hena k̇o wiċagnayapi kte.

Mark 13:27

Ogligle wak̇aƞ eya kuta hiyuwiċayiƞ kte ki hena ṫate uye topa ki hena iyayapi, na Wak̇aƞṫaƞka tona wiċaglaḣniġe ki hena mak̇a owaƞc̄aya wiċapahipi kte.

Luke 18:7

Wak̇aƞṫaƞka aƞpetu iyohila ċekiyapi haƞtaƞṡ nawiċaḣʹuƞ na owiċakiyiƞ kte.

2 Thessalonians 2:13

Mitakuyepi, Iṫaƞċaƞ Jesus uƞṡinilapi na ċaƞtonignakapi, heċetu ki heuƞ niyepi uƞ Wak̇aƞṫaƞka wopila uƞkʹupi. Wak̇aƞṫaƞka niye ṫokaheya wookiye iyaċupi kta ċa niċaḣnigapi. Ṫaoniye ki uƞ niyuwak̇aƞpi, na wowiċake ki he wiċayalapi.

2 Timothy 2:10

Ċa taku keyaṡ makakijiƞ kte, heċel Wak̇aƞṫaƞka ṫaoyate ki Jesus Christ ognayaƞ wowaḣtani etaƞhaƞ woaktuƞje na oihaƞke wanilya wiċoni hena waƞyaƞkapi ktelo.

Titus 1:1

Wayaka iyeċel Wakaƞṫaƞka ṫawowaṡi ki, na Jesus Christ ṫawahoṡiye ki, le Paul miye. Wak̇aƞṫaƞka ṫaoyate ṫawowic̄alapi ki waṡʹakapi na taƞyaƞ okaḣniġapi kte na heuƞ owoṫaƞla uƞpi kta ċa wowapi wakaġe.

1 Peter 1:14

Wak̇aƞyeja ċa taƞyaƞ waanaġoptaƞpi iyeċel opiiċ'iyapo. Taku eya ehaƞni niye ċiƞiċ'iyiƞ na hena kaṡkanize kʹuƞ hena hehaƞya heċetu kte ṡni.

1 Peter 1:19

Eyaṡ Christ ṫaḣċiƞċala ċa we kpapsuƞya tʹe ki he iyeċel wiċoni ekignake heċel wayaḣtani ki he uƞ niċiċaijupi.

1 Peter 1:20

Wak̇aƞṫaƞka mak̇a ki le kaġe ṡnihaƞni Christ kaḣniġe, eyaṡ niyepi uƞ nakeṡ aƞpetu ehake le el gluaṫaƞiƞ.

1 Peter 1:22

Taku heċetu ki he wiċayalapi, na heuƞ naġi niyawaṡtepi. Ċa he uƞ ċaƞte etaƞhaƞ tekiċiḣila yauƞpi. Na heċel yauƞpi ki waṡte kte.

1 Peter 2:9

Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,

2 Peter 1:2

Wak̇aƞṫaƞka uƞṡinilapi na waḣwayela uƞniċiyapi kta uƞ ċewakiye! Wak̇aƞṫaƞka na Iṫaƞċaƞ Jesus aƞpetu iyohila wokaḣniġe ki he isamya oyakaḣniġapini eċami.

Jude 1:2

Wak̇aƞṫaƞka niyawaṡtepi nuƞwe, na uƞṡinilapi, na wookiye nicʹupi, na waċaƞte ognaka yuha niċiyapi kta ċewakiye.