Titusemut 3:7 - Labrador Inuttitut Heritage Bible

⁷ Uvagut tâpsoma saimarsautânut idluartitaumalertogut, nerriungnermut kingormgujijuksauᴋovluta inôtsemik nâksaungitomik.

Titusemut 3:7 Iomraidhean Croise

Mattêuse 25:34

Tagva Nâlekab talerpingme tungânêtut oᴋautijomârpait: ᴋaititse, Atâtama nagliktangit, nâlegauvik kingormgutilersiuk, ilipsingnut pijarêrsimajok silaksûb pigiarninganit.

Markuse 10:17

Anilaungmallo apᴋosinermut, inuit illangata ingiarsijub sêrᴋortorvigilugo aperivâ: Ajungitotit ajoᴋertuijoᴋ, sumik piniartuksauvîk, inôtsemik nâksaungitomik kingormgujerᴋovlungâ?

Rômiunut 11:6

Saimanermulle pigunik, piniarnermut pingilat; taimaingipat saimaneᴋ saimaniojungnairpoᴋ. Piniarnermulle pigunik, saimanermut pingilat; taimaingipat, piniarneᴋ piniarniojungnairpoᴋ.

Rômiunut 3:24

Akkeᴋangitomiglo idluarsititaulerput tâpsoma saimarsautânut, piuliklernermut, Kristusib Jêsusib pijanganut;

Rômiunut 3:28

Taimaimat issumavikpogut, inuk idluarsititaulermat perᴋojat piniarᴋojanginu-ungitoᴋ, okpernermut kissianut.

Rômiunut 4:16

Taimaimat idluarsineᴋ okpernermut pijuksauvoᴋ, saimanermit perᴋovlugo, angersimanerlo okpernarserᴋovlugo (Abrahab) kinguvânginut tamainut, perᴋojalingnut kissênu-ungitoᴋ, Abrahatulle okpertunuttauᴋ, tamapta tâmna atâtagigaptigo,

Rômiunut 4:4

Piniarnernulle pinasuartub akkilertauninga saimanermut (nâpkiningnermut) pingilaᴋ, tunitjiviojariaᴋarmat.

Rômiunut 8:17

Kitorngaugaptale, kingormgujijuksaugivoguttauᴋ, imaipoᴋ, Gûdemit kingormgujiluta, Kristuselo kingormgujeᴋatigilugo; kappianarnernik peᴋaᴋatigiguptigo, ânanauseᴋattaujomârᴋovlutatauᴋ.

I Korintemiunut 6:11

Taimailiulauktut ilapse ilangit; ubvarsimavlusele ivjornaitisimavluselo idluartisimavose, Nâlekab Jêsusib atinganut Gûdiptalo Anerninganut.

Galâtsiamiunut 2:16

Kaujimagaptale, inuk idluartitaujungnangimat perᴋojat piniarᴋojanginut, okpernermulle Jêsuse Kristusemut; uvaguttauᴋ Jêsuse Kristuse okpervigivavut, idluartitaulerᴋovluta okpernermut Kristusemut, perᴋojallo piniarᴋojanginu-ungitoᴋ; uvinilik idluarsijungnangimat perᴋojat piniarᴋojanginut.

Galâtsiamiunut 3:29

Kristusible pigikpase, Abrahâb tagva kinguvârivâse, kingormgujijuksaugivose angersimaneᴋ pivlugo.

Galâtsiamiunut 4:7

Taimaimat kivgaujungnairpotit, ᴋitorngauvotille; ᴋitorngauguville, Gûdemittauᴋ kingormgujijuksaugivotit Kristusikut.

II Tessalônikamiunut 2:16

Nâlegaptale Jêsusib Kristusib (nangmineᴋ), Gûdiptalo Atâtapta, uvaptingnik nagligosuktub, saimarsainerminullo manigornartomik nâksaungitomik, nerriugijaksamiglo ajungitomik tunitjivigilauramitigut,

Titusemut 1:2

Nerriugilugo inôsek nâksaungitok, tamanna Gûdib saglotuitub angersimanerilauᴋtanga, silaᴋsoak pigiarᴋârtinago;

Titusemut 2:11

Gûdib saimarsautâ piulijaunartok sakᴋersimangmat inungnut tamainut;

Titusemut 2:13

Nerriugijaksak piloringnartok, Gûdiviksûblo piulijipta Jêsusib Kristûsib sakᴋerniksanga ânanaudlartok utaᴋilugo;

Ebrêerinut 1:14

Taipkoa ilûnatik anerniongilât kivgartortuksauvlutik; tilijaumajut kivgartorᴋojauvlutik piulijaunermik kingormgujijomârtût pivlugît?

Ebrêerinut 11:7

Okpernermut Noa, Gûdemut oᴋautjaugame sulle takuksaungitunik, Gûde naipertorlugo umiaᴋsoarmik senavoᴋ, illame piulijauviksanganik; tamattomunga silaᴋsûb inungit erᴋartorpait kingormgutilerlugolo idluarsineᴋ, okpernermit pijoᴋ.

Ebrêerinut 11:9

Okpernermut tujormiangolauᴋpoᴋ nuname angerutaumajome, pijaksaringitamine sorlo; tupênaᴋarlune Isaarlo Jâkolo illagivlugik, kingormgujeᴋataujûk angerutigijaumajomik tamattominga.

Ebrêerinut 6:17

Gûdib tagva, angerutigijaumajomik kingorngujijuksat issumame soᴋᴋoserniangininganik ᴋaujimaviktitsomagamigit, angermaringneᴋ illautipâ,

Jâkobusib 2:5

Nâlagitse, nagliktakka ᴋatangutikka: Silaksoarme mattomane aklujut, okpernermik akluilutik Gûdib anerilaungilagît, kingormgujeᴋovlugit nâlegauvingmik, nagliktiminut angerutigijaminîk?

I Pêtrusib 3:7

Taimaktauᴋ nulialit ilipse, silatoluse najortigisigik, arnallo sangênersaungmatta opigisigik, tâpkoatauᴋ saimanermut kingormgujeᴋattauniarmatta inôtsemik; tuksiarnise agviartauᴋonagit.