Titusemut 3:3 - Labrador Inuttitut Heritage Bible

³ Uvaguttauk sivorngane silaitoksôlaungmigapta, tapatolaptalo, tamartudlarluta, ikligunerit kivgartorlugit, sunatuinarniglo alliadlarluta, ningarosungnermelo anerudjinermelo arvertarluta, ômigijigêklutalo.

Titusemut 3:3 Iomraidhean Croise

Genesis 38:9

Onanelo nallungilaᴋ, kinguvâksaᴋ nangminerijaksaringinamiuk, tuttiklugolo angajume nulianga nunamut kattaktitsivoᴋ, angajuminut kinguvâksarsijomanane.

Genesis 39:16

Tagva annorânga sanniminut illivâ angajoᴋânga tikkitsiarivlugo.

Imgerut 36:2

Ingminik ijingmine nertortingmat, idluitullinerminik attoromavlune ômisugomavlunelo.

Salomob Okâl 8:5

Illipse ilisimaitose kamatsialeritse silatutsiarnartomik; silaitoselo omamiutarksileritse.

Salomob Okâl 9:6

Illusek ilisimainartok allarsiuk, tagva inôniarpose; arvertaritselo silatunerub apᴋotingane.

Jesaiase 44:20

Argjat (tiktaujut) tigunasuarpait, õmatingata uivêrijaumajub tammartipâ, tarnine piulivlugo sapperpâ, imâglo issumaᴋangilaᴋ: Tallerpiga uivêrinartunik sullijaksaᴋangilâᴋ?

Obadia 1:3

Omativît pingijainingata uivêrivâtit, igvit ineᴋartotit ᴋairtut ᴋongnângine, poᴋtojome ineᴋartotit; ômatingne oᴋartotit: kia nunamut kataktinajarᴋângâ?

Mattêuse 21:29

Tâpsomale kiovlune oᴋautivâ: Aijomangilanga. Kingorngagullo ᴋaᴋialerame, ailerpok.

Lukase 21:8

Oᴋarporle: Kamatitse, uivêrijauᴋonase. Unuktut tikitsomârmatta atera aterivlugo, oᴋarlutiglo: Kristûseovunga, naliusimajomiglo (oᴋarmilutik). Taipkoa malingniarasigik.

Johannese 8:34

Jêsusib kiovait oᴋautivlugillo: Âhamarik, âhamarik oᴋaupapse: Idluitulijok kivgauvok ajornernut.

Rômiunut 11:30

Sorlo ilipsetauᴋ itsaᴋ okpingitôlaurapse Gûdemut, mânale nâpkigijaulerdluse, taipkoa okpingimatta,

Rômiunut 6:12

Taimaimat ajorneᴋ atanerinasiuk timipsigut toᴋojuksatigut, ikliguninga nâlatsanago!

Rômiunut 6:17

Gûde ᴋujagijaule, ajornerub kivgarilaungmâse; mânale oᴋautsit ajoᴋertûtsinik maligaksapsingnik ômamut nâlekapsigik;

Rômiunut 6:22

Mânale ajornermit ᴋelarudjârtaumagapse, Gûdemullo kivgaumalerdluse, piksarsivose ivjornaijutiksapsingnik; naggatânelo inôtsemik nâksaungitomik.

Rômiunut 6:6

Kaujimavluta, tâpsoma inutoᴋavut kikiaktortauᴋatigingmago saningajolingmut, time, ajornerub pinga, atorungnairᴋovlugo, ajortomik kivgartorᴋonata kingorngane.

II Korintemiunut 12:20

Sivôragama, tikikuma, ilipse pijomajaptut naipinianginapse, uvangalo pijomangitapsitut naipiniarapsinga; akunapsingnêtoᴋarniarmallo akkerartortigêktunik, anerutjijuniglo, ningartuniglo, aivajuniglo, terliaᴋataijuniglo, kiggoijuniglo, piojoridlartuniglo, pikablartuniglo.

Galâtsiamiunut 6:3

Piojorijoᴋarpalle ingminik, suksaungitôgalloardlune, tâmna uivêrivoᴋ nangminerminik.

Kolossamiunut 1:21

Ilipsetauk, sivorngagut takorngartaulauktose akkerartortiolapselo issumapsigut idluitulinerme;

Kolossamiunut 3:7

Tamakkoa ilipsetauk atulaukpase sivorngane, taipkonane inôtiluse.

II Timôteusemut 3:13

Inuille ajortut uivêriklertullo ajorpallianiarput, tamartitsivlutik tamartitaularmiglo.

II Timôteusemut 3:6

Taipkoa illangit iglunut terliarutivlutik pulârᴋattarput, (oᴋautsimikut) arnakulluit naperdlugit, arnat ajortoliksuit, sunatuinarnullo ikligunernut tessiortaujut,

Titusemut 1:16

Gûde illitarivlugo oᴋarput, piniarnermingnulle missiarutigivât; Gûdemut makᴋojungnaramik, tapatojoᴋsôlarmiglo, sappertoksôvut ajungitulinernut tamainut.

Titusemut 2:12

ᴋaujisarpâtigullo Gûdeᴋangitut ilusingit, silaksoarmiullo ikliguningit allarlugit, nâmatuinartomik, idluartomiglo, Gûdelo nâleklugo inôniarᴋovluta silaksoarme tamattomane;

Jâkobusib 1:26

Akunapsingnêtoᴋarpalle Gûdemik kivgartorasugijomik, oᴋanelo atornerluktailitingikuniuk, ômatinele asserorlugo: tâpsoma Gûdemik kivgartorninga piutsangilak.

I Pêtrusib 1:14

Kitorngatitut nâlektutitut, iliorniaraselo taipsomanetut, nelojoᴋsôtiluse ikligunerit maliklugit inôlaurapse;

Takotitaunermik 12:9

Kuglugiaᴋsoarâluglo angijok anititauvok, ᴋuglugiatoᴋak ateᴋartok: Passiklertemik Sâtanasemiglo, silaksoarmiunik tamainik asseroijok, egitauvlunelo nunamut, Engelingillo egitaugivut.

Takotitaunermik 13:14

Nunamiullo tamartidlugit tatamnartut piniarungnartitaujutigijane nergjutsûb takoane pivlugit; oᴋautivlugillo nuname nunaᴋartut, adsiliorᴋovlugit nergjumik, saviksoarmut ikilertaulauktomik, ômatitaulauktomiglo.

Takotitaunermik 18:2

Aksororlunelo nipliavok nippersoarmut oᴋarlune: Ochomavok, ochomavok Babilône angijoksoak, iniksauvlunelo Sâtanasinut, iterviksauvlunelo anernernut maᴋojungnartunut tamainut, iterviksauvlunelo tingmitjanut ivsornartunut erᴋsinartunullo tamainut.