Titusemut 3:2 - Labrador Inuttitut Heritage Bible

² Kimiglônêt mitauteᴋaratik, akkerartortaililutik, inôtsiarlutik, ningarosujuinermik sakᴋertitsilutik inungnut tamainut.

Titusemut 3:2 Iomraidhean Croise

II Samuel 22:36

Tunnitsivigivarmalo piuliklernivit sappulutanganik. Nikkanarsartigumgalo angijorortiparma.

Imgerut 140:11

Kannelik idluitomik pilloringneᴋarniangilak nuname; innuk pinniarluktok idluitok aijaliktaujomârpok ochotitaujomârlunelo.

Salomob Okâl 19:19

Ningaumajarnek angijok pijaksaungitomik sakkertitsingmat; tamana pivlugo sugiarnît ominga sorêrle, tagva (pijariakarningane) ama sugiarungnarpet.

Salomob Okâl 25:24

Iksivalune iglub ᴋângata terreᴋoane nâmanersauvok, Iglomiuᴋatteᴋarnermit arnamik aivanigojomik.

Salomob Okâl 6:19

Nellonailêjok nellangaitok, iktoriktailune saglonernik oᴋartok; aivanêkartitsijorlo ᴋatangutigêt akkorngane.

Jesaiase 40:11

Mianersijotut kattimajoᴋotine mianerivait. Saugârait kattitipait tallerminut sârdliarlugillo, saukkallo amâmaktitsijut tassiutsiarpait.

Mattêuse 11:29

Nangmautara ilipsingnut pisiuk, ilinniarvigivlungalo; ᴋenuênama piojorijuilarmalo ômatimne; tagva merngoerserviksarsiniarpose tarnipsingnut.

Apostelit Piniarningit 23:5

Pauluselo oᴋarpok: Nagliktakka ᴋatangutiget, ᴋaujimalaungilara ajoᴋertuinerongmangât. Aglaksimangmat: Inuᴋotivit angajoᴋauneroninganut oᴋauserluktuksaungilatit.

I Korintemiunut 6:10

Tigliguillônêt, pijomatudlartullônêt, tallatullônêt, oᴋauserludlartullônêt, arᴋtaijullônêt Gûdib nâlegauvinganik kingormgujiniangilat.

I Korintemiunut 9:19

Inungmik nâlegaksaᴋangigalloardlunga, uvamnik kivgautitunga tamainut, unuksititsomavlugit (okpertuksat).

II Korintemiunut 10:1

Uvangale Pauluse kaiblarpapse Kristûsib ᴋenuêninganut kamangitsertorninganullo, uvanga takupsingne nikanarsârtunga apsimanimnele ilerasungitunga ilipsingnut.

II Korintemiunut 12:20

Sivôragama, tikikuma, ilipse pijomajaptut naipinianginapse, uvangalo pijomangitapsitut naipiniarapsinga; akunapsingnêtoᴋarniarmallo akkerartortigêktunik, anerutjijuniglo, ningartuniglo, aivajuniglo, terliaᴋataijuniglo, kiggoijuniglo, piojoridlartuniglo, pikablartuniglo.

Galâtsiamiunut 5:22

Anernerub perortisangangit tamadja: Naglingneᴋ, ᴋuviasungneᴋ, ullapirsaineᴋ, ᴋenuersârneᴋ, inôtsiarneᴋ, pitsiarneᴋ, okperneᴋ, piojoringineᴋ, ikliguktailineᴋ.

Galâtsiamiunut 6:1

Katangutikka, tammarnermut opaluijaujoᴋarajarpat, taimaitoᴋ âᴋiksorasuarsiuk anernermut ᴋenuêtomut, ilipse Anerneliojose. Udjertorillo nangminernik, igvittauᴋ ôktortaulungnermut pijauᴋonak.

Galâtsiamiunut 6:10

Taimaitomik piviksaᴋarapta, ajungitulilerta tamainut, okperneᴋaᴋativulle piluardlugit.

Efêsusemiunut 4:2

Piojorijuiluse tamât, ᴋenuêluselo kamangitsertorluselo, ningarijigêktailititselo naglingnerme.

Efêsusemiunut 4:31

Kaningaumajârneᴋ, ômisungnerlo, ningarnerlo, nipliadlarnerlo mitauteᴋarnerlo tamât ilipsingnit ungasiktisigik, idluitulinerillo tamaita.

Filippimiunut 4:5

Inôtsiarnise nalonairle inungnut tamainut. Nâlegaᴋ ᴋanipoᴋ.

I Tessalônikamiunut 2:7

Kristûsib Apostelingititut oᴋumaititsinajartuksaulauralloarpogut ilipsingnik; anânatulle najulauᴋpapse, sôrlo arnab amâmaktitsijub ᴋitorngane pairingmagit.

I Timôteusemut 3:11

Taimâktauk nuliangit ilusitsiariktuksaugivut, terliaᴋataitaililutik idluartomik iliortuksauvlutik, nertornartuksauvlutiglo ilinganerne ilûnaine.

I Timôteusemut 3:3

Vainetuluadlarane, ileranartaililune, nachonartomik perᴋutiniarasuartaililune, inôtsiarlunele, ningarosuktaililune, pijomatudlarane;

Jâkobusib 3:17

Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

Jâkobusib 4:11

Terliarᴋatainiarase ilapsingnik, ᴋatangutikka. ᴋatangutiminik terliarᴋataijub, ᴋatangutiminiglo erᴋartuijub, tâpsoma perᴋojat terliarᴋatarivait, perᴋojallo erᴋartorpait. Perᴋojanigle erᴋartuiguvit, perᴋojanik malikteolungilatit, erᴋartuijôvotille.

I Pêtrusib 2:1

Tagva idluitulinerit tamaita allarsigik, uvêriklernerit tamaita, takkormôrnerillo, anerutjinerillo, terliaᴋatainerillo tamaita;

I Pêtrusib 3:10

Inôtsiarnermik tussujoᴋ, uvluniglo ajungitunik takojomajoᴋ, oᴋaminik nippangertitsile oᴋauseᴋartaililune ajortomik, ᴋangasinângminullo uivêriklertaililune.

I Pêtrusib 3:8

Tagvale ilûnase issumaᴋaᴋatigêngniaritse, naiperᴋotigosukluse ᴋatangutitut naglikluse, nâpkigosukluse inôtsiarluse.

I Pêtrusib 4:4

Tataminiarput illaginginapsigik, taipkutitunarlo iluseᴋanginapse ᴋuksalaitunik idluituniglo mitautiksaniglo oᴋauseᴋarlutik.

II Pêtrusib 2:10

Sugaluluartomik uvinik maliklugo inôjut, ivsornartunik ikliguktut, nâlekaniglo nachojut, inungmik silasiujuitut, ingmingnik piojoridlartut, sajugatiglo atanionerit mitautigilugit;

Jûdasib 1:10

Tâpkoale mitauteᴋadlarput ᴋaujimangitamingnik; ingergarmik ᴋaujimajamingnele asserorsârutivut ingmingnik, nergjutitut silatuneᴋangitutitut.

Jûdasib 1:8

Taimaigivuttauᴋ sinaktômajut tâpkoa, uviningmingnik ivsornartitsijut, angajoᴋaujunigle nachojut, ataniviksoarniglo mitauteᴋartut.