Titusemut 3:14 - Labrador Inuttitut Heritage Bible

¹⁴ Okpertoᴋativulle ilinniarlît, ajungitulijungnarᴋovlugit pijarialingnik ikajorlutik, sulingitôlerᴋonagit.

Titusemut 3:14 Iomraidhean Croise

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Mattêuse 21:19

Napârtomiglo paungatannaᴋarpaktomik apᴋosiniub saniane takkogame, nelipsarpâ; merᴋutuinalik takkogamiuk, oᴋautivâ: Mattoma kingorngane ilingne perortoᴋarniarungnaimarigle paunganik. Napârtorlo paungatannaᴋarpaktok panersârpok tagvainak.

Mattêuse 7:19

Napârtut naliat, paungaᴋangitok ajungitunik, kipijauniarpok, egitauniarlunalo ikomamut.

Johannese 15:16

Anerilaungilapsinga, anerilauᴋpapsele, isumagivluselo, paungaᴋariartorᴋovluse, paungaᴋarniselo soᴋoserᴋonago; Atâta tuksiarvigigupsiuk atimne, tamattominga tunijerᴋovlugo ilipsingnut.

Johannese 15:8

Tamakutigûna Atâtaga nertortauniarpok, paungaᴋarnialerupse unuktunik, ilinniarteolerluselo uvamnut.

Apostelit Piniarningit 18:3

Tâpkungnunga iterpok; adsigêngniglo sanagamik, najorpak sanavlunelo; itsaliorteovulle.

Apostelit Piniarningit 20:35

Nangminek ᴋaujitilaukpapse tamainik, taimâk sanajuksaugapta, sangêtut ikajorlugit, Nâlekablo Jêsusib oᴋausingit erᴋarlugit, oᴋarmat: Tunijinek piloringnarnersauvok pilitaunermit.

Rômiunut 12:13

Ivsornaitut ajoᴋsarninginut angajoᴋauniaritse; siniktarviojomatitse.

Rômiunut 15:28

Tamanna tagva pinialaurupko, tujôtiksanik âtsivigilauᴋlugit, aijomârnimne Spaniamut apᴋosaromavapse.

Efêsusemiunut 4:28

Tiglilauᴋtoᴋ tigligungnairle, sanalunele aggangminut ajungitomik piniarle, tunijaksaᴋarᴋovlugo ajoᴋsartunut.

Filippimiunut 1:11

Idluarnerub perortitanginik ilumertauluse, Jêsuse Kristusikut (ilupsingne) pijunik, Gûde nertortauᴋovlugo nakoridlartauᴋovlugolo.

Filippimiunut 4:16

Tessalônikamêtilunga aglât atausiarluse, amalo aipanganik tujortapsinga inôgutiksamnik nâmaktomik.

Filippimiunut 4:17

Tunitsivionasuarlunga pingilanga, peᴋangârviksaᴋarᴋojomavlusele nautsertortauniarvipsingne.

Kolossamiunut 1:10

Idluartomik arvertarᴋovluse Nâlekamut ᴋuviagijauvluse ilûnâne, pivalliarᴋovluselo ajungitulinerne tamaine;

I Tessalônikamiunut 2:9

Erᴋaigalloarpose ᴋatangutivut, senaniptingnik oᴋumainiptingniglo: uvlôtilugole unnuamelo senatsainalaurapta, nelipsingniglônêt oᴋumaititsijomanata; taimaidlutalo Gûdib oᴋausinginik tussarnertunik oᴋâlalauᴋpogut ilipsingnut.

II Tessalônikamiunut 3:8

Akkeᴋangitomiktauᴋ niᴋiksaptingnik tigusilaungilagut kimillônût, senavlutale oᴋumaitomik uvlôtilugo unnuamelo pivogut, oᴋumaititsijomanata ilipsingnik.

Titusemut 2:8

Atsuilinartunik erᴋartortaujungnangituniglo oᴋauseᴋarlutit; akkerartorosuktok kangusuᴋovlugo, pitjuteᴋarᴋonagolo oᴋautigilukluta.

Titusemut 3:8

Tamadja oᴋausek okpernartoᴋsôjok. Pijomavunga tamakkoninga ajoᴋertuerᴋovlutit soᴋosijuilutit, okpertut Gûdemut ajungitulinernik ataruilerᴋovlugit. Tamakkoa idluarput atornarlarmiglo inungnut.

II Pêtrusib 1:8

Tamakkoa ilipsingnêkunik pigannêrdlutik, erᴋeasuktiniangilâse sulingitiniaraselônêt illitarsinerme Nâlegaptingnik Jêsuse Kristûsemik,