Titusemut 3:1 - Labrador Inuttitut Heritage Bible

¹ Erᴋaitikit, atanivît atanersuillo atanerilugit nâleᴋovlugit, ᴋunutuidlutik piniarnernut ajungitunut tamainut;

Titusemut 3:1 Iomraidhean Croise

Salomob Okâl 24:21

ᴋitorngâk, Nâlegak atannerlo sivoragikik; pikabladlartullo ilagitailikit.

Okaluktok 10:4

Sôngojûb ningarninga kagvarangat akkerartorlutit, tagva siblutitauniarnak; illaneksârnek saimaimat pijaksaungitunik angijunik.

Jesaiase 43:26

Erᴋaitinga! erᴋartortigêlauᴋta! oᴋalerit idluarsarasuarlutit!

Jeremia 27:17

Tâpkoa nâlangniarasigik; kivgartorsiugle Babilonib ataninga, inôvluselo; soᴋ iglugasaksuit makkoa asserortaujuksauvât?

Mattêuse 22:21

Kiovât: Ataniviksûb. Tagva oᴋautivait. Taimaimat ataniviksoarmut tunisiuk ataniviksûb pinga, Gûdemullo Gûdib pinga.

I Korintemiunut 15:58

Taimaimat nagliktakka ᴋatangutikka, Nâlekab piniarᴋojanginik pivalliatsainaritse, sôngoluse soᴋᴋosijuititse! Nalunginapse, piniarnise Nâlekame sulinase pinginapsigik.

Efêsusemiunut 2:10

Sanamajigigaptigo, pingortitauvluta Kristuse Jêsuseme ajungitulerᴋovluta, Gûdib sivorngagut âᴋiksulaungmatigut, taimailiorᴋovluta.

Deuteronomy 17:12

Inugle iktoriktaivlune piniartok, ajuᴋertuijok tagvane nangertok kivgartorniarlune Nâlekab Gûdivît sângane, idluarsaijorlônêt nâlegomanago, inuk tâmna toᴋojuksauvok; taimaglo idluitut pêjaraksauvut Israêlemit.

Filippimiunut 1:11

Idluarnerub perortitanginik ilumertauluse, Jêsuse Kristusikut (ilupsingne) pijunik, Gûde nertortauᴋovlugo nakoridlartauᴋovlugolo.

Kolossamiunut 1:10

Idluartomik arvertarᴋovluse Nâlekamut ᴋuviagijauvluse ilûnâne, pivalliarᴋovluselo ajungitulinerne tamaine;

I Timôteusemut 2:2

Atanivîllo atanersuillo tamaita pivlugit, ullapitaunangitomik terlingnartomiglo inôseᴋarungnarᴋovluta Gûdemik nâlengnêrme ilusitsiaringnermelo.

I Timôteusemut 4:6

Tamakkoninga ᴋatangutigêt ajoᴋertorungne, Jêsusib Kristûsib nâmaktomik kivgariniarpâtit, inugoijaumajotit okpernermik oᴋautsine, ajoᴋertûtsinelo idluartune nâlainalauktarne.

I Timôteusemut 5:10

Piloriktoᴋutaungmijok ajungitulinermik, ᴋitornganik perorsailaurune, siniktarviogajuklune, ivsornaitut (okpertut) itiganginik ubvalauklune, ajoᴋsartuniglo pitsialauᴋlune, ajungitunik tamainik pinasualauklune.

II Timôteusemut 1:6

Tamanna pivlugo erᴋaitipagit, omartitseᴋovlutit Gûdib tunergutânik ilungnêlertomik, aggamnut patingmilaurapkit.

II Timôteusemut 2:14

Tamakkoninga erᴋaitikit, kigligiutsilerillo Nâlekab sângane, oᴋausituinait pivlugit akkerartorᴋonagit; tamanna atungimat, tussartulle kigdlormut sâtitsungnarpait.

II Timôteusemut 2:21

Tagva naliat avikune inungnit tâpkonangat, tâmna iluleᴋutauniarpok ivsornaitok, nertornartok, iglub inuanut atornarlune, ajungitulinernullo tamainut atuinauvlune.

Titusemut 1:16

Gûde illitarivlugo oᴋarput, piniarnermingnulle missiarutigivât; Gûdemut makᴋojungnaramik, tapatojoᴋsôlarmiglo, sappertoksôvut ajungitulinernut tamainut.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Titusemut 3:14

Okpertoᴋativulle ilinniarlît, ajungitulijungnarᴋovlugit pijarialingnik ikajorlutik, sulingitôlerᴋonagit.

Titusemut 3:8

Tamadja oᴋausek okpernartoᴋsôjok. Pijomavunga tamakkoninga ajoᴋertuerᴋovlutit soᴋosijuilutit, okpertut Gûdemut ajungitulinernik ataruilerᴋovlugit. Tamakkoa idluarput atornarlarmiglo inungnut.

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

II Pêtrusib 1:12

Taimaimat katsunganiangilanga tamakkoninga kaiblatsainarluse, tamakkoa ᴋaujimagalloarapsigik, tunganilimavluselo mikseᴋârnermik mâna saᴋᴋijârtomik.

Jûdasib 1:5

Erᴋaititsomavapsele, mattominga ᴋaujimagalloartose: Nâlekab inuit piulidlarᴋârlugit Egiptenemit, kingorngagut nungutipait taipkoa okpingitut.